စမစ်ရိုး

February 22, 2022

စမစ်ရိုးကို နံပါတ် ၉ တိုက်စစ်မှူးနေရာတွင် ထားကစားနိုင်ကြောင်း အာဆင်နယ်နည်းပြ ပြော

ကွင်းလယ်လူ စမစ်ရိုးကို နံပါတ် ၉ တိုက်စစ်မှူးနေရာမှာ ထားကစားနိုင်ကြောင်း အာဆင်နယ်နည်းပြ အာတီတာက ပြောပါတယ်။ 

တိုက်စစ်မှူးအူဘာမီယန်းကို ဘာစီလိုနာအသင်းဆီ ထွက်ခွာခွင့်ပေးပြီးတဲ့နောက် နံပါတ် ၉ တိုက်စစ်မှူး ၂ ဦးသာ အာဆင်နယ်မှာ ကျန်ရှိပါတော့တယ်။ 

လာကာဇက်နဲ့ အန်ကီတီယာတို့ မကစားနိုင်ချိန်မှာ စမစ်ရိုးကို အထောင်တိုက်စစ်မှူးအနေနဲ့ အသုံးပြုနိုင်တယ်လို့ အာတီတာက ပြင်ဆင်ထားတာဖြစ်ပါတယ်။ 

အသက်၂၁နှစ်ရှိ အင်္ဂလန်ကွင်းလယ်လူ စမစ်ရိုးဟာ ဘယ်တောင်ပံမှာလည်း နေရာပြောင်း ကစားနေရပေမယ့် အသင်းရဲ့ ဂိုးသွင်းအများဆုံး ကစားသမားဖြစ်နေပြီး ၁၀ ဂိုးသွင်း ယူထားပါတယ်။ 

“သူက ဘယ်တောင်ပံမှာ ကစားနိုင်သလို ကွင်းလယ်တိုက်စစ်ရဲ့ ဘယ်၊ ညာတွေမှာလည်း ကစားနိုင်  ပြီးတော့ နံပါတ် ၉ နေရာမှာလည်း အလွန်ကောင်းမွန်အောင်ကစားနိုင်တယ်” လို့ နည်းပြအာတီတာက ပြောပါတယ်။ 

နောက်ထပ်ကွင်းလယ်လူ အိုဒီဂတ်ကိုလည်း အာတီတာက ချီးကျူးခဲ့ပြီး အသင်းခေါင်းဆောင် ဖြစ်နိုင်တဲ့ အရည်အချင်းတွေရှိတယ်လို့ မှတ်ချက်ပေးခဲ့ပါတယ်။

10 months Ago

November 10, 2021

ကလပ်ပြိုင်ဘက်များနှင့် နိုင်ငံအသင်း၌ ပြန်တွေ့ချိန် စိတ်လှုပ်ရှားမိဟု စမစ်ရိုး ပြော

ကလပ်အသင်း ပြိုင်ဘက်ကစားသမားတွေနဲ့ နိုင်ငံအသင်းမှာ ပြန်လည်ဆုံတွေ့ချိန် စိတ်လှုပ်ရှားမိကြောင်း အာဆင်နယ်ကွင်းလယ်လူ စမစ်ရိုးက ပြောပါတယ်။ 

စမစ်ရိုးဟာ အင်္ဂလန်ယူ ၂၁ အသင်းအတွက်‌ ‌ရွေးချယ်ထားပေမယ့် အသင်းကြီးမှာ ဒဏ်ရာ ပြဿနာတွေရှိခဲ့တာကြောင့် နည်းပြဆောက်ဂိတ်က အစားထိုးရွေးချယ်ခဲ့တာပါ။ 

စမစ်ရိုးအတွက် ပထမဆုံးအကြိမ် လက်ရွေးစင်အသင်းကြီးမှာ ရွေးချယ်ခံရတာဖြစ်ပြီး သူ့အတွက်ရော မိသားစုအတွက်ပါ ဂုဏ်ယူမိတယ်လို့ စမစ်ရိုးက ပြောပါတယ်။ 

“ဒီကစားသမားတွေနဲ့က ပြိုင်ဘက်တွေအနေနဲ့ အပတ်စဉ်တွေ့ခဲ့ဖူးပေမယ့် အင်္ဂလန်အတွက် ကစားပေးချိန်မှာတော့ အမြဲတမ်း ကွဲပြားခြားနားပါတယ်။ တခဏအတွင်းမှာပဲ နေသားကျသွားပေမယ့် အစပိုင်းမှာတော့ စိတ်လူပ်ရှားခဲ့တယ်။ လာမယ့်ရက်တွေအတွင်းမှာ ပိုပြီး သက်သောင့်သက်သာရှိလာမှာတော့ သေချာပါတယ်” လို့ စမစ်ရိုးကပြောပါတယ်။ 

အသက်၂၁နှစ်ရှိ စမစ်ရိုးဟာ ဒီရာသီပရီးမီးယားလိဂ် ၁၁ ပွဲမှာ ၄ ဂိုးသွင်းပြီး ၂ ကြိမ် ဂိုးဖန်တီးမှု ပြုလုပ်ခဲ့ပါတယ်။ 

မေဆန့်မောင့်၊ ဝက်စ်ပရောက်နဲ့ ရက်ရှ်ဖို့ဒ် တို့မပါဝင်နိုင်ချိန်မှာ နည်းပြဆောက်ဂိတ်က စမစ်ရိုးကို အစားထိုးရွေးချယ်ခဲ့တာ ဖြစ်ပါတယ်။

1 year Ago
More News
Up