ဒေါ့မန်အသင်းရဲ့ လူငယ်ကြယ်ပွင့် ဂျေဒန်ဆန်ချိုဟာ မန်ချက်စတာယူနိုက်တက်အသင်းရဲ့ ပေါင်သန်း ၁၀၀ နဲ့ ကမ်းလှမ်းချက်ကို ငြင်းပယ်ခဲ့ပြီး ဂျာမန်ကလပ်မှာပဲ တရာသီဆက်ကစားဖို့ ဆုံးဖြတ်ခဲ့တယ်လို့ သိရပါတယ်။ ဆန်ချိုဟာ အခုရာသီမှာ ၄၁ ပွဲကစားပြီး ၁၂ ဂိုးသာ သွင်းယူထားခဲ့ပေမယ့် အသင်းဖော်တွေ ဂိုးသွင်းနိုင်ဖို့ ၁၉ ကြိမ်ထိ ဂိုးဖန်တီးမှုပြုလုပ်ထားခဲ့တာကြောင့် ၁၉ နှစ်သာ ရှိသေးပေမယ့် ဥရောပအသင်းကြီးတွေရဲ့ မျက်စိကျစရာဖြစ်ခဲ့ပါတယ်။ ဆန်ချို့ရဲ့ တရာသီသက်တမ်းတိုးတဲ့စာချုပ်နဲ့ ပတ်သက်လို့ ဒေါ့မန်အားကစားဒါရိုက်တာ မိုက်ကယ်ဇော့ခ်က အတည်ပြုခဲ့ပြီး ကစားသမားကို လာရောက်ကမ်းလှမ်းထားတာ မရှိဘူးလို့ ဆိုပါတယ်။ ဒါ့အပြင် ဆန်ချိုဟာ အသင်းရဲ့ အနာဂတ်စီမံကိန်းထဲမှာ ပါဝင်နေပြီး အရေးပါတဲ့ ကစားသမားဖြစ်တယ်လို့ ဆိုပါတယ်။ ဆန်ချိုဟာ မန်စီးတီးကနေ ဒေါ့မန်အသင်းကို လွန်ခဲ့တဲ့ ၂ နှစ်က ပြောင်းရွှေ့ခဲ့တာပါ။

မန်စီးတီးကစားသမား စတာလင်ဟာ အင်္ဂလန်လူငယ်တွေအတွက် အတုယူစရာ စံပြကစားသမားဖြစ်တယ်လို့ ဒေါ့မွန်လူငယ်ကြယ်ပွင့် ဆန်ချိုက ချီးကျုးပြောကြားလိုက်ပါတယ်။ အင်္ဂလန် တောင်ပံကစားသမား စတာလင်ဟာ အားကစားကလောင်ရှင်တွေက ချီးမြှင့်တဲ့ FWA တနှစ်တာအကောင်းဆု ရယူနိုင်ခဲ့သလို ပရော်ဖက်ရှင်နယ် ကစားမားများ အဖွဲ့အစည်းက ချီးမြှင့်တဲ့ PFA တနှစ်တာ အကာင်းဆုံး လူငယ်ကစားသမားဆုကိုလည်း ရယူနိုင်ခဲ့ပါတယ်။ လန်ဒန်က လူငယ်ကစားသမားတွေအနေနဲ့ စတာလင်ရဲ့ အောင်မြင်မှုတွေကို ကြည့်ပြီး သူ့လိုဖြစ်အောင်ကြိုးစားရင်း ကြီးမားတဲ့ဆုတွေ ရယူဖို့ ကြိုးစားကြမှာဖြစ်တယ်လို့ ဆန်ချိုက ပြောကြားခဲ့ပါတယ်။ စတာလင်ကို ချီးကျူးခဲ့တဲ့ ဂျော်ဒန်ဆန်ချိုဟာလည်း ဂျာမန်ကလပ် ဒေါ့မွန်အသင်းမှာ ခြေစွမ်းပြနေသူဖြစ်ပြီး အင်္ဂလန်လက်ရွေးစင် ကစားသမားတယောက် ဖြစ်ပါတယ်။ အသက် ၂၄ နှစ်ရှိ အင်္ဂလန်နဲ့ မန်စီးတီးကစားသမား စတာလင်ဟာ အခုနှစ်ဘောလုံးရာသီမှာ နိုင်ငံနဲ့ ကလပ်အသင်းအတွက် စုစုပေါင်း ၂၉ ဂိုးအထိ သွင်းယူထားပါတယ်။