ဆမ်ဆောင်းဒု-ဥက္ကဋ္ဌ ထောင်ဒဏ် အယူခံဝင်ကြားနာရန် ဆိုးလ်တရားရုံးချုပ် ရောက်ရှိ

October 12, 2017

ဆမ်ဆောင်းဒု-ဥက္ကဋ္ဌ ထောင်ဒဏ် အယူခံဝင်ကြားနာရန် ဆိုးလ်တရားရုံးချုပ် ရောက်ရှိ

ဆမ်ဆောင်း ဒု-ဥက္ကဋ္ဌ ဂျေဝိုင်လီဟာ ထောင်ဒဏ် ၅ နှစ်ပြစ်ဒဏ်ကို အယူခံဝင် ကြားနာဖို့အတွက် အောက်တိုဘာ ၁၂ ရက်နေ့က ဆိုးလ်မြို့ရှိ တရားရုံးချုပ်ကို ရောက်ရှိလာပါတယ်။ ဆမ်ဆောင်းအုပ်စုရဲ့ အရိုက်အရာကို ဆက်ခံမယ့် အသက် ၄၉  နှစ်ရှိ ဂျေဝိုင်လီဟာ ကော်ပိုရေးရှင်းရဲ့ အကောင်းဆုံးနေရာကို အမိအရ ရရှိစေဖို့ သမ္မတဟောင်း ပတ်ဂွန်ဟေးကို လာဘ်ငွေပေးခဲ့ကြောင်း ပြစ်မှုထင်ရှားခဲ့တဲ့အတွက် ထောင်ဒဏ် ၅ နှစ် ချမှတ်ခံခဲ့ရတာ ဖြစ်ပါတယ်။ ဆိုးလ်မြို့ရှိ တရားရုံးချုပ်ကို ရောက်ရှိလာသူတွေထဲမှာ ဆမ်ဆောင်း အလုပ်အမှုဆောင်ဟောင်းတွေ ဖြစ်ကြတဲ့ ချွဲဂျီဆန်နဲ့ ချန်ချွန်းကီတို့လည်း ပါဝင်ကြပါတယ်။ သူတို့လည်း လာဘ်ပေးမှုကြောင့် ပြစ်ဒဏ်ချမှတ်ခံရပြီး အယူခံကြားနာဖို့ ရောက်ရှိလာတာ ဖြစ်ပါတယ်။ ကိုရီးယားနိုင်ငံ ဥပဒေအရ တရားရုံးက အယူခံမှုကို ကြားနာနေစဉ်အတွင်း ဂျေဝိုင်လီကို အများဆုံး ၄ လသာ ထိန်းသိမ်းထားခွင့်ရှိတယ်လို့ ရိုက်တာသတင်းမှာ ဖော်ပြထားပါတယ်။
4 years Ago
Up