ဆန္ဒပြသူ

June 13, 2021

နိုင်ဂျီးရီးယားနိုင်ငံတွင် သမ္မတကို ဆန့်ကျင်ဆန္ဒပြသူများ ပစ်ခတ်ဖမ်းဆီးခံရ

နိုင်ဂျီးရီးယားနိုင်ငံမှာ  ဇွန် ၁၂ ရက်က မြို့ကြီးတွေဖြစ်တဲ့ လာဂို့စ်နဲ့ အဘူဂျာတို့မှာ သမ္မတ မူဟမ်မာဒူဘူဟာရီကို ဆန့်ကျင်ကန့်ကွက်တဲ့ ဒီမိုကရေစီနေ့ဆန္ဒပြပွဲအတွင်း  လူအတော်များများကို ရဲတွေက မျက်ရည်ယိုဗုံးတွေ ပစ်ခတ် ဖမ်းဆီးခဲ့ပါတယ်။

 ဒီမိုကရေစီနေ့ဟာ လွန်ခဲ့တဲ့ အနှစ် ၂၀ ကျော်က နိုင်ဂျီးရီးယားရဲ့ အရပ်သားအုပ်ချုပ်ရေးကို ပြောင်းလဲခဲ့တဲ့နေ့ကို အထိမ်းအမှတ် လုပ်တာဖြစ်ပါတယ်။ 

ရဲတွေက လူစုခွဲဖို့ လေထဲကို သေနတ်ပစ်ဖောက်ပြီး လူအုပ်ထဲကို မျက်ရည်ယိုဗုံးတွေ ပစ်နေတာကို ရိုက်တာသတင်းထောက်တွေ မြင်ခဲ့ရပြီး ဆန္ဒပြသူတွေကလည်း ပိုစတာတွေကိုင်ပြီး ဘူဟာရီ သွားတော့ ဆိုပြီး ကြွေးကြော်ခဲ့ကြပါတယ်။ 

အဲဒီမြို့ ၂ မြို့မှာ လူ ရာဂဏန်းလောက်စီ စုရုံးပြီးတော့ ရဲအင်အားတွေ အပြည့်ချထားတာကို မြင်တွေ့ခဲ့ရပါတယ်။

နိုင်ဂျီးရီးယား နိုင်ငံအနောက်မြောက်ဘက်မှာ အစုလိုက်အပြုံလိုက် ပြန်ပေးဆွဲ ငွေတောင်းခံတာတွေ၊ အရှေ့မြောက်ဘက်မှာ ဆယ်စုနှစ်ချီ အစ္စလာမ်မစ်သူပုန်တွေ သောင်းကျန်းတာတွေနဲ့ ပြီးခဲ့တဲ့ အောက်တိုဘာလက မြို့ကြီးလာဂို့စ်မှာ ဆန္ဒပြသူတွေအပေါ် ပြင်းပြင်းထန်ထန် နှိမ်နင်းခဲ့မှုတွေ ကြောင့် တိုင်းပြည်မှာ လူတွေရဲ့ဒေါသဟာ အဆုံးစွန် ရောက်နေကြပါတယ်။ 

4 hours Ago

June 11, 2021

ဘားအံတရားရုံးက ငြိမ်းချမ်းစွာဆန္ဒပြသူ ၃၆ ဦးကို ထောင်ဒဏ် ၂ နှစ်စီ ချမှတ်

ကရင်ပြည်နယ်၊ ဘားအံမြို့မှာ အကြမ်းဖက်စစ်အာဏာရှင်ကို ဆန့်ကျင်တော်လှန် ဆန္ဒပြမှုနဲ့ ဖမ်းဆီးခံရသူ ၃၆ ဦးကို မြို့နယ်တရားရုံးက ဇွန် ၁၁ ရက် ဒီမနက်ပိုင်းမှာ ထောင်ဒဏ် ၂ နှစ်စီ အမိန့်ချလိုက်ပါတယ်။

ဖေဖော်ဝါရီ ၂၈ ရက် မနက်ပိုင်းက တနိုင်ငံလုံးအတိုင်းအတာနဲ့ စစ်အာဏာရှင် ဆန့်ကျင်ရေး အထွေထွေသပိတ်ဆန္ဒပြစစ်ကြောင်းကို တပ်နဲ့ရဲတွေက အင်အားသုံးပြီး အမှတ် ၅ ရပ်ကွက်၊ ဉယျာဉ် ၃ လမ်း၊   မြို့မရဲစခန်းရှေ့နဲ့ အမှတ် ၄ ရပ်ကွက်၊ ကမ်းနားလမ်း( ညဈေးအနီး) နေရာတွေမှာ အင်းအားသုံးဖမ်းဆီးတာ၊ မျက်ရည်ယိုဗုံးနဲ့ပစ်ခတ်ဖြိုခွင်တာတွေကြောင့်  ဖမ်းဆီးခံခဲ့ရသူ  ၈၀ ရှိပြီး ဒီအထဲက  ၃၆ ယောက်ကို အမိန့်ချခဲ့တာပါ။ 

ရုံးချိန်း ၈ ကြိမ်လောက်မှာ  အမိန့်ချလိုက်တာလို့ ညီမ ဖြစ်သူထောင်ချခံရတာနဲ့ပတ်သက်ပြီး အကိုဖြစ်သူတစ်ဦးက ပြောပါတယ်။

"လူငယ်တွေ လူ့အခွင့်အရေးအရ ဆန္ဒပြတောင်းဆိုခွင့်ရှိတယ်။ ငြိမ်းချမ်းစွာ ဆန္ဒပြတာကို မတရားပုဒ်မတပ် ထောင်ချလို့ လူငယ်တွေက နောက်ဆုတ်သွားမှာ မဟုတ်ဘူး။ ဖိလေ ကြွလေပဲ။ ဒါက အနာဂတ်လူငယ်တွေရဲ့ သမိုင်းပဲ "လို့ ဆိုပါတယ်။

မတ်လ ၁ ရက် ညနေပိုင်းက ဘားအံမြိုနယ်တရားရုံးမှာပဲ  ဖမ်းဆီးခံရသူ အယောက် ၈၀ ကို  ရမန်ယူရုံးထုတ်ခဲ့ကာ အသက်မပြည့်တဲ့ လူငယ် ၁၅ ယောက်ကိုတော့  အာမခံနဲ့ပြန်လွှတ်ပေးခဲ့ပါတယ်။

ဆန္ဒပြပွဲအတွင်း ဖမ်းဆီးခံထားရသူတချို့ ချုပ်ရမန်ယူပြီး တရားရင်ဆိုင်နေရသလို ပုဒ်မ ၅၀၅ (က)နဲ့ ထောင်ချခံနေရသူတွေအပြင် မိသားစုနဲ့အဆက်အသွယ်မရဘဲ ပျောက်ဆုံးနေသူတွေလည်း ရှိနေပါတယ်။

2 days Ago
More News
Up