ဆင်ဖြူကျွန်း

November 2, 2021

စလင်းမြို့ Mytel တာဝါတိုင်အနီး လျှပ်စစ်ဝန်ထမ်း ၂ ဦး မိုင်းနင်းမိ၊ ၁ ဦးခြေထောက်ဖြတ်ရ

မကွေးတိုင်း၊ စလင်းမြို့နယ်၊ ဆင်ဖြူကျွန်းမြို့၊ စေတီလှဝင်းထဲ Mytel တာဝါတိုင်မှာရှိတဲ့ လျှပ်စစ်မီတာယူနစ်ဖတ်တဲ့ လျှပ်စစ်ဝန်ထမ်း ၂ ဦး နိုဝင်ဘာ ၂ ရက် မနက် ၈ နာရီလောက်က စစ်ကောင်စီတပ်သားတွေ ထောင်ထားတဲ့ မိုင်းနင်းမိပြီး ၁ ဦးခြေထောက်ဖြတ်ရကာ ဒဏ်ရာပြင်းထန်ကြတယ်လို့ သိရပါတယ်။

လျှပ်စစ်ဝန်ထမ်း ၂ ဦးဟာ ကိုအောင်ဝင်းနဲ့ နေ့စားဝန်ထမ်း ကိုကျော်သူရတို့ ဖြစ်ကြတယ်လို့ သိရပါတယ်။

ဒေသခံတဦးက “ဗုံးကွဲသံကြားရပြီး အကူအညီလှမ်းတောင်းလို့သွားကြည့်တော့ လျှပ်စစ်ဝန်ထမ်းတွေ ဖြစ်နေတယ်။ ဒဏ်ရာပြင်းထန်ကြတယ်။ ကျော်သူရ ဆိုတဲ့ ဝန်ထမ်းလေးက မိုင်းနင်းမိပြီး ကျန်တယောက်ကတော့ မျက်လုံးထိသွားတယ်။ သနားပါတယ်ဗျာ” လို့ ပြောပါတယ်။

မိုင်းနင်းမိတဲ့ ကိုကျော်သူရကိုတော့ မကွေးဆေးရုံ ပို့ဆောင်လိုက်ရပြီး ခြေထောက်ဖြတ်လိုက်ရတယ်လို့ သိရပါတယ်။

ပြီးခဲ့တဲ့လကထဲကလည်း မကွေးတိုင်းအတွင်း မြို့နယ်အချို့က Mytel တာဝါတိုင်အနီး အကြမ်းဖက်စစ်ကောင်စီတပ်သားတွေ ထောင်ထားတဲ့ မိုင်းတွေတက်နင်းမိလို့ လူနဲ့တိရစ္ဆာန်တွေ ထိခိုက်ဒဏ်ရာရရှိမှုတွေ ဖြစ်ခဲ့တယ်လို့ သိရပါတယ်။

4 weeks Ago

July 27, 2021

သေနတ်ဖြင့် ပစ်သတ်ခံခဲ့ရသည့် ဆင်ဖြူကျွန်းရွာသား ကိုအောင်ပိုင်အပါအဝင် ကျဆုံးပြည်သူ ၉၃၄ ဦး ရှိလာ

မြန်မာနိုင်ငံမှာ မတရားအာဏာသိမ်းကာလ ၆ လနီးပါးအကြာ အာဏာသိမ်းစစ် ကောင်စီတပ်ရဲ့ ပစ်ခတ်သတ်ဖြတ်မှုကြောင့် အပြစ်မဲ့ကျဆုံးပြည်သူ ၉၃၄ ယောက်ထိ ရှိ လာခဲ့ပြီလို့ နိုင်ငံရေးအကျဉ်းသားများ ကူညီစောင့်ရှောက်ရေးအသင်း(အေအေပီပီ)က ထုတ်ပြန်ပါတယ်။

ဒီစာရင်းဟာ ပြီးခဲ့တဲ့ ဖေဖော်ဝါရီ ၁ ရက်မှ ဇူလိုင် ၂၆ ရက်အထိ အေအေပီပီက ကောက်ယူမှတ်တမ်းပြုစုထားတာဖြစ်ပြီး အမှန်တကယ်ကျဆုံးသူတွေဟာ ဒီထက်ပိုနိုင်တယ်လို့ ဖော်ပြထားပါတယ်။

နွေဦးတော်လှန်ရေးကာလအတွင်း ပြည်သူ ၆၉၁၃ ယောက် ဖမ်းဆီးခံခဲ့ရကာ ၅၃၇၀ ယောက်ကတော့ လက်ရှိချုပ်နှောင်ခံထားရဆဲဖြစ်ပြီး အဲဒီထဲက ၂၅၅ ယောက်ကတော့ ထောင်ဒဏ်ချမှတ်ခံထားရပါတယ်။

ပြစ်ဒဏ်ကျခံရသူတွေထဲက အသက် ၁၈ နှစ်အောက် ကလေး ၂ ယောက်အပါအဝင် ၂၆ ယောက်ကတော့ သေဒဏ်ချမှတ်ခံထားရတယ်လို့ ဆိုပါတယ်။

အမှုဖွင့်ခံထားရပြီး ဖမ်းဝရမ်းထုတ်ခံထားရတဲ့အတွက် တိမ်းရှောင်နေသူ အရေအ တွက်ကတော့ ၁၉၆၃ ယောက်ရှိနေပြီး သူတို့ထဲက မျက်ကွယ်သေဒဏ်ချမှတ်ခံထားရသူ ၃၉ ယောက်အပါအဝင် ၁၁၈ ယောက်ဟာ မျက်ကွယ်ပြစ်ဒဏ်ချမှတ်ခံထားရကာ  သေ ဒဏ်ချမှတ်ခံထားရသူ စုစုပေါင်း ၆၅ ယောက် ရှိခဲ့ပြီ ဖြစ်ပါတယ်။

       ပြီးခဲ့တဲ့ ဇွန် ၁၅ ရက်နေ့ကတည်းက ဖမ်းဆီးခံခဲ့ရပြီး ရာဇသတ်ကြီးပုဒ်မ ၅၀၅(က) နဲ့ တရားစွဲဆိုခံထားရတဲ့ ရန်ကုန်တိုင်းဒေသကြီး၊ ခရမ်းမြို့နယ်က မမိုးသူခေါ် မမိုးသူဇာ ထွေးဟာ အင်းစိန်အကျဉ်းထောင်တွင်း ကိုဗစ်-၁၉ ကူးစက်ခံခဲ့ရပြီး ဆေးကုသခံယူခွင့် အ ပြည့်အဝမရရှိတာကြောင့် ဇူလိုင် ၂၂ ရက်နေ့က ထောင်တွင်းမှာ ကျဆုံးသွားခဲ့တယ်လို့ သိ ရပါတယ်။

အလားတူ မတ် ၂၉ ရက်နေ့ကတည်းက ဖမ်းဆီးခံခဲ့ရပြီး ရာဇသတ်ကြီးပုဒ်မ ၅၀၅ (က)နဲ့ပဲ တရားစွဲဆိုခံထားရတဲ့ ရန်ကုန်တိုင်းဒေသကြီး၊ သန်လျင်မြို့နယ်မှ ဦးမြင့်ဝေဟာလည်း ကိုဗစ်-၁၉ ကူးစက်ခံရကာ အင်းစိန်ထောင်တွင်မှာ ကျဆုံးသွားခဲ့တယ်လို့ ဆိုပါ တယ်။

မွန်ပြည်နယ်၊ သထုံမြို့နယ်၊ ဆင်ဖြူကျွန်းကျေးရွာမှာတော့ ဇူလိုင် ၂၄ ရက်နေ့က အကြမ်းဖက်စစ်အုပ်စု တပ်တွေ ဝင်ရောက်လာတာကြောင့် ကြောက်လန့်ပြီး ထွက်ပြေးတဲ့ ဆိုင်ကယ်ကယ်ရီမောင်းသူတွေကို သေနတ်နဲ့ အဆက်မပြတ် ပစ်ခတ်ခဲ့လို့ ဆိုင်ကယ် ကယ်ရီမောင်းသူ ဆင်ဖြူကျွန်းရွာသား ကိုအောင်ပိုင်ကို ထိမှန်ပြီး ကျဆုံးသွားခဲ့ပါတယ်။ ဒါ့အပြင် သူ့ရဲ့ ရုပ်အလောင်းကိုလည်း အကြမ်းဖက်စစ်အုပ်စုက ပြန်လည်ပေးအပ်ခြင်းမရှိဘူးလို့ သိရှိရပါတယ်။

အေအေပီပီအနေနဲ့ လက်ရှိအခြေအနေတွေကို နေ့စဉ်စောင့်ကြည့်မှတ်တမ်းတင် နေတာဖြစ်ပြီး စစ်အာဏာသိမ်းမှုနဲ့ပတ်သက်ပြီး ဖမ်းဆီး၊ တရားစွဲဆို၊ ပြစ်ဒဏ်ချမှတ်ခံ ထားရသူတွေစာရင်းကို နေ့စဉ် ထုတ်ပြန်သွားမယ်လို့ ဆိုပါတယ်။

အရပ်ဘက်အဖွဲ့အစည်းတွေက ခေါင်းဆောင်တွေ၊ အရပ်သားတွေ၊ တက်ကြွလှုပ် ရှားသူတွေ၊ သတင်းသမားတွေ၊ CDM လှုပ်ရှားနေတဲ့ ဝန်ထမ်းတွေ စတဲ့ နယ်ပယ်အသီး သီးက ဘယ်သူမဆို ဖမ်းဆီး၊ ထိန်းသိမ်း၊ တရားစွဲဆိုခံထားရတာကို သိရှိပါက အေအေပီပီ အီးမေးလ်၊ ဖေ့စ်ဘွတ်ခ်နဲ့ တွစ်တာတို့ကတဆင့် ဆက်သွယ်အသိပေး အကြောင်းကြားဖို့လည်း အသိပေးထားပါတယ်။

4 months Ago
Up