ဆန္ဒထုတ်ဖော်

May 29, 2021

ဖိအားပေးကျောင်းအပ်ခိုင်းသဖြင့် သရက်ကုန်းကျေးရွာ ကျောင်းသားနှင့်မိဘများ ဆန္ဒထုတ်ဖော်

ကချင်ပြည်နယ် ရွှေကူမြို့နယ် သရက်ကုန်းကျေးရွာ အထက်တန်းကျောင်း (ခွဲ) မှာ NonCDM ဆရာ/ဆရာမတွေက ကျောင်းလာအပ်ကြဖို့ မိဘတွေကို ဖိအားပေးနေတာတွေကြောင့် မိဘတွေနဲ့ ကျောင်းသားတွေက မေလ ၂၉ ရက်နေ့မနက်က ကျေးရွာအတွင်း လှည့်လည်ဆန္ဒဖော်ထုတ်ခဲ့ကြပါတယ်။

အဆိုပါ သရက်ကုန်းကျေးရွာ အထက(ခွဲ) ကျောင်းမှာ ၂၀၁၉ ပညာသင်နှစ်စာရင်းအရ ကျောင်းသားဦးရေ ၂၀၀ ကျော်ရှိပြီး အခုစစ်ကောင်စီလက်ထက်မှာ ကျောင်းအပ်သူ ၆၀ ဝန်းကျင်၊ သင်ကြားရေးဝန်ထမ်း ၂၁ ယောက်မှာ CDM ဝန်ထမ်း ၆ ဦးသာရှိတယ်လို့ သိရပါတယ်။

ဒေသခံကျောင်းသားမိဘတစ်ဦးက “သူတို့ကဖုန်းနဲ့လည်း ဆက်တယ်၊ လူကြုံနဲ့လည်း ပြောခိုင်းတာတွေရှိတယ် ကျောင်းလာအပ်ကြဖို့ပေါ့။ အခုလာမအပ်ရင် နောက်ပိုင်း ဘယ်အစိုးရတက်တက် အဲ့ဒိကျောင်းသား ကျောင်းတက်လို့မရအောင် မင်နီတားခဲ့မှာလို့ ခြိမ်းခြောက်တာ၊ အဲ့ဒါကိုကြောက်ပြီး သွားအပ်သူတွေလည်း ရှိတာပေါ့နော်။ ဒီနေ့ နေ့လယ်အထိဆို ၆၀ လောက်ရှိသွားပြီလို့သိရတယ်။ ၂၀၁၉ စာရင်းအရဆို သုံးပုံတစ်ပုံပေါ့ ကျမတို့ကတော့ သူတို့ဘယ်လို ဖိအားပဲပေးပေး အပ်မှာမဟုတ်ဘူး။ ကိုဗစ်ကပြန်ထလာနေတယ်လေ၊ ပြီးတော့ နိုင်ငံတော်အာဏာကို လိမ်လည်သိမ်းယူထားသူတွေရဲ့လက်အောက်က ပညာရေးက ကလေးအတွက်အသုံးမဝင်နိုင်ဘူး။  အဲ့ဒိတော့ဘယ်လိုစိတ်ချပြီး ကလေးကို ကျောင်းအပ်ရမှာလဲ” လို့ ပြောပါတယ်။

ပညာရေးနဲ့နီးစပ်သူတစ်ဦးရဲ့ ပြောပြချက်အရ ကျောင်းအပ်သာလက်ခံနေတာ ကျောင်းဖွင့်ဖို့က မသေချာဘူးလို့ သိရပါတယ်။

6 months Ago

April 9, 2021

တရုတ်ပစ္စည်းများ မသုံးစွဲကြရန် လှိုင်လူငယ်များ ဆန္ဒထုတ်ဖော်

တရုတ်ပစ္စည်းတွေ မသုံးစွဲကြဖို့၊ ပြည်တွင်းဖြစ်ထုတ်ကုန်ကိုပဲ သုံးစွဲကြဖို့ ဒီနေ့မနက်ပိုင်း လှိုင်မြို့နယ် လူငယ်တွေက ဆန္ဒပြ လှုံ့ဆော်ခဲ့ကြပါတယ်။

ပြီးတော့ အာဏာသိမ်းစစ်တပ်ကို နောက်ကွယ်က ပံ့ပိုးပေးနေတဲ့ တရုတ်နိုင်ငံရဲ့ လုပ်ဆောင်ချက်တွေ ချက်ချင်းရပ်ပြီး မြန်မာပြည်သူဘက်ကပဲ ရပ်တည်ဖို့ အသိပေးတဲ့အနေနဲ့ တရုပ်ခေါင်းဆောင်တွေရဲ့  ပုံတွေကို မီးရှို့ပြီး ပြင်းပြင်းထန်ထန် ရှုတ်ချခဲ့ကြပါတယ်။

8 months Ago
More News
Up