ဆန္ဒပြသူများ

August 18, 2021

ထိုင်းရဲက ဆန္ဒပြသူများကို အင်အားသုံးဖြိုခွင်း၊လူငယ် ၂ ဦး ကျည်ဆန်ထိမှန် ဒဏ်ရာရ

ထိုင်းနိုင်ငံ၊ မြို့တော်ဘန်ကောက်ရှိ ရဲဌာနချုပ်ရှေ့မှာ သြဂုတ် ၁၇ ရက်က  လာရောက်ဆန္ဒပြခဲ့ကြတဲ့ အစိုးရဆန့်ကျင်သူတွေကို ရဲတပ်ဖွဲ့က ရေအမြောက်တွေ သုံးပြီး အင်အားသုံး ဖြိုခွင်းခဲ့ပါတယ်။

ထိုင်းနိုင်ငံမှာ မနေ့က ကိုဗစ်-၁၉ ကပ်ရောဂါ ကူးစက်ခံ သေဆုံးသူဦးရေ ၂၃၉ ယောက်အထိ စံချိန်တင်မြင့်တက်ခဲ့ပြီး ကပ်ဘေးကို အစိုးရရဲ့ ကိုင်တွယ်ပုံနဲ့ပတ်သက်ပြီး ပြည်သူတွေအကြား မကျပ်မနပ်ဖြစ် ဒေါသတွေ ကြီးထွားလာနေပါတယ်။

ဒါကြောင့် ဝန်ကြီးချုပ် ပရာယွတ်သ်ချန်အိုချာ ရာထူးက ဆင်းပေးရေး တောင်းဆိုဖို့ ဘန်ကောက်မြို့လယ်မှာ ဆန္ဒပြသူတွေ ၃ ရက်ဆက်တိုက် စုရုံးခဲ့ဆန္ဒပြခဲ့ ကြပါတယ်။

ဩဂုတ် ၁၆ ရက်က ရဲတွေနဲ့ ဆန္ဒပြသူတွေကြား ရုန်းရင်းဆန်ခတ်မှုအတွင်း လူငယ်ဆန္ဒပြသူ တယောက်ရဲ့ ဦးခေါင်းထဲကို  ကျည်ဆန်ဝင်ပြီး ကိုမာအဆင့်မှာ သတိလစ် မေ့မြောနေခဲ့ပါတယ်။

ဆန္ဒပြပွဲမှာပါဝင်ဆန္ဒပြသူ လူငယ်ဟာ လည်ပင်းမှာ သေနတ်ဒဏ်ရာရခဲ့အပြီး ဓာတ်မှန်ရိုက်ကြည့်ရာမှာတော့ သူ့ဦးနှောက်နားမှာ ကျည်ဆန်ဝင်နေတာ တွေ့ခဲ့ရတယ်လို့ ရာ့ချ်ဝိထီဆေးရုံက ပြောပါတယ်။ ကျည်ဆန်ထိမှန်တဲ့ လူငယ်ဟာ အသက် ၁၅ နှစ်သာ ရှိသေးတယ်လို့ သူ့မိခင်က ပြောပါတယ်။

ရဲတွေက ဆန္ဒပြသူတွေကို လူစုခွဲဖို့ ကျည်အစစ်တွေကို မသုံးခဲ့ဘူးလို့ ပြောပေမဲ့ တခြား လူငယ်တယောက်လည်း ကျည်ဆန်ထိမှန်ခဲ့တယ်လို့ ဆန္ဒပြသူတွေနဲ့အတူ လက်တွဲ လုပ်ကိုင်နေတဲ့ ဆေးဘက်ဝန်ထမ်းတယောက်က ရိုက်တာ သတင်းဌာနကို ပြောပါတယ်။

အဆိုပါ လူငယ်မှာ အသက် ၁၄ နှစ်ခန့်သာရှိပြီး ကျည်ဆန်က ညာဘက်ပုခုံးကိုထိမှန်ခဲ့ကြောင်း၊ လက်ရှိ ကျူလာဆေးရုံမှာတက်ရောက်ကုသနေရတယ်လို့ The voice TV မှာ ဖော်ပြပါတယ်။ 

ဩဂုတ် ၁၆ ရက်က ဆန္ဒပြပွဲအတွင်း လူ ၆ ယောက်ထက်မနည်း ဒဏ်ရာရခဲ့တယ်လို့ ဘန်ကောက် အရေးပေါ်ဌာနက ပြောပါတယ်။

PhotoCredit-Khaosod

1 month Ago

August 15, 2021

ယူကရိန်းသမ္မတရုံးအနီး ဆန္ဒပြသူများနှင့် ရဲများ ရုန်းရင်းဆန်ခတ်ဖြစ်

ယူကရိန်းသမ္မတ ဗိုလိုဒီမီယာဇေလန်စကီရဲ့ ရုံးနားမှာ အမျိုးသားရေးဝါဒီပါတီက ဆန္ဒပြသူတွေဟာ သြဂုတ် ၁၄ ရက်က အရန်အတားတွေကို ချိုးဖောက်ဝင်ရောက်ဖို့ ကြိုးစားရာက ရဲတွေနဲ့ ရုန်းရင်းဆန်ခတ် ဖြစ်ခဲ့ပါတယ်။ 

ယူကရိန်း ရဲတပ်ဖွဲ့ဝင်တွေက  ဆန္ဒပြသူတွေကို မျက်ရည်ယို ဓာတ်ငွေ့တွေနဲ့ ပစ်ခတ်ခဲ့ပြီး ဆန္ဒပြသူတွေက တုတ်ရှည်တွေနဲ့  တိုက်ခိုက်ခဲ့သလို ကားတာယာတွေ၊ ကျောက်တုံးတွေနဲ့လည်း ပစ်ပေါက်ခဲ့ပါတယ်။

“ပဋိပက္ခအတွင်း ရဲ ၈ ယောက် ဒဏ်ရာရတယ်။ ရဲတွေက သမ္မတရုံးနားကို ချဉ်းကပ်လာတဲ့ ဆန္ဒပြသူတွေကို ရှာဖွေဖို့ ကြိုးစားရာက ငြင်းဆန်လို့ ရုန်းရင်းဆန်ခတ် ဖြစ်တာ”လို့ ပြည်ထဲရေး ဝန်ကြီးက ပြောပါတယ်။

ငြိမ်းချမ်းစွာ ဆန္ဒပြခွင့်ကို အခြေခံဥပဒေက အာမခံ ပေးထားပါတယ်။ အခြေခံ စစ်ဆေးမှု ခံယူပြီးသူတိုင်း သမ္မတရုံးရှေ့က ရင်ပြင်ကို ဝင်ခွင့်ပြုပြီးသားပါလို့လည်း သူက ဆက်ပြောပါတယ်။ ရုရှား လိုလားတဲ့ ခွဲထွက်ရေးသမားတွေ ထိန်းချုပ်ထားတဲ့ ဒွန်ဘတ်စ်ဒေသအတွက် အထူးအခြေအနေပေးထားတဲ့ စတိန်းမီးယားဖော်မြူလာလို့ သိကြတဲ့ အစီအစဉ်ကို ဆန့်ကျင်ဆန္ဒပြဖို့ လက်ယာယိမ်း National Corps ပါတီက ဒီချီတက်ပွဲကို စီစဉ်ခဲ့တာပါ။

လမ်းပိတ်ထားချိန်မှာ ရဲအရာရှိတွေက စပြီး အကြမ်းဖက်တာဖြစ်ပြီး ဆန္ဒပြသူ တချို့ ဒဏ်ရာရတယ်လို့ ဒီအုပ်စုက ပြောပါတယ်။

1 month Ago
More News
Up