ဆည်

May 20, 2018

ကိုလံဘီယာ ဆည်တခု ပြဿနာဖြစ်နေ၍ ရေလွှမ်းမည်ကို စိုးရိမ်

ကိုလံဘီယာနိုင်ငံ မြောက်ပိုင်းက ရေအားလျှပ်စစ် ဓာတ်အားထုတ်မယ့် ဆည်တခု ဆောက်လုပ်ရေး ပြဿနာတက်ခဲ့လို့ အကြီးအကျယ် ရေလွှမ်းမှာ စိုးရိမ်နေကြပါတယ်။ ဒါကြောင့် ကောင်ကာမြစ်တလျှောက်မှာ နေကြတဲ့ လူအယောက် ငါးထောင်နီးပါးကို ဘေးလွတ်ရာ ရွှေ့ပြောင်းပြီးပြီလို့ ကပ်ဘေးကယ်ဆယ်ရေး အေဂျင်စီက ကြေညာချက် ထုတ်ခဲ့ပါတယ်။ မိုးသည်းလို့ ကောင်ကာမြစ်ရေ မြင့်တက်ခဲ့တာပါ။ ဒါကြောင့် အန်တီယိုကွေယာ ခရိုင်အတွင်း အစ်သွမ်ဂိုဆည်မှာ ရေတက်ခဲ့ပါတယ်။ ဒီဆည်ဟာ ကိုလံဘီယာရဲ့ အကြီးဆုံး ရေအားလျှပ်စစ် ဓာတ်အားပေး စီမံကိန်းလည်း ဖြစ်ပါတယ်။ ဆည်ရဲ့ ဥမင်တွေနဲ့ ချိတ်တွဲမှုဆိုင်ရာ လုပ်ငန်းစဉ်တွေ ပြဿနာတက်ခဲ့လို့ အာဏာပိုင်တွေက အကြီးအကျယ် တပ်လှန့် ထားရပါတယ်။ ဆည်ထဲ ရေဝင်မှုကို ထိန်းချုပ်နိုင်စွမ်း ပြန်မရမချင်း ဘေးရှိတယ်လို့ သတ္ထုတွင်းနဲ့ စွမ်းအင်ဝန်ကြီးက ပြောပါတယ်။ ဒီဆည်ကို ဆောက်ဖို့ ဒေါ်လာ ၄ ဘီလျံနီးပါး ကုန်ကျခဲ့ပြီး ကိုလံဘီယာရဲ့ လျှပ်စစ် လိုအပ်ချက် ၁၇ ရာခိုင်နှုန်းကို ဖြည့်စွမ်းဖို့ ရည်မှန်းထားတာပါ။ မြစ်အောက်ပိုင်းက လူနေထူထပ်တဲ့ မြို့ ၁၂ မြို့မှာ နေကြတဲ့ လူ ၂ သိန်းလောက် ရေလွှမ်းမိုးတဲ့ဘေးကို နောက်ဆုံးမှာ ရင်ဆိုင်ရချေ ရှိတယ်လို့ အာဏာပိုင်တွေက ပြောခဲ့ပါတယ်။
3 years Ago

August 4, 2017

ကမ္ဘာ့ဒုတိယအကြီးဆုံးဆည်ဖြစ်လာမည့် တည်ဆောက်ရေးစီမံကိန်း တရုတ်တွင်စတင်

တရုတ်နိုင်ငံမှာ ကမ္ဘာ့ဒုတိယအကြီးဆုံးဆည်ဖြစ်လာမယ့် တည်ဆောက်ရေးစီမံကိန်းတွေ စတင်လုပ်ဆောင်နေပါတယ်။ ဘိုင်ဟီတန်လို့ အမည်ပေးထားတဲ့ အဲဒီဆည်ဟာ တရုတ်နိုင်ငံအနောက်တောင်ပိုင်း စီချွမ်နဲ့ ယူနန်ခရိုင် ထိစပ်နေတဲ့ ဂျင်ရှားမြစ်ပေါ်မှာ တည်ရှိပြီး ရေအားလျှပ်စစ် ထုတ်လုပ်ပေးနိုင်ဖို့ ရည်ရွယ်ကာ ကနဦးတည်ဆောက်မှု လုပ်ငန်းတွေကိုတော့ သြဂုတ် ၃ ရက်နေ့က စတင်ပြီး လည်ပတ်နေတာ ဖြစ်ပါတယ်။ ဆည်ရဲ့အရွယ်အစားဟာ ဘရာဇီးနဲ့ ပါရာဂွေးနိုင်ငံတွေက အစ်တိုင်ပူ ရေအားလျှပ်စစ်ဓာတ်အားပေးစက်ရုံထက် ကြီးပြီး ရေအားလျှပ်စစ် မဂ္ဂါဝပ် ၁ သောင်း ၆ ထောင်  ထုတ်လုပ်နိုင်မှာ ဖြစ်ပါတယ်။ လာမယ့် ၂၀၂၂ ခုနှစ်မှာ တည်ဆောက်မှု ပြီးစီးနိုင်မယ်လို့ ခန့်မှန်းထားပြီး လျှပ်စစ်ဓာတ်အားပေးဝေရေးစခန်း ၁၆ ခုကတဆင့် ဓာတ်အားဖြန့်ဝေသွားနိုင်မှာ ဖြစ်တယ်လို့ ဆိုပါတယ်။
4 years Ago
Up