ဆန္ဒပြသမား

July 15, 2022

သီရိလင်္ကာဝန်ကြီးချုပ်၏အိမ်ကို သိမ်းထားသည့် ဆန္ဒပြသမားများ ပြန်လည်ထွက်ခွာ

သီရိလင်္ကာနိုင်ငံမှာ ဝန်ကြီးချုပ်ရဲ့အိမ်ကို ဝင်သိမ်းထားတဲ့ ဆန္ဒပြသမားတွေဟာ ဇူလိုင် ၁၅ ရက်မှာ ပြန်လည်ထွက်ခွာသွားကြပြီး ဖြစ်သလို၊ လမ်းပေါ်ဆန္ဒပြပွဲတွေလည်း ငြိမ်သက်သွားပါပြီ။

ဆန္ဒပြသမားတချို့လောက်ပဲ ဝန်ကြီးချုပ် အိမ်ဝင်းထဲက ဆိုဖာ ခုံပေါ်မှာ ထိုင်သူထိုင်၊ လှဲသူလဲနဲ့ တချို့လည်း အရေးကြီးပုဂ္ဂိုလ်တွေ နေထိုင်တဲ့ အိမ်ဝင်းထဲက ပစ္စည်း ပစ္စတွေကို စူးစမ်းကြည့်နေတဲ့ ပုံမျိုးတွေ့ရပါတယ်။ 

ဝန်ကြီးချုပ် အိမ်တော်ဟာ ကိုလိုနီခေတ်လက်ရာ ဖြစ်ပြီး  ဝင်ကျယ်ကျယ် သစ်သားလှေခါးနဲ့ နှစ်ဆောင်ပြိုင် အိမ် ဖြစ်ပါတယ်။ 

ဆန္ဒပြသမားတွေဟာ ဝန်ကြီးချုပ် အိမ်တော်ကနေ ထွက်ခွာပြီး အပြင်ဘက်ကနေပဲ ဆန္ဒပြဖို့ ဆုံးဖြတ်ထားတယ်လို့ ဆိုပါတယ်။

ဆန္ဒပြသမားတယောက်ဖြစ်တဲ့ ဒန်းနစ် အလီက“ကျနော်တို့ ဖိအားပေးခံနေရတယ်။ ကျနော်တို့က စစ်တပ်က ပစ်သတ်ချင်သတ်နိုင်တယ်။ နောက်တချက်က ကျနော်တို့ အကြမ်းဖက်သမားတွေလို့ ပုံဖော်နိုင်တယ်။ ကျနော်တို့ အကြမ်းဖက်သမားတွေ မဟုတ်ဘူး”လို့ ပြောတာပါ။ 

ရာထူးကနေ ထွက်သွားပြီဖြစ်တဲ့ သမ္မတ ရာဂျာပက်ဆာဟာ ဇူလိုင် ၁၄ ရက်မှာ စင်ကာပူနိုင်ငံကို ထွက်ခွာသွားပါတယ်။

တိုင်းပြည်စီးပွားရေး ပြိုလဲနေပြီး ကိုလံဘိုမြို့ဟာ ညမထွက်ရအမိန့်အောက်မှာ စစ်သားတွေ လမ်းပေါ်မှာ လှည့်လည်နေတာ တွေ့ရပါတယ်။ 

လူထုဆန္ဒပြပွဲတွေနဲ့ ရင်ဆိုင်ခဲ့ရတဲ့ သမ္မတ ရာဂျာပက်ဆာဟာ ဇူလိုင် ၁၃ ရက်မှာ မော်ဒိုက်နိုင်ငံကို ထွက်ခွာခဲ့ပြီ အဲဒီကနေ စင်ကာပူ၊ နောက်ဆုံး ဆော်ဒီအာရေဗျကို ထွက်ခွာမယ်လို့ အခြေအနေကို သိရှိတဲ့ လူတယောက်ကို ကိုးကားပြီး ရိုက်တာသတင်းမှာ ဖော်ပြထားပါတယ်။ 

7 months Ago

September 23, 2021

နမီးဘီးယားနိုင်ငံတွင် လွှတ်တော်ကို ဆန္ဒပြသမားများ ဝင်စီး

အာဖရိက အနောက်တောင်ပိုင်းက နမီးဘီးယားနိုင်ငံရဲ့ လွှတ်တော်ကို စက်တင်ဘာ ၂၁ ရက်က ဆန္ဒပြသူ အယောက် ၃၀၀ လောက် ဝင်ရောက် စီးနင်းခဲ့ပါတယ်။

၁၉၀၄-၁၉၀၈ ခုနှစ်ကြား ဟေရေရိုနဲ့ နမ်မာ လူမျိုးစုတွေကို လူမျိုးတုံး သတ်ဖြတ်မှုအတွက် ဂျာမနီက လျော်ကြေး အမေရိကန်ဒေါ်လာ တစ် ဘီလီယံ ပေးမယ့် အစီအစဉ်ကို အမျိုးသား ညီလာခံမှာ မဲမပေးခင် ခုလိုစီးနင်းခဲ့တာပါ။

ဓားစာခံ လူ့အဖွဲ့အစည်းတွေက အစဉ်အလာခေါင်းဆောင်တွေနဲ့ အတိုက်အခံတွေ ဦးဆောင်တဲ့ ဆန္ဒပြသူတွေဟာ မြို့တော်တဝန်း ချီတက် ခဲ့ကြပြီး လွှတ်တော် အဆောက်အဦထဲကိုဝင်ဖို့ ခြံစည်းရိုးကို တွယ်တက် ခဲ့ကြပါတယ်။

ဒီငွေဟာ နည်းလွန်းတယ်လို့ ငြင်းခုန်ပြောဆိုရင်း ဂျာမနီနဲ့ ညှိုနှိုင်းရာမှာ သူတို့ မပါလို့ ပယ်ချတယ်လို့ ပြောခဲ့ကြပါတယ်။

လွန်ခဲ့တဲ့ နှစ် ၁၀၀ ကျော် ကိုလိုနီဘဝက သတ်ဖြတ်မှုတွေနဲ့ ပိုင်ဆိုင်မှုတွေကို သိမ်းဆည်းမှုတွေ အတွက် နမီးဘီးယား နိုင်ငံထဲက စီမံကိန်းတွေကို ရန်ပုံငွေ ပံ့ပိုးဖို့ ဂျာမနီက သဘောတူခဲ့ ကြောင်း နမီးဘီးယား အာဏာပိုင်တွေက မေလ ၂၈ရက်မှာ ကြေညာခဲ့တာပါ။

ဂျာမနီကလည်း တိုင်းရင်းသားတွေကို သတ်ဖြတ်မှုအတွက် အဲဒီနေ့မှာပဲ တောင်းပန်ခဲ့ပါတယ်။ ဒီအစုလိုက် အပြုံလိုက် သတ်ဖြတ်မှုဟာ ပထမဆုံး လူမျိုးတုံး သတ်ဖြတ်မှုလို့လည်း  တရားဝင် ရည်ညွှန်း ပြောဆိုခဲ့ပါတယ်။

တိုင်းရင်းသားတွေက ဂျာမန် အုပ်ချုပ်မှုကို တော်လှန်ပုန်ကန်အပြီး ၁၉၀၄ ကနေ ၁၉၀၈ ခုနှစ်ကြားမှာ ဂျာမန်တွေဟာ ဟေရေရိုနဲ့ နာမာ တိုင်းရင်းသား ထောင်ချီကို သတ်ဖြတ် ခဲ့ပါတယ်။.

ရှင်သန်သူတွေက ကန္တာရထဲကို ထွက်ပြေးပေမယ့် အများအပြားက ထိန်းသိမ်းရေး စခန်းတွေထဲမှာ ကျွန်အဖြစ် အဆုံးသတ်ခဲ့ရသလို တချို့ကတော့ မောပန်းနွမ်းနယ်တာ၊ အဟာရချို့တဲ့တာ နဲ့ အအေးဒဏ် တို့ကြောင့် သေဆုံးခဲ့ပါတယ်။

1 year Ago
Up