ဆက်လက်ရှာဖွေ

February 11, 2019

နစ်မြုပ် ဆင်ပြောင်သင်္ဘောမှ ၇ ဦး အသက်ရှင်၊ ပျောက်ဆုံးနေသူများကို ဆက်ရှာဖွေနေ (ရုပ်သံ)

ရခိုင်ပြည်နယ်၊ ကျောက်ဖြူခရိုင်၊ မာန်အောင်မြို့နယ်၊ ဇီးတောကျေးရွာအနီးရှိ မီးပြတိုက်ကိုပြုပြင်ဖို့ ရောက်ရှိနေတဲ့ ဆင်ပြောင်သင်္ဘော ဒီမနက်​ ၄ နာရီလောက်က နစ်မြုပ်သွားရာမှာ  ပျောက်ဆုံးနေတဲ့ သင်္ဘောသား ၁၉ ဦးကို အပူတပြင်း ဆက်လက် ရှာဖွေနေပါတယ်။ သင်္ဘောပေါ်မှာ လူ ၂၆ ဦးလိုက်ပါသွားတဲ့အနက်  ၇ ဦးသာ မီးပြတိုက်ဆီ ပြန်ရောက်လာတယ်လို့ မီးပြတိုက်တာဝန်ခံ ဦးစိုးဝင်းက  ပြောပါတယ်​။ “သူတို့က ဖေဖော်ဝါရီ ၉ ရက်နေ့က မီးပြတိုက်ကိုပြုပြင်ဖို့ ရောက်နေကြတာပါ။ မီးပြတိုက်ပြုပြင်တဲ့ "ဝါတီ" ဂဟေဆော်အဖွဲ့က ကုန်းပေါ်မှာကျန်ခဲ့ပြီး သင်္ဘောသားတွေက သင်္ဘောပေါ်မှာ နေကြတာပါ။ ဒီနေ့ မနက် ၄ နာရီ လောက်မှာ သင်္ဘောပေါက်ပြီး ရေဝင်လို့ နစ်မြုပ်တာပါ။ သင်္ဘောပေါ်ကနေ နေ ၇ ဦးကိုပဲ ကယ်ဆယ်နိုင်ခဲ့ပါတယ်။ သင်္ဘောက ရန်ကုန်ကပါ။ မီးပြတိုက်ပျက်စီးတဲ့ အပိုင်းတွေလာရောက်ပြုပြင်တာပါ။ အခုကယ်ဆယ်ရေး အဖွဲ့တွေ ရောက်နေပါပြီ ရှာဖွေဆောင်ရွက်နေပါတယ်” သင်္ဘောနစ်မြုပ်မှုနဲ့ ပတ်သက်ပြီး အခြေအနေ အသေးစိတ်သိရဖို့ သက်ဆိုင်ရာ မြန်မာ့ဆိပ်ကမ်းအာဏာပိုင်တွေကို ဆက်သွယ်မေးမြန်းလို့ မရသေးပါဘူး။ ဇီးတောကမ်းခြေနဲ့ ၄ မိုင်ခန့်အကွာ လက်ဖက်ကျွန်းမီးပြတိုက်သို့ ပြုပြင်ရန်လာရောက်တဲ့ "ဆင်ပြောင်”သဘောင်္နစ်မြုပ်မှုကို မာန်အောင်မြို့နယ်မီးသတ်စခန်းက ရှာကယ်တပ်ဖွဲဝင် ၁၀ ဦးနဲ့ ရှာဖွေကယ်ဆယ်ရေးလုပ်ငန်းတွေ ဆောင်ရွက်နေပါတယ်။ အဲဒီမီးပြတိုက်ဟာ နှစ်ပေါင်း ၁၇၀ ကျော် သက်တမ်းရှိပြီး ခရီးသွားသင်္ဘောတွေနဲ့ နိုင်ငံခြားပင်လယ်ကူးသင်္ဘောတွေကို မီးအချက်ပြဖို့ အရေးပါတဲ့ မီးပြတိုက်တခု ဖြစ်ပါတယ်။
2 years Ago
Up