စုံစမ်းစစ်ဆေ

November 7, 2020

ဆန္ဒပြသူများ သေဆုံးဒဏ်ရာရမှု စုံစမ်းစစ်ဆေးမည်ဟု အီရတ်ပြည်ထဲရေးပြော

အီရတ်ပြည်ထဲရေးဌာနက လူသေဆုံးတဲ့ သတင်းကို အတည်ပြုခဲ့ပေမဲ့ လုံခြုံရေးတပ်ဖွဲ့ဝင် တွေကို ပစ်ခတ်ခွ့င်ပြုမထားဘဲ  ဒီဖြစ်ရပ်ကို စုံစမ်းစစ်ဆေးသွားမယ်လို့ သတင်းထုတ်ပြန်ပါတယ်။ အီရတ်နိုင်ငံ တောင်ပိုင်း ဘတ်စ်ရာမြို့မှာ နိုဝင်ဘာ ၆ ရက် အစိုးရ ဆန့်ကျင်ရေး ဆန္ဒပြပွဲအတွင်း လုံခြုံရေး တပ်ဖွဲ့ဝင်တွေက  ကျည်အစစ်တွေနဲ့ ပစ်ခတ်ခဲ့လို့ ဆန္ဒပြသူ ၁ ယောက် သေဆုံးပြီး အယောက် လေးဆယ်ထက် မနည်း ဒဏ်ရာရတယ်လို့ လုံခြုံရေး သတင်းရင်းမြစ်တွေနဲ့ လူ့အခွင့်အရေး အရာရှိတို့က အတည်ပြု ပြောဆိုပါတယ်။  နိုဝင်ဘာ ၆ ရက်က  ဒါဇင်ချီတဲ့ဆန္ဒပြသူတွေဟာ လမ်းပေါ်ထွက် ဆန္ဒပြပြီး အလုပ်အကိုင်တွေနဲ့ အခြေခံဝန်ဆောင်မှုတွေ ရရှိရေး တောင်းဆိုခဲ့ကြတာလည်း ဖြစ်ပါတယ်။ လက်ရှိ ဝန်ကြီးချုပ် ခါဒီမီဟာ အဲဒီတောင်းဆိုချက်တွေ မဖြည့်ဆည်းပေးနိုင်တာနဲ့  သပိတ်စခန်းတွေ ရှင်းလင်းပစ်တာကြောင့်  ဆန္ဒပြသူတွေက ဒေါသဖြစ်ကြတယ်လို့ လူ့အခွင့် အရေးအရာရှိ တစ်ဦးက ပြောပါတယ်။  နိုဝင်ဘာ ၅ ရက်က ဘတ်စ်ဆရာမြို့ကို လာရောက်တဲ့ ဝန်ကြီးချုပ် ခါဒီမီက အကြမ်းမဖက်တဲ့ ဆန္ဒပြသူတွေကို ကာကွယ်ပေးဖို့နဲ့ မနှစ်က လုံခြုံရေးတပ်ဖွဲ့ဝင်တွေနဲ့ အမည်မသိ သေနတ်သမားတွေ လက်ချက်နဲ့ သေဆုံးခဲ့သူတွေအတွက် တရားမျှတမှု ရှိအောင် လုပ်ပေးမယ်လို့ ကတိပြုခဲ့ပါတယ်။ 
12 months Ago

August 13, 2020

စကော့တလန်တွင် ရထားလမ်းချော်ပြီး  လူ ၃ ဦး သေဆုံးခဲ့သည့်ဖြစ်ရပ်ကို  စုံစမ်းစစ်ဆေးနေ  

စကော့တလန်မှာ လူ ၃ ယောက် သေဆုံးပြီး ၆ ဦးဒဏ်ရာရတဲ့ ရထားလမ်းချော်မှုနဲ့ ပတ်သက်ပြီး ရဲတပ်ဖွဲ့က စုံစမ်းစစ်ဆေးမှုတွေ စတင်ပြုလုပ်နေပါတယ်။ ရထားလမ်းချော်တဲ့ အကြောင်းရင်းကို ရှာရမှာဖြစ်ပြီး  နောက်တကြိမ် ဒါမျိုးမဖြစ်ဖို့ မတော်တဆမှုတွေကို ဟန့်တားဖို့ ဖြစ်တယ်လို့ ဗြိတိန်ဝန်ကြီးချုပ် ဘောရစ်ဂျွန်ဆင်က သြဂုတ်လ  ၁၂ ရက်မှာ ပြောပါတယ်။ အဘာဒဲင်းမြို့တောင်ဘက် ၉ မိုင်အကွာ စတုန်းဟေးဗန်အနားအမှာ  မနေ့ မနက် ၁၀ နာရီဝန်းကျင်လောက်က  ရထားလမ်းချော်တဲ့အကြောင်း ဗြိတိန်သယ်ယူပို့ဆောင်ရေး ဆိုင်ရာ ရဲတပ်ဖွဲ့ ပြောခွင့်ရသူက ပြောပါတယ်။ ရထားမောင်းသူ အပါအဝင် လူ ၃ ယောက် ပွဲချင်းပြီး သေတယ်လို့လည်း အတည်ပြုပါတယ်။ ရထားမှာ စက်ခေါင်း ၂ခု ပါပြီး လူစီးရထားတွဲ လေးတွဲပါတယ်လို့ ဘီဘီစီသတင်းဌာနက ဆိုပါတယ်။ ရှေ့ခေါင်းတွဲနဲ့ လူစီးတွဲ ၃တွဲက လမ်းချော်ခဲ့ပြီး ကျန်တဲ့ရထား တွဲတွေက မြစ်ကမ်း ပေါ်တင်နေခဲ့တာပါ။ ရထားမတော်တဆမှုဖြစ်ပွားရာ ပတ်ဝန်းကျင်ဒေသတွေဟာ လတ်တလော ရက်တွေအတွင်း ရေဘေးသင့် ထားပါတယ်။ မြေပြိုလို့ ရထားလမ်းချော်ခဲ့တာလို့ တချို့က ပြောထားပေမယ့် အာဏာပိုင်တွေကတော့ အတည်မပြုသေးပါဘူး။
1 year Ago
Up