စိုးရိမ်ရေမှတ်

July 12, 2019

လေးမြို့မြစ်ရေ  မြောက်ဦးမြို့၏ စိုးရိမ်ရေမှတ်အထက် ကျော်လွန်နေ

ရခိုင်ပြည်နယ်၊ မြောက်ဦးမြို့မှာ လေးမြို့မြစ်ရေဟာ ဒီနေ့မြန်မာစံတော်ချိန် ၂ နာရီခွဲ အချိန်တိုင်းထွာချက်အရ မြို့ရဲ့စိုးရိမ်ရေမှတ်အထက် ၄ ပေခွဲခန့်ကို ကျော်လွန်ရောက်ရှိနေတယ်လို့  မိုးဇလက ထုတ်ပြန်ပါတယ်။ အဆိုပါမြစ်ရေဟာ နောက် ၂ ရက်အတွင်း ၁ ပေခွဲခန့် ဆက်လက်တက်လာနိုင်ကာ မြောက်ဦးမြို့ရဲ့ စိုးရိမ်ရေမှတ်အထက် ဆက်လက်တည်ရှိနိုင်တယ်လို့ ခန့်မှန်းပါတယ်။ စစ်တောင်းမြစ်ရေဟာလည်း မဒေါက်မြို့ရဲ့ စိုးရိမ်ရေမှတ်အောက် ၁ ပေခွဲခန့် ရောက်ရှိနေပြီး နောက် ၃ ရက်အတွင်း စိုးရိမ်ရေမှတ်ကို ရောက်ရှိနိုင်ပါတယ်။ ကုလားတန်မြစ်ရေဟာလည်း ကျောက်တော်မြို့ရဲ့ စိုးရိမ်ရေမှတ်အောက် ၁ ပေခွဲခန့် ရောက်ရှိနေပြီး နောက် ၂ ရက်အတွင်း စိုးရိမ်ရေမှတ်သို့ ရောက်ရှိနိုင်တယ်လို့ မိုးဇလက ခန့်မှန်း ပါတယ်။ ဒါကြောင့် အဆိုပါမြို့နယ်တွေရှိ မြစ်ကမ်းအနီးနဲ့ မြေနိမ့်ပိုင်း နေထိုင်သူတွေ အထူးသတိပြု နေထိုင်ကြဖို့ မိုးဇလက အကြံပြုထားပါတယ်။
3 years Ago

September 8, 2018

မြို့ ၃ မြို့၏မြစ်ရေ စိုးရိမ်ရေမှတ်အထက် ကျော်လွန်နေ

တောင်ငူ၊ မဒေါက်နဲ့ ဘားအံမြို့တို့ရဲ့ မြစ်ရေ စိုးရိမ်ရေမှတ်အထက်ကို ကျော်လွန်နေတယ်လို့ မိုးဇလက ထုတ်ပြန်ပါတယ်။ ဒီနေ့ မြန်မာစံတော်ချိန် ၁၃:၃၀ နာရီအချိန် တိုင်းထွာချက်အရ စစ်တောင်းမြစ်ရေဟာ တောင်ငူမြို့ရဲ့ စိုးရိမ်ရေမှတ်အထက် ၁ ပေလောက် ကျော်လွန်နေပြီး နောက် ၂ ရက်အတွင်း စိုးရိမ်ရေမှတ်အောက်ကို ပြန်လည်ကျဆင်းနိုင်ပါတယ်။ စစ်တောင်းမြစ်ရေဟာ မဒေါက်မြို့ရဲ့ စိုးရိမ်ရေမှတ်အထက် ၃ ပေခွဲလောက် ကျော်လွန်နေပြီး နောက် ၁ ရက်အတွင်း ပေဝက်ခန့်ကျဆင်းနိုင်ပြီး စိုးရိမ်ရေမှတ်အထက် ဆက်လက်တည်ရှိနိုင်ပါတယ်။ သံလွင်မြစ်ရေဟာ ဘားအံမြို့ရဲ့ စိုးရိမ်ရေမှတ်အထက် ၄ ပေခွဲလောက် ကျော်လွန်နေပြီး နောက် ၁ ရက်အတွင်း ပေဝက်လောက် ကျဆင်းနိုင်ပြီး စိုးရိမ်ရေမှတ်အထက် ဆက်လက်တည်ရှိနိုင်ပါတယ်။ မဒေါက်မြို့နှင့် ဘားအံမြို့နယ်အတွင်းရှိ မြစ်ကမ်းအနီးနဲ့ မြေနိမ့်ပိုင်းနေထိုင်သူတွေ အထူး သတိပြုနေထိုင်ကြဖို့ မိုးဇလက အကြံပြုပါတယ်။
3 years Ago
More News
Up