ဆမ်အလာဒိုက်စ်

August 23, 2016

အင်္ဂလန်အသင်း အနာဂတ်အစီအစဉ်ထဲ ဂျိုးဟတ် ပါဝင်နေဆဲဟု နည်းပြ ဆမ်အလာဒိုက်စ် ပြော

အင်္ဂလန်အသင်းနည်းပြ ဆမ်အလာဒိုက်စ်က အသင်းရဲ့ အနာဂတ် အစီအစဉ်တွေထဲမှာ မန်စီးတီးဂိုးသမား ဂျိုးဟတ် ပါဝင်နေတယ်လို့ ပြောလိုက်ပါတယ်။ လောလောဆယ်မှာ မန်စီးတီးနည်းပြ ဂွာဒီယိုလာက ဂိုးသမား ဂျိုးဟတ်ကို ပထမဦးစားပေး ပွဲထွက်ခွင့်မပေးဘဲ ချန်လှပ်ထားပါတယ်။ ဂျိုးဟတ်ဟာ အင်္ဂလန်အသင်းအတွက် ၆၃ ပွဲ ကစားပေးထားပေမယ့် မန်စီးတီးအတွက် ဒီနှစ်ရာသီအစ ပွဲစဉ်တွေမှာ ကစားခွင့် မရသေးပါဘူး။ မန်စီးတီးနည်းပြကတော့ အသက် ၂၉ နှစ်အရွယ် ဂိုးသမားကို အသင်းပြောင်းချင်ရင် ပြောင်းနိုင်တယ်လို့ ပြောထားပါတယ်။ အင်္ဂလန်နည်းပြကတော့ စလိုဗက်ကီးယားနဲ့ ကစားမယ့် ၂၀၁၈ ခြေစစ်ပွဲမှာ ဂျိုးဟတ်ကို ခေါ်သွားမယ်လုိ့ ဆိုထားပါတယ်။ လောလောဆယ်မှာ ဂိုးသမား ဂျိုးဟတ်ကို အဲဗာတန်၊ ဆီဗီလာနဲ့ ဒေါ့မွန်အသင်းတို့က ခေါ်ယူဖို့ စိတ်ဝင်စားနေတယ်လို့ သတင်းတွေမှာ ဖော်ပြထားပါတယ်။
5 years Ago

July 14, 2016

နည်းပြရာထူးအတွက် အက်ဖ်အေနှင့် ဆမ်အလာဒိုက်စ် ညှိနှိုင်း

အင်္ဂလိပ်ဘောလုံးအဖွဲ့ချုပ် (အက်ဖ်အေ) က အင်္ဂလန်နည်းပြရာထူးအတွက် ဆန်းဒါးလန်းအသင်း နည်းပြ ဆမ်အလာဒိုက်စ်နဲ့ စကားပြောဆို ညှိနှိုင်းနေပါတယ်။ ဆန်းဒါးလန်းအသင်းကလည်း အက်ဖ်အေနဲ့ ဆွေးနွေးဖို့ ခွင့်ပြုထားပါတယ်။ ဒါပေမယ့် ပရီးမီးယာားလိဂ်ကလပ် ဆန်းဒါးလန်းအသင်း တာဝန်ရှိသူတွေကတော့ သူတို့နည်းပြကို အသင်းမှာ ဆက်နေစေချင်ကြောင်း အခိုင်အမာ ပြောဆိုထားပါတယ်။ အင်္ဂလန်အသင်းဟာ နည်းပြ ရွိုင်းဟော့ဆန် ထွက်သွားပြီးကတည်းက နည်းပြသစ်တဦး ရှာဖွေနေပါတယ်။ အင်္ဂလန်အသင်း နည်းပြ ရာထူးနေရာအတွက် အက်ဖ်အေက အာဆင်နယ်နည်းပြ အာစင်ဝင်းဂါး၊ အမေရိကန်နည်းပြ ကလင်းစမန်းနဲ့ ဟားစီးတီးနည်းပြ စတိဘရုစ်တို့ကိုလည်း ချိတ်ဆက်မှုတွေ ပြုလုပ်ခဲ့တယ်လို့ သတင်းတွေမှာ ရေးသားထားပါတယ်။
5 years Ago
Up