စိုးရိမ်ထိတ်လန့်နေ

October 12, 2017

အင်္ဂပူမြို့နယ်တွင်း တောဆင်ရိုင်းဝင်ရောက်မှုကြောင့် ဒေသခံများ စိုးရိမ်ထိတ်လန့်နေ

ဧရာဝတီတိုင်းဒေသကြီး၊ အင်္ဂပူမြို့နယ်၊ ကွင်းကောက်ဒေသ၊ နန်ကသူဆည်နားက ကျေးရွာတရွာမှာ တောဆင်ရိုင်းတွေ ဝင်ရောက်နေတာ ၇ ရက်မြောက်နေပေမယ့် ဒေသအာဏာပိုင်တွေ မောင်းထုတ်တာတွေ ဖမ်းဆီးတာတွေ မလုပ်နိုင်သေးလို့ ဒေသခံတွေက စိုးရိမ်ထိတ်လန့်နေကြပါတယ်။ အင်္ဂပူမြို့နယ်၊ ကွင်းကောက်ဒေသ၊ နန်ကသူဆည်နားက ကျောက်ကုန်းကျေးရွာမှာ အောက်တိုဘာ ၆ ရက်နေည ၁၂ နာရီကျော် ပတည်းတောဆင်ရိုင်းလေးကောင် ၀င်ရောက်လာပြီး လူနေအိမ် ၅ အိမ်ကို ဖျက်ဆီးတာတွေနဲ့ နေအိမ်က ပစ္စည်းတွေ ဖျက်းဆီးတာတွေ ပြုလုပ်ခဲ့ကြတာပါ။ ဒေသခံတွေဟာ ဝါးခုတ်၊ သစ်ခုတ်၊ ထင်းခုတ်လုပ်ကိုင်နေကြတာဖြစ်ပြီး ဆင်တွေက လူတွေကို အန္တရာယ်ပေးမှာ ကြောက်နေတာတွေကြောင့် သူတို့လုပ်နေကျအလုပ်တွေ မလုပ်ကိုင်ရတာ ဒီနေဆို ၇ ရက်ရှိနေပါပြီ။ မြို့နယ်တာဝန်ရှိသူတွေအနေနဲ့ ဆင်ရိုင်းတွေကို မောင်းထုတ်တာတွေ ဖမ်းဆီးတာတွေကို အမြန်ဆုံး လုပ်ကိုင်ပေးစေချင်တယ်လို့ အင်္ဂပူမြို့နယ်၊ သရက်အုပ်ကျောက်ကုန်းကျေးရွာက ဒေါ်မြင့်သိန်းက ပြောပါတယ်။ “ဒီဆင်ဝင်ပြီးတဲ့နောက် ပြည်သူပြည်သားအားလုံး နေ့မနေရ ညမအိပ်ရဖြစ်နေပါတယ်။ ပြီးတော့ ဒီဝါးခုတ် သစ်ခုတ်လုပ်ငန်းတွေလည်း မလုပ်နိုင်တော့ စားဖို့တောင် အနိုင်နိုင်ဖြစ်နေပါတယ်။ အလုပ်မလုပ်ရတော့လေ၊ စားရေးသောက်ရေးတွေပါ ခက်နေတာပေါ့” လို့ ပြောပါတယ်။ အဲဒီတောရိုင်းဆင်လေးကောင်ဟာ အင်္ဂပူမြို့နယ် သစ်တောစိုက်ခင်း အကွက်အမှတ်-၃၂ မှာ နေပြီး ညနေဆို သရက်အုပ်၊ ကျောက်ကုန်းကျေးရွာတွေကို ဝင်ရောက်ပြီး စပါးခင်းတွေကို စားသောက်တာတွေ ပြုလုပ်နေတာပါ။ အဲဒီကျွန်းစိုက်ခင်းကတော့ ကျေးရွာနဲ့ တမိုင်လောက်သာ ဝေးတာတွေကြောင့် ဆင်တွေနဲ့ ဒေသခံတွေ တိုးမှာစိုးရိမ်နေကြတာပါ။ အင်္ဂပူမြို့နယ်၊ ကျောက်ကုန်းကျေးရွာမှ ဦးခင်အေးက “ဆင်ဝင်တာ ၁၂ နာရီ၊ မနက် ၄ နာရီပြန်ထွက်တယ်။ အဲကနေ ရွာသားတွေက မီးထုတ်တွေနဲ့ သံစည်းဘုံးတွေတီးတော့ ခုဆင်က ဆားတွင်းဆိုတဲ့ နေရာမှာနေတယ်” လို့ ပြောပါတယ်။ ဆင်လေးကောင်မှာ တကောက်က အသေးလေးဖြစ်ပြီး ကျန်တဲ့အကောင်တွေ ဆင်ကြီးတွေလို့ ဒေခံတွေကပြောပါတယ်။ ကညွတ်ကွင်းကျေးရွာအုပ်စု အုပ်ချုပ်ရေးမှူး ဦးထိန်းဝင်းက “ကျောင်းသူကျောင်းသားတွေရဲ့ စားဝတ်နေရေးရော မိဘတွေရဲ့ စားဝတ်နေရေးလည်း အကြပ်အတည်း ဖြစ်နေတာပေါ့။ ဒါကို အမြန်ဆုံး မောင်းထုတ်တာတွေကို လုပ်ပေးစေချင်တယ်” လို့ ပြောပါတယ်။ ဆင်တွေရောက်လာပြီး နောက်ရက်တွေမှာ သစ်တောဌာနနဲ့ ရဲတပ်ဖွဲ့တွေက သေနတ်ပစ်ဖောက်မောင်းထုတ်ပေမယ့် သေနတ်ဖောက်တဲ့ဆီကို ပြေးလာတာတွေကြောင့် ဆက်လျက်မလုပ်ကိုင်တော့ဘဲ စောင့်ကြည်နေတဲ့သဘောသာ လုပ်ဆောင်နိုင်ပါသေးတယ်။ အင်္ဂပူမြို့နယ်သစ်တောဦးစီးဌာန တောအုပ်ကြီး ဦးဟန်အုန်းက ကျနော်တို့ ရောက်တယ်ကြားတဲ့ နောက်ရက်ပဲ ကျနော့်ဌာနရယ်၊ ဟသာင်္တခရိုင်သစ်ထုတ်ရေးအဖွဲ့ မြိုနယ်အုပ်ချုပ်ရး အဖွဲ့ရယ် သွားရောက်ကွင်းဆင်တာတွေ လုပ်ကိုင်ပါတယ်။ ခုလည်း အဆင့်ဆင့်ကို တင်ပြထားပါတယ်။ ကျနော်တို့ မြို့နယ်အနေနဲ့ကတော့ စောင့်ကြည်ရုံကလွဲပြီး ဘာမှ မတတ်နိုင်သေးပါဘူး” လို့ ပြောပါတယ်။ အင်္ဂပူမြို့နယ်မှာ ခုလိုမျိုး တောဆင်ရိုင်းဝင်တာ ဒါဟာပထမဆုံးအကြိမ် ဖြစ်ပါတယ်။ ခုကျော်ကုန်းကျေးရွာကတော့ ရခိုင်ရိုးမနဲ့လည်း ထိစပ်နေပါတယ်။
4 years Ago
Up