စာချုပ်သက်တမ်းတိုး

October 19, 2018

မန်ယူနောက်ခံလူ လုခ်ရှော ၅ နှစ်သက်တမ်းတိုးစာချုပ် ချုပ်ဆို

မန်ယူနောက်ခံလူ လုခ်ရှောဟာ အောက်တိုဘာ ၁၈ ရက်နေ့က အသင်းနဲ့ ၅ နှစ်သက်တမ်းတိုးစာချုပ် ချုပ်ဆိုလိုက်ပါတယ်။ ပြီးခဲ့တဲ့နှစ်ကလို ခြေစွမ်းနဲ့ဆိုရင် စာချုပ်သက်တမ်းတိုးဖို့ ဖြစ်နိုင်မှာမဟုတ်ဘူးလို့ လုခ်ရှောက စာချုပ်ချုပ်ဆိုခဲ့ပြီးနောက် ပြောပါတယ်။ ပြီးခဲ့တဲ့နှစ်က ခြေစွမ်းပြကစားနိုင်ဖို့ ရုန်းကန်ခဲ့ရပေမယ့် ပြင်းပြင်းထန်ထန် ကြိုးစားခဲ့လို့ အခုလို ပုံမှန်ပွဲထွက်ခွင့် ရတာလာဖြစ်သလို စာချုပ်သက်တမ်းတိုးဖို့ ဖြစ်လာတာလို့ လုခ်ရှောက ပြောပါတယ်။ လုခ်ရှောအနေနဲ့ စာချုပ်သစ်အရ တပတ် ပေါင်တသိန်းခွဲ ရရှိမှာဖြစ်ပြီး အသင်းမှာ ဆက်ကစားခွင့်ရတဲ့အတွက် ပျော်ရွှင်ကျေနပ်မိတယ်လို့ ဆိုပါတယ်။ အသက် ၂၃ နှစ်ရှိ ဘယ်နောက်ခံလူ လုခ်ရှောဟာ အခုနှစ်ဘောလုံးရာသီမှာ မန်ယူအသင်းအတွက် ၉ ပွဲကစားပြီး ၁ ဂိုး သွင်းယူပေးထားပါတယ်။
3 years Ago

September 6, 2018

စာချုပ်သက်တမ်းတိုးရန် လိုအပ်နေသည့် ပရီးမီးယားလိဂ် နာမည်ကြီးကစားသမားများ

စာချုပ်သက်တမ်း ကုန်ဆုံးခါနီးနေလို့ သက်တမ်းတိုးဖို့ လိုအပ်နေတဲ့ ပရီးမီးယားလိဂ် ထိပ်တန်းကလပ်တွေက နာမည်ကြီး ကစားသမားတွေကို ဒေးလီးမေးလ်သတင်းစာက ဖော်ပြလိုက်ပါတယ်။ မန်ချက်စတာယူနိုက်တက်အသင်းမှာ ဂိုးသမား ဒီဂီယာက လာမယ့်နှစ်မှာ စာချုပ်သက်တမ်း ကုန်ဆုံးမှာဖြစ်ပြီး မာရှယ်၊ မာတာ၊ ဟာရဲယား၊ လုခ်ရှော၊ ဖီးလ်ဂျုံးစ်၊ စမောလင်း၊ ဗလင်စီယာ၊ အက်ရ်ှလေယန်း စတဲ့ ကစားသမားတွေဟာလည်း စာချုပ်သက်တမ်း နောက်ဆုံးနှစ်ကို ရောက်ရှိနေပါတယ်။ ဒါပေမယ့် ဒီဂီယာ၊ မာရှယ်၊ ဒါမီယန်နဲ့ ဗလင်စီယာတို့ကတော့ တနှစ်သက်တမ်းတိုးဖို့ သဘောတူညီချက် ပါဝင်ပြီးဖြစ်တယ်လို့ ဆိုပါတယ်။ အာဆင်နယ်အသင်းမှာလည်း ကွင်းလယ်ကစားသမား ရမ်ဆေးက လာမယ့်နှစ်မှာ စာချုပ်သက်တမ်း ကုန်တော့မှာဖြစ်ပြီး ဝဲလ်ဘက်၊ မွန်ရီယယ် စတဲ့ ကစားသမားတွေဟာလည်း စာချုပ်သက်တမ်းတိုးဖို့ လိုအပ်နေပါတယ်။ ချဲလ်ဆီးအသင်းမှာ ဟာဇက်၊ ဖာဘရီဂတ်စ်၊ ဒေးဗစ်လူးဝစ္စ၊ လီဗာပူးအသင်းမှာ စတာရစ်၊ မီလ်နာတို့ စာချုပ်သက်တမ်း ကုန်ဆုံးတော့မှာပါ။ မန်စီးတီးအသင်းမှာတော့ ကွန်ပနီ၊ မန်ဂါလာ၊ စပါးအသင်းမှာ အဲရစ်ဆင်၊ အန်ဒါဝီရယ်၊ ဗာတွန်ဂန်၊ ဒမ်ဘီလီ စတဲ့ ကစားသမားတွေက ၂၀၁၉ ခုနှစ်မှာ စာချုပ်သက်တမ်း ကုန်ဆုံးတော့မှာ ဖြစ်ပါတယ်။  
3 years Ago
Up