စုပေါင်းပန်းချီပြပွဲ

August 13, 2020

ပန်းချီဆရာ ၂၄ ဦး၏ မြန်မာ့အလှ စုပေါင်းပန်းချီပြပွဲ (ဓာတ်ပုံ)

ပန်းချီပညာရှင် ၂၄ ဦးရဲ့ မြန်မာ့အလှအမည်ရှိ စုပေါင်းပန်းချီပြပွဲကို ရန်ကုန် ဗိုလ်ချုပ်ဈေးထဲက MAOC gallery မှာ ပြုလုပ်နေပါတယ်။  ဒီပြပွဲကို ၂၀၂၀ ပြည့်နှစ် သြဂုတ် ၁၂ ရက်ကနေ  ၁၆ ရက်အထိ ၅ ရက်ကြာ နေ့စဉ် မနက် ၉ နာရီကနေ ညနေ ၅ နာရီအတွင်း ပြသသွားမှာပါ။  ပန်းချီကား ၆၇ ကား (ရေဆေး ၁၄ ကား၊ ဆီဆေး ၄ ကား၊ အခရိုင်းလစ် ၄၉ ကား)  ပြသထားပြီး တကားကို ဒေါ်လာ ၁၀၀ ကနေ ၇၀၀ အထိ ရောင်းဈေး သတ်မှတ်ထားပါတယ်။ ဒီပွဲဟာ ကိုဗစ် -၁၉ ကပ်ရောဂါတွေကြောင့် ၄ လလောက် ရပ်နားထားအပြီး မြန်မာနိုင်ငံ ပန်းချီပန်းပုအစည်းအရုံးရဲ့ MAOC Art Gallery မှာ ပထမဆုံးအကြိမ် ပြန်လည် ကျင်းပတဲ့ ပန်းချီပြပွဲလည်း ဖြစ်ပါတယ်။ 
1 year Ago

August 10, 2020

ပန်းချီပညာရှင် ၁၆ ဦး၏ Green Season စုပေါင်းပန်းချီပြပွဲ ပြုလုပ် (ဓာတ်ပုံ)

ပန်းချီပညာရှင် ၁၆ ဦးရဲ့ Green Season အမည်ရှိ စုပေါင်းပန်းချီပြပွဲကို အင်းစိန်မြို့နယ်၊ နံ့သာကုန်းရပ်ကွက်၊ မင်္ဂလာလမ်းက Artissmile Art Gallery မှာ ပြုလုပ်နေပါတယ်။  ဒီပြပွဲကို သြဂုတ်လ ၉ ရက်ကနေ  ၁၅ ရက်အထိ ၇ ရက်ကြာ နေ့စဉ် မနက် ၉ နာရီကနေ ညနေ ၅ နာရီအတွင်း ဖွင့်လှစ်ပြသသွားမှာပါ။  ပန်းချီကား ၈၀ ကျော် ပြသထားပြီး ၁ ကားကို အမေရိကန် ဒေါ်လာ ၁၀၀ ကနေ ၃၀၀၀ အထိ ရောင်းဈေး သတ်မှတ်ထားပါတယ်။ 
1 year Ago
Up