စိတ်ကြွရူးသွပ်ဆေးပြား

March 15, 2019

တောင်ငူတွင် ကျပ်သိန်း ၃ သောင်းခန့် တန်ဖိုးရှိ မူးယစ်ဆေးများ ဖမ်းမိ

ပဲခူးတိုင်းဒေသကြီး တောင်ငူမြို့မှာ မတ် ၁၃ ရက်နေ့က ငွေကျပ် သိန်း ၃ သောင်းလောက် တန်ဖိုးရှိ စိတ်ကြွရူးသွပ်ဆေးပြားတွေ ဖမ်းဆီးရမိတယ်လို့ ပြည်ထဲရေးက ထုတ်ပြန်ပါတယ်။ မတ် ၁၃ ရက် ၀၀း၂၀ အချိန်က အမှတ် ၃ တောင်ငူနယ်မြေရဲစခန်းမှ တပ်ဖွဲ့ဝင်တွေပါဝင်တဲ့ ပူးပေါင်းအဖွဲ့ဟာ တောင်ငူမြို့ ၄ မိုင် စစ်ဆေးရေးဂိတ်မှာ ထွန်းထွန်းလင်း မောင်းနှင်ပြီး စိန်လွင်ဦး လိုက်ပါလာတဲ့ HINO အမျိုးအစား ၆ ဘီး မော်တော်ယာဉ်ကို စစ်ဆေးဖို့ ရပ်တန့်ခိုင်းစဉ် မောင်းနှင်ထွက်ပြေးသွားလို့ ပိတ်ဆို့ရှာဖွေရာ သပြေလှကျေးရွာအနီး ထွန်းထွန်းလင်းအား မော်တော်ယာဉ်နဲ့အတူ တွေ့ရပြီး စိန်လွင်ဦးမှာတော့ ထွက်ပြေးတိမ်းရှောင်သွားတယ်လို့ ဆိုပါတယ်။ မော်တော်ယာဉ်ကို ရှာဖွေရာမှာ ပီနံအိတ် ၃ အိတ်အတွင်းမှ ငွေကျပ်သိန်း ၂၈,၉၅၇ ကျော်တန်ဖိုးရှိ စိတ်ကြွရူးသွပ်ဆေးပြား ၉၆၅,၂၅၀ ပြား၊ ငွေ ၉၀,၀၀၀ ကျပ်နဲ့ လက်ကိုင်ဖုန်းတလုံးတို့ကို သိမ်းဆည်းရမိခဲ့ပါတယ်။ ထွန်းထွန်းလင်းနဲ့ စိန်လွင်ဦး (ဖမ်းမမိ) တို့အား မူးယစ်ဆေးဝါးနဲ့ စိတ်ကိုပြောင်းလဲစေသော ဆေးဝါးများဆိုင်ရာ ဥပဒေအရ အရေးယူထားတယ်လို့ သိရပါတယ်။
3 years Ago

February 18, 2018

ဗန်းမော်တွင် စိတ်ကြွရူးသွပ်ဆေးပြား ကျပ်သိန်း၂၇၀ ကျော်ဖိုး ဖမ်းမိ

ကချင်ပြည်နယ်၊ ဗန်းမော်မြို့မှာ ဖေဖော်ဝါရီ ၁၇ ရက်နေ့လယ်ပိုင်းက အမျိုးသား ၂ ဦးဆီက ကျပ်သိန်း ၂၇၀ ကျော် တန်ဖိုးရှိ WY စာတန်းပါ ပန်းရောင်စိတ်ကြွ ရူးသွပ်ဆေးပြားတွေ ဖမ်းဆီးရမိခဲ့တယ်လို့ ပြည်နယ်မှုခင်း အကူဌာနစိတ်မှ ရဲအုပ်ထွန်းထွန်းဝင်းက ပြောပါတယ်။ သိမ်းဆည်းရမိပုံမှာ ပြည်နယ်မှုခင်းအကူဌာနစိတ်မှ ရဲအုပ်ထွန်းထွန်းဝင်း ဒုရဲအုပ်ဒိုင်ဒေါင်၊ ဒုတပ်ကြပ် စိုးလင်းထိုက်၊ ခရိုင်မူခင်းနှိမ်နှင်းရေးမှ တပ်ကြပ်ကြီးအောင်ထွန်းလင်းနဲ့အဖွဲ့ဟာ မူးယစ်သတင်းအရ နန်းသီတာမီးပွိုင့် လမ်းဆုံအနီး မြစ်ဆုံတည်းခိုခန်းရှေ့လမ်းမှာ စောင့်ဆိုင်းနေစဉ် သောင်းထွန်းမောင်းနှင်ပြီး ကျော်ဆန်းလိုက်ပါလာတဲ့ ဆိုင်ကယ်ကို ရပ်တန့်စစ်ဆေးရာ WY စာတန်းပါ ပန်းရောင် ဆေးပြား တထုပ်လျှင် ၁၉၈ ပြားပါ၊ ၆၉ ထုပ် စုစုပါင်းဆေးပြား ၁၃၆၆၂ ပြား၊ ၂၇ ၃၂၄ ၀၀၀ ကျပ်ဖိုး ရှာဖွေသိမ်းဆည်း ရမိခဲ့တယ်လို့သိရပါတယ်။ မူးယစ်ဆေးလက်ဝယ်တွေ့ရှိသူ ရွှေကူမြို့နေ ကျော်ဆန်းနှင့် သောင်းထွန်း တို့ကို ရဲအုပ်ထွန်းထွန်းဝင်းက တရားလိုပြုကာ ဗန်းမော်ရဲစခန်းက မယ(ပ)၃၃ မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများ ဆိုင်ရာဥပဒေ ပုဒ်မ ၁၅/၁၉(က)/၂၁ အရ အရေးယူထားကြောင်းသိရပါတယ်။ “ဗန်းမော်မှာ မူးယစ်ဆေးဝါးတွေ မိတယ်။ သုံးစွဲသူတွေလည်း ရှိတယ်။ ဒါပေမယ့် တခြားမြို့မှာတွေလို ရိုက်သတ်လုယက်တာတွေတော့ သိပ်မရှိပါဘူး”လို့ ဗန်းမော်မြို့မိမြို့ဖ တဦးကပြောပါတယ်။
4 years Ago
Up