ဆန်ချို

July 23, 2022

ခြေစမ်းပွဲတိုင်းကို အနိုင်ကစားရန် နည်းပြတန်ဟတ်ဂ်က တိုက်တွန်းထားကြောင်း ဆန်ချိုပြော

ခြေစမ်းပွဲတိုင်းကို အနိုင်ကစားဖို့ နည်းပြတန်ဟတ်ဂ်က အသင်းသားတွေကို တိုက်တွန်းပြော ကြားထားကြောင်း မန်ယူတောင်ပံတိုက်စစ်မှူးဆန်ချိုက ပြောပါတယ်။

မန်ယူနည်းပြသစ်ဟာ ရာသီကြိုခြေစမ်းပွဲစဉ်တွေကတည်းက အနိုင်ရလဒ်မဖြစ်မနေရယူဖို့ မှာကြားထားပြီး  ကစားခဲ့သမျှ ခြေစမ်းပွဲ ၃ ပွဲစလုံးကိုလည်း အနိုင်ရအောင်ကစားနိုင်ခဲ့တာပါ။ ကစားသမားအားလုံးက နည်းပြ တန်ဟတ်ဂ်ရဲ့စကားကို နားထောင်ကြပြီး အစွမ်းကုန်ကြိုးစား ကစားခဲ့တယ်လို့ တောင်ပံ ကစား သမားဆန်ချိုက ပြောပါတယ်။ 

“သူက အသင်းသားအားလုံးကို ခြေစမ်းပွဲတိုင်း မဖြစ်မနေ အနိုင်ကစားဖို့ ပြောထားပါတယ်။ သူက ကျနော်တို့ကို အကောင်းဆုံးခြေစွမ်းထုတ်ပြစေချင်ပြီး ကျနော်တို့ကလည်း မန်နေဂျာရဲ့စကားကို နားထောင်ပြီး အကောင်းဆုံးခြေစွမ်းရအောင်ကစားကြတယ်။ ဒါက စစ်မှန်တဲ့ ယုံကြည်မှု တိုးပွားစေတယ်။ ဒီကစားသမားတွေနဲ့ ကစားနေကြတာဖြစ်ပေမယ့် ရာသီကြိုခြေ စမ်းပွဲတွေမှာတော့ တစ်သင်းလုံးက ကွဲပြားခြားနားတဲ့အသင်းဖြစ်သွားတယ်။ ကျနော်တို့ ပိုပြီးကောင်းမွန်လာတယ်လို့ခံစားရတယ်” လို့ ဆန်ချိုက ပြောပါတယ်။ 

လာမယ့်ရာသီက ဒုတိယမြောက်ရာသီဖြစ်လို့ ပိုမိုအသားကျလာပြီး ခြေစွမ်းပြသနိုင်ဖို့ ပိုမိုကြိုးပမ်းသွားမယ်လို့လည်း ဆန်ချိုကပြော သွားပါတယ်။ 

5 months Ago

January 19, 2022

လိဂ်အဆင့်အတန်းကွာဟမှုကြောင့် ဆန်ချို ခြေစွမ်းမပြနိုင်သေးဟု နည်းပြ ရင်းနစ်ခ် သုံးသပ်

မန်ယူတိုက်စစ်ကစားသမား ဂျေဒန်ဆန်ချိုဟာ ဒေါ့မွန်ကလို ခြေစွမ်းပြသနိုင်ခြင်း မရှိသေးတာက လိဂ်အဆင့်အတန်း ကွာဟချက်ကြောင့်ဖြစ်တယ်လို့ နည်းပြ ရင်းနစ်ခ်က ပြောပါတယ်။

ဆန်ချိုဟာ မန်ယူနဲ့ စုစုပေါင်း ၂၃ ပွဲကစားပြီးချိန်မှာ သွင်းဂိုး ၂ ဂိုးသာရရှိခဲ့ပြီး ဂိုးဖန်တီးမှုတစ်ကြိမ် မှ ပြုလုပ်နိုင်ခြင်း မရှိသေးတာဖြစ်ပါတယ်။

“ပရီးမီးယားလိဂ်လို အကောင်းဆုံးလိဂ်နဲ့ ဂျာမန်လိဂ်နဲ့က ကွာခြားမှုတွေရှိပါတယ်။ ဒီမှာ လုပ်ဆောင်ရမယ့်အရာတွေ အများကြီးလိုအပ်တယ်။ သူ့အနေနဲ့ ဒေါ့မွန်မှာ တိုးတက်ရုံပဲ လုပ်နိုင်တယ်။ အဲဒီအပေါ် ဆက်လက်တိုးတက်လာပြီး အောင်မြင်မှုရရှိအောင် လုပ်ပြနိုင်ဖို့ လိုပါသေးတယ်” လို့ နည်းပြ ရင်းနစ်ခ်က ပြောပါတယ်။ 

ဒါ့အပြင် ပြောင်းရွှေ့ကြေးမြင့်မားတာကလည်း မန်ယူအသင်းမှာ ခြေစွမ်းပြဖို့ ပိုပြီးမျှော်လင့်ခံရတယ်လို့ ဆိုပါတယ်။ 

ရေရှည်မှာတော့ ဆန်ချိုကို  အကောင်းဆုံးကစားသမားဖြစ်လာဖို့ လေ့ကျင့်ပေးနိုင်ပြီး ခြေစွမ်းပြသနိုင်ဖို့ ဆက်လက်ကူညီပေးသွားမယ်လို့ ရက်ဖ်ရင်းနစ်ခ်က ပြောပါတယ်။

11 months Ago
More News
Up