ဆက်ရှာနေ

January 13, 2018

ကယ်လီဖိုးနီးယားတွင် မြေပြိုမှုကြောင့် သေဆုံးသူ ၁၇ ဦးရှိပြီ၊ ပျောက်ဆုံးသူများကို ဆက်ရှာနေ

အမေရိကန်နိုင်ငံ ကယ်လီဖိုးနီးယား မြေပြိုမှုကြောင့် လူ ၁၇ ဦး သေဆုံးပြီး ပျောက်ဆုံးသူတွေကို ဆက်လက် ရှာဖွေနေပါတယ်။ ကယ်လီဖိုးနီးယားပြည်နယ်၊ စန်တာ ဘာဘရာ စီရင်စု၊ မွန်တေစီတိုမြို့မှာ မြေပြိုမှုအတွင်း ရှင်သန်ကျန်ရစ်သူတွေကို ကယ်ဆယ်ရေးသမားတွေက ရှာနေတာပါ။ ဇန်န၀ါရီ ၁၀ ရက်နေ့က အကြီးအကျယ် မြေပြိုမှုအတွင်း ရွှံ့တွေ စီးဆင်းပြီး ကျောက်တုံးကြီးတွေက လူနေရပ်ကွက်တွေထဲ လိမ့်ဆင်းလာခဲ့လို့ လူ ၁၇ ဦး သေဆုံးပြီး လူအတော်များများ ပျောက်ဆုံးနေပါတယ်။ အပျက်အစီးတွေ ပြည့်နေတဲ့ မြို့ထဲမှာ လျှပ်စစ်မီးနဲ့ အင်တာနက်လည်း ပြတ်တောက် နေပါတယ်။ ဇန်န၀ါရီ ၉ ရက်နေ့က အားကောင်းတဲ့ ဆောင်းမုန်တိုင်းတခု အမေရိကန် အနောက်ဘက် ကမ်းရိုးတန်းကို ဖြတ်သန်းတိုက်ခတ်ခဲ့တာပါ။ ဒါကြောင့် မိုးကြီးခဲ့ပြီး ဇန်န၀ါရီ ၁၀ ရက်နေ့ မနက်အစောပိုင်းမှာ ရွှံ့မြေတွေ ပြိုကျခဲ့ပါတယ်။ ရာနဲ့ချီတဲ့ မီးသတ်သမားတွေနဲ့ ကယ်ဆယ်ရေးသမားတွေက ပျောက်ဆုံးနေသူတွေနဲ့ ရှင်သန် ကျန်ရစ်နေသူတွေကို ရှာနေကြပါတယ်။ ဒါပေမယ့် ရွှံ့တွေနဲ့ အပျက်အစီးတွေ ထူထပ်နေလို့ ရှာဖွေရ အခက်ခဲကြုံနေရပြီး ဒေသတခုလုံး ရွှံ့ပုပ်နံ့ ထွက်နေတယ်လို့ မီဒီယာတွေက အစီရင်ခံပါတယ်။ သေဆုံးသူ အများစုဟာ ချမ်းသာပြီး လူဦးရေ ၉၀၀၀ လောက်သာ ရှိတဲ့ စီရင်စုထဲက မွန်တေစီတို မြို့ဝန်းကျင်က လူတွေလို့ ဆိုပါတယ်။ ရွှံ့မြေပြိုကျမှုကြောင့် ထောပတ်သီး စိုက်ခင်းတွေ ရေလွှမ်းမိုးခဲ့လို့ မြို့ရဲ့ စီးပွားရေးလည်း ထိခိုက်ခဲ့ပါတယ်။ ဒီဒေသဟာ အစောပိုင်း သီတင်းပတ်တွေက သောမတ်စ် တောမီးလို့ေ ခ်ါတဲ့ ပြည်နယ်အတွင်း စံချိန်တင် အကြီးဆုံး တောမီးဒဏ်ကို ခံခဲ့ရပါသေးတယ်။
3 years Ago

December 25, 2017

ဖိလစ်ပိုင်တွင် မုန်တိုင်းကြောင့် သေဆုံးသူ ၂၃၀ ကျော်ပြီ၊ ပျောက်ဆုံးသူများကို ဆက်ရှာနေ

အပူပိုင်းမုန်တိုင်းကြောင့် ဖိလစ်ပိုင်နိုင်ငံမှာ သေဆုံးသူ ဦးရေဟာ ၂၃၀ ကျော်အထိ မြင့်တက်ခဲ့ပြီး လူအများအပြားဟာလည်း ပျောက်ဆုံးနေဆဲဖြစ်တယ်လို့ သိရပါတယ်။ ဒီဇင်ဘာ ၂၂ ရက်နေ့ နှောင်းပိုင်းက ဖိလစ်ပိုင်နိုင်ငံတောင်ပိုင်း မင်ဒါနာအိုကျွန်းကို  မုန်တိုင်း “တမ်ဘင်” ၀င်ရောက်ခဲ့တာဖြစ်ပါတယ်။ အပူပိုင်းမုန်တိုင်းအရှိန်ကြောင့် ရေကြီးမှုနဲ့ မြေပြိုမှုတွေ ဖြစ်ပေါ်ခဲ့ပြီး လူ သေဆုံးမှု မြင့်တက်ခဲ့တာဖြစ်ပါတယ်။ ကယ်ဆယ်ရေး လုပ်သားတွေဟာလည်း ဝေးလံခေါင်သီတဲ့ အရပ်တွေကို သွားပြီး ရှာဖွေ ကယ်ဆယ်ရေး လုပ်ငန်းတွေ လုပ်ဆောင်နေပါတယ်။ ဝေးလံလှတဲ့ အရပ်တွေဆီ ကယ်ဆယ်ရေး လုပ်ငန်းတွေ ရောက်ရှိပြီးမှ ပျက်စီးဆုံးရှုံးမှု အတိအကျကို သိရှိနိုင်မယ်လို့ ရိုက်တာ သတင်းမှာ ဖော်ပြထားပါတယ်။
3 years Ago
Up