စိုးရိမ်

March 10, 2019

ကယ်လီဖာဟက်ဖ်တာ၏တပ်များ အင်အားစုနေသဖြင့် လစ်ဗျားပြည်သူများ စိုးရိမ်

လစ်ဗျားအရှေ့ပိုင်းက တပ်မှူး ကယ်လီဖာဟက်ဖ်တာ ဦးစီးတဲ့ တပ်တွေဟာ နိုင်ငံအလယ်ပိုင်းမှာ အင်အားစုနေပြီး မြို့တော် ထရီပိုလီကို သိမ်းဖို့ တာစူနေတာကြောင့် လစ်ဗျားပြည်သူတွေ စိုးရိမ်နေကြပါတယ်။ ကုလသမဂ္ဂအနေနဲ့ တပ်မှူး ကယ်လီဖာဟက်ဖ်တာနဲ့ ထရီပိုလီရှိ နိုင်ငံတကာအသိမှတ်ပြု အစိုးရကြား ကြားဝင်စေ့စပ်ပေးနေတယ်လို့ အနောက်နိုင်ငံ သံတမန်တွေက ပြောပါတယ်။ ဒါဟာ ပြိုင်ဘက်အစိုးရတွေကို ညီညွတ်စေပြီး ပရမ်းပတာတွေကို အဆုံးသတ်မယ့် ကုလသမဂ္ဂရဲ့ နောက်ဆုံးကြိုးပမ်းချက်ဖြစ်မှာကို သံတမန်တွေက စိုးရိမ်နေကြပါတယ်။ ဗိုလ်ချုပ်ကြီးဟောင်း ဟက်ဖ်တာဟာ နယ်မြေတွေ တခုပြီးတခု တိုးမြှင့် သိမ်းပိုက်နေပါတယ်။ သူက မြို့တော် ထရီပိုလီအထိ ချီတက်မလားဆိုတာကို မပြောသေးဘဲ ဒါဟာ တင်းမာမှုတွေကို ရုတ်ချည်း မြင့်တက်စေပါတယ်။ ဒါပေမယ့် ဟက်ဖ်တာရဲ့ လစ်ဗျား အမျိုးသားတပ် (LNA) က ဟက်ဖ်တာကို ကာကွယ်ရေးဦးစီးချုပ်အဖြစ် အသိမှတ်မပြုရင် ထရီပိုလီအထိ ချီတက်နိုင်တယ်လို့ အရိပ်မြွက်ပြောကြားထားပါတယ်။ ဒါပေမယ့် မတ်လ ၈ ရက်  ထရီပိုလီနဲ့ မီရက်တာမြို့တွေမှာ ပြုလုပ်တဲ့ ဟက်ဖ်တာ ဆန့်ကျင်ရေး ဆန္ဒပြပွဲမှာ ဆန္ဒပြသူတွေက လစ်ဗျားမှာ စစ်အုပ်ချုပ်ရေးကို အလိုမရှိဘူးလို့ ပြောခဲ့ပါတယ်။ ဒါ့အပြင် ဟက်ဖ်တာအနေနဲ့ ဖွဲ့စည်းပုံဥပဒေကို လေးစားပြီး လွတ်လပ်မျှတတဲ့ ရွေးကောက်ပွဲ ကျင်းပဖို့  ဆန္ဒပြသူတွေက မေတ္တာရပ်ခံခဲ့ပါတယ်။
2 years Ago

August 13, 2018

စစ်တောင်းမြစ်ရေပြန်ကျပေမယ့် ကမ်းပါးပြိုမှုကြောင့် ကမ်းဘေးနေအိမ်များ စိုးရိမ်နေ

စစ်တောင်းမြစ်ရေကျသွားပြီဖြစ်ပေမယ့် ပဲခူးတိုင်းအတွင်း မြစ်ကမ်းတစ်လျှောက်က ကျေးရွာတွေမှာ  ကမ်းပါးပြိုကျမှု အခြေအနေက စိုးရိမ်နေရတယ်လို့ ဒေသခံတွေရဲ့ ပြောပြချက်အရ သိရပါတယ်။ ဖြူးမြို့နယ် မြပဲခူးအုပ်စု၊ ကျောက်ကြီးမြို့နယ် ငထွေစုတ်အုပ်စု နတ်သံကွင်းအုပ်စု၊ ကျောက်တံခါးမြို့နယ် အနန်းဘော်အုပ်စု၊ လက်ခံအုပ်စု၊ နံဇအုပ်စု၊ ဝေါမြို့နယ် သူရဲသူမိန် အညာစု၊ ဒလနွမ်းအုပ်စု၊ ကဝမြို့နယ် ကန်တော် မမောက် တံတာဦး အုပ်စု ကျေးရွာတွေမှာ ကမ်းပါးပြိုကျမှု အန္တရယ်နဲ့ ကြုံတွေ့နေရတာပါ။ အနန်းဘော်ကျေးရွာ ဦးမြင့်စိုးက “အခု ရေပြန်ကျသွားပြီး ကမ်းပါးတွေပေါ်လာပေမယ့် စစ်တောင်းမြစ်ထဲကို ၁၅ ပေကျော် ကမ်းပါးပြိုကျသွားခဲ့တာကြောင့် လူနေအိမ်နဲ့ ကျောင်းသွား ကျောင်းပြန်ကလေးများအတွက် အသက်အန္တရာယ် စိုးရိမ်နေရပါတယ်” လို့ ပြောပါတယ်။ အနန်းဘော် ကျေးရွာအုပ်ချုပ်ရေးမှူး ဦးတိုးစန်း က “ ကျောက်ကြီးမြို့နဲ့ ပဲနွယ်ကုန်း ဓာတ်ခွဲရုံတို့ သွယ်တန်းထားသော 33 ကေဗွီလိုင်းဓာတ်အားလိုင်း မြစ်ကျော်တာဝါတိုင်နဲ့ ကြိုးတွေကလည်း ကမ်းပါးပြိုလာတဲ့အတွက် စိုက်ထူထားတဲ့ ကွန်ကရစ်တိုင်တွေနဲ့ ပေအနည်းငယ်သာ ကွာပါတော့တယ်။ ကမ်းပါးက ဒီလို တဖြေးဖြေးပြိုလာလို့ကတော့ လျှပ်စစ်အန္တရာယ် အရေးပေါ်အခြေအနေတွေနဲ့ လူတွေ ထိခိုက်သေဆုံးနိုင်တယ်”လို့ ပြောပါတယ်။ စစ်တောင်းကမ်းပါးပြိုကျလာမှုနဲ့ ပက်သက်ပြီးတိုင်းဒေသကြီး အစိုးရကိုလည်း အားမရသလို ဒေသသက်ဆိုင်ရာ ဝန်ထမ်းတွေအလုပ်မလုပ်ကြဘူးလို့ ကဝမြို့နယ်ဒေသခံ ကိုသိန်းဇော်က ဝေဖန်ထောက်ပြပါတယ်။ ဝေါမြို့နယ် တိုင်းဒေသကြီးအမတ် ဒေါ်ရီရီထိုက်ကတော့ စစ်တောင်းမြစ်ဘေးမှာ ကမ်းထိန်းနံရံတွေ ခိုင်မာအောင် တည်ဆောက်ပေးရမှာဖြစ်သလို ဆိုင်ကလုန်းမုန်တိုင်းဘေး ခိုလှုံရာနေရာတွေကို အစိုးရက ရေရှည်စီမံကိန်းအနေနဲ့ စီမံဆောင်ရွက်ပေးရမယ်လို့ ပြောပါတယ်။ အခုနှစ်အတွင်း မုတ်သုံမိုးသည်းထန်စွာရွာသွန်းမှုကြောင့် စစ်တောင်း မြစ်ရေ ရေကြီးပြီး ကမ်းဘေးတလျှောက်ရှိ ကျေးရွာတွေမှာ လူနေအိမ်တွေရော စိုက်ခင်းတွေပါ  ရေနစ်မြုပ် ထိခိုက်ပျက်စီးမှုတွေနဲ့ ကြုံတွေ့ခဲ့ရတာပါ။ ပဲခူးတိုင်းဒေသကြီးထဲမှာ ဇူလိုင်နဲ့ သြဂုတ်အတွင်းဖြစ်ပွားခဲ့တဲ့ ရေဘေးကြောင့် အိမ်ထောင်စုပေါင်း နှစ်သောင်းကျော်၊ လူဦးရေ ကိုးသောင်းခွဲကျော် ပြောင်းရွှေ့ခဲ့ရပြီး လူ ၄ ဦး သေဆုံးခဲ့တယ်လို့ လူကယ်ပြန်ဌာနက တရားဝင်ထုတ်ပြန်တဲ့ စာရင်းအရသိရပါတယ်။ ဗိုလ်သူရိန်
3 years Ago
Up