ဆန္ဒပြပြည်သူ

June 3, 2021

ဖားကန့် တာမခံမြို့သစ်တွင် ဆန္ဒပြပြည်သူများကို စစ်အုပ်စုက ကားဖြင့်ဝင်တိုက်ဖြိုခွင်း

ကချင်ပြည်နယ်၊ ဖားကန့်မြို့နယ်၊ ဟောင်ပါးကျေးရွာအုပ်စု  တာမခံမြို့သစ်မှာ စစ်အာဏာရှင်အလိုမရှိကြောင်းနဲ့ စစ်ကျွန်ပညာရေး အလိုမရှိကြောင်း ဆန္ဒဖော်ထုတ်ခဲ့ကြတဲ့ ကျောင်းသားလူငယ်တွေနဲ့ ပြည်သူတွေကို ဇွန်လ ၃ ရက် ဒီနေ့မနက်ပိုင်းက ရဲနဲ့ စစ်တပ်က ကားနဲ့တိုက်ပြီး ဖြိုခွဲခဲ့တယ်လို့  ဆန္ဒပြရာမှာ ပါဝင်သူတွေက ပြောပါတယ်။

ကားနဲ့ဝင်တိုက်ပြီး ဖြိုခွဲခဲ့ပေမဲ့  အချိန်မှီလူစုခွဲနိုင်တာကြောင့် အပြင်းအထန် ထိခိုက်ဒဏ်ရာရရှိသူတွေတော့မရှိခဲ့ဘူးလို့သိရပါတယ်။

တာမခန်မြို့သစ်မှာ စစ်အာဏာသိမ်းပြီးချိန်ကတည်းက စစ်အာဏာရှင်အလိုမရှိကြောင်းကို ဒေသခံပြည်သူတွေ နေ့စဉ်လိုလိုဆန္ဒပြနေကြတာဖြစ်ပါတယ်။

6 months Ago

April 22, 2021

ကလေးမြို့ ဆန္ဒပြပြည်သူ ၄ ဦးကို အကြမ်းဖက်စစ်အုပ်စု ဖမ်းဆီး

စစ်ကိုင်းတိုင်း ကလေးမြို့၊စမ်းမြို့ရပ်ကွက်မှာ အကြမ်ဖက်စစ်တပ်နဲ့ရဲတွေက စစ်အာဏာရှင် ဖြုတ်ချရေး ဆန္ဒပြပွဲပါဝင်သူ လေးယောက်ကို ဧပြီ ၂၁ ရက်က ဖမ်းဆီးသွားတယ်လို့ ကလေးမြို့ခံ တွေက ပြောပါတယ်။

“မနေ့က ညနေ ၃ နာရီအချိန် စမ်းမြို့ရပ်ကွက်နေအိမ်တွေမှာ အကြမ်းဖက် စစ်တပ်နဲ့ရဲတွေ က အင်အားအများအပြားနဲ့ လာရောက် ဖမ်းဆီးသွားတယ်” လို့ ဒေသခံ တစ်ဦးက ဆိုပါတယ်။

အကြမ်းဖက် စစ်တပ်နဲ့ရဲတွေက ဆန္ဒပြရာမှာ ပါဝင်သူတွေနဲ့ပတ်သက်ပြီး  ရပ်ကွက်နေအိမ် တွေကို ရှာဖွေခဲ့တာပါ။

ကလေးမြို့မှာ အကြမ်းဖက်စစ်အုပ်စုကြောင့် သေဆုံးသူ ၂၈ ဦး ထိရှိလာပြီဖြစ်ပေမဲ့ အာဏာရှင်ဖြုတ်ချနိုင်ဖို့ နေ့စဉ်ဆက်လက်ဆန္ဒပြနေကြပါတယ်။

8 months Ago
More News
Up