စိုးရိမ်

January 27, 2023

စွမ်းအင်ကုန်ကျစရိတ် ထပ်မြင့်မည်ကို တောင်ကိုရီးယားပြည်သူများ စိုးရိမ်

တောင်ကိုရီးယားနိုင်ငံမှာ အေးခဲနေတဲ့ ဆောင်းရာသီ ဆက်ရှိနေတာကြောင့် စွမ်းအင်ကုန်ကျ စရိတ်တွေ ထပ်ပြီးမြင့်တက်လာတဲ့အပေါ် တောင်ကိုရီးယားပြည်သူတွေက စိုးရိမ်ပူပန်ကြောင်း ဇန်နဝါရီ ၂၆ ရက်မှာ ထုတ်ပြောခဲ့ကြပါတယ်။ 

ဆိုးလ်မြို့ဒေသခံ လင်မ်ဂျောင်ချောက "ကျနော်တို့ရဲ့ အပူပေးစရိတ်ဟာ မနှစ်ကထက် ၅၀ ရာခိုင်နှုန်း တက်လာတယ်" လို့ဆိုပြီး ပုံသေဝင်ငွေ ရရှိကြတဲ့ သူနဲ့သူ့ဇနီးဟာ အပြင်ထွက်စားတဲ့ ကုန်ကျ စရိတ်တွေကို လျှော့ချဖို့ကြိုးစားနေတယ်လို့လည်း ပြောပါတယ်။ 

အသေးစားကုန်မာပစ္စည်း ဆိုင်ပိုင်ရှင် အသက် ၇၆ နှစ်အရွယ် ဘန်မြောင်စွန်းကလည်း သူ့ဆိုင်ခန်းနဲ့ နေအိမ်ရဲ့ အပူပေးစနစ် ကုန်ကျစရိတ်တွေ မြင့်တက်လာတဲ့အပေါ်မှာ အံ့အားသင့်ရသလို ဒီကုန်ကျစရိတ်တွေ သက်သာစေဖို့ ဖောင်းပွအနွေးထည်ကိုတောင် အိမ်ထဲမှာ ဝတ်ထားရတယ်လို့ ဆိုပါတယ်။ 

ဆင်းရဲနွမ်းပါးတဲ့ မိသားစုတွေအတွက် ရှည်ကြာလှတဲ့ အအေးလှိုင်းကာလအတွင်း တဖြည်းဖြည်း မြင့်တက်လာတဲ့ အပူပေးစရိတ်တွေကို ကူညီဖြေရှင်းပေးမယ့် အစီအစဉ်ကို တောင်ကိုရီးယား ဘဏ္ဍာရေးဝန်ကြီးဌာန ညွှန်ကြားရေးမှူးချုပ် ချွိုင်ဆန်းမော့ခ်က ဇန်နဝါရီ ၂၆ ရက်စောပိုင်းမှာ ပြောကြားခဲ့ပါတယ်။ 

အစိုးရဟာ နွမ်းပါးပြည်သူတွေအတွက် စွမ်းအင်အသုံးစရိတ် ပေးချေမှုအကူအညီကို ၂ ဆတိုးပြီး ဓာတ်ငွေ့စျေးနှုန်းကို လျှော့စျေးချပေးမယ့် အစီအစဉ်ကို တိုးချဲ့ပေးမယ်လို့ ဆိုပါတယ်။ 

၂၀၂၁ ခုနှစ်ကတည်းက တကမ္ဘာလုံးမှာ သဘာဝဓာတ်ငွေ့ ဈေးနှုန်းတွေ ဆယ်ဆနီးပါး မြင့်တက်လာတာကြောင့် မီတာဘေလ် တိုးမြှင့်ကောက်ခံရခြင်းကို ရှောင်လွှဲမရနိုင်ကြောင်းလည်း ဝန်ကြီးချွိုင်က ပြောပါတယ်။ 

မိုးလေဝသအေဂျင်စီက ဇန်နဝါရီ ၂၆ ရက်အတွင်း ဆိုးလ်မြို့ဧရိယာ အပါအဝင် အရှေ့ပိုင်း နဲ့ အလယ်ပိုင်း ဒေသအချို့ မှာ ဆီနှင်းထူထပ်စွာ ကျရောက်မယ်လို့ အသိပေး ထုတ်ပြန်ထားပါတယ်။

ဒါ့ကြောင့် အနည်းဆုံးလေကြောင်းခရီးစဉ် ၅ ခုကို ဖျက်သိမ်းခဲ့ရသလို အမျိုးသားဥယျာဉ် အများအပြားကိုလည်း ဒေသစံတော်ချိန် မနက် ၁၁ နာရီမှာ ပိတ်လိုက်ရတယ်လို့ တောင်ကိုရီးယား ပြည်ထဲရေးဝန်ကြီးဌာန အရ သိရပါတယ်။ 

1 week Ago

June 28, 2022

တိုးတက်မှုနှေးကွေးပြီး ငွေကြေးဖောင်းပွမှု မြင့်တက်လာသည့်အပေါ် G7 ခေါင်းဆောင်များ စိုးရိမ်

G7 ဒီမိုကရေစီ ခုနစ်နိုင်ငံမှ ခေါင်းဆောင်အားလုံးဟာ တိုးတက်မှု နှေးကွေးပြီး ငွေကြေးဖောင်းပွမှု မြင့်တက်လာတာကြောင့် စီးပွားရေးအကျပ်အတည်းဖြစ်လာမှာကို စိုးရိမ်နေကြတယ်လို့ ဂျာမန်အဓိပတိ အောလော့ဖ် ရွှိုက်ဇ်က G7 ထိပ်သီးညီလာခံက ကမ္ဘာ့စီးပွားရေးဆိုင်ရာ လုပ်ငန်းခွင် အစည်းအဝေးအပြီး ဇွန် ၂၆  ရက်နေ့မှာ ပြောလိုက်ပါတယ်။ 

“ကျနော်တို့ ရင်ဆိုင်နေရတဲ့ အကျပ်အတည်းအတွက် အဖွဲ့ဝင်အားလုံးက စိုးရိမ်နေကြတယ်။ တချို့နိုင်ငံတွေမှာ တိုးတက်မှုနှုန်း ကျဆင်းတယ်၊ ငွေကြေးဖောင်းပွမှု မြင့်တက်လာတယ်၊ ကုန်ကြမ်းရှားပါးတာတွေ၊ ထောက်ပံ့မှု အပြောင်းအလဲတွေ အနှောင့်အယှက်တွေ ရှိလာတယ်။ ဒါတွေဟာ သေးငယ်တဲ့ စိန်ခေါ်မှုတွေ မဟုတ်ပါဘူး" လို့ ရွှိုက်ဇ်က ရုပ်သံကြေညာချက်ထဲမှာ ပြောခဲ့ပါတယ်။

ရွှိုက်ဇ်ဟာ အမေရိကန်သမ္မတ ဂျိုးဘိုင်ဒင်နဲ့ ဆွေးနွေးချိန်မှာလည်း အတ္တလန္တိတ် သမုဒ္ဒရာ ဖြတ်ကျော် ညှိနှိုင်းရေးကို အလေးပေး ဆွေးနွေးခဲ့ပါတယ်။ 

ယူကရိန်းလုံခြုံရေးနဲ့ ပတ်သက်ပြီး မေးခွန်းထုတ်တဲ့အခါ ဂျာမနီနဲ့ အမေရိကန်တို့ဟာ အမြဲတမ်း အတူတကွ လုပ်ဆောင်သွားမယ်လို့ ရွှိုက်ဇ်က ပြောပါတယ်။ 

ရုရှားကျူးကျော်မှုနောက်ပိုင်း G7 အကြား စည်းလုံးညီညွတ်မှုကို ရွှိုက်ဇ်က ချီးကျူးခဲ့ပြီး ဒါဟာ ရုရှားသမ္မတ ပူတင်ကို အကြီးအကျယ် ခေါင်းကိုက်စေတယ်လို့ ဆိုပါတယ်။ 

ရုရှားက ယူကရိန်းအား တိုက်ခိုက်တာကိုလည်း ရွှိုက်နဲ့အတူ ဂျီဆဲဗင်း ခေါင်းဆောင်တွေနဲ့ အတူ ရှုတ်ချခဲ့ကြပါတယ်။ 

7 months Ago
More News
Up