စပွန်ဆာ

July 10, 2020

လာလီဂါတွင် လောင်းကစားကုမ္ပဏီများ၏စပွန်ဆာကို စပိန်အစိုးရ တားမြစ်

စပိန်အစိုးရဟာ ဘောလုံးအသင်းတွေကို လောင်းကစားကုမ္ပဏီတွေက စပွန်ဆာပေးတာ တားမြစ်လိုက်တာကြောင့် ကလပ်တွေအတွက် ဝင်ငွေလျော့ကျဖို့ရှိနေပါတယ်။  မာကာသတင်းစာရဲ့အဆိုအရ စားသုံးသူရေးရာဝန်ကြီး အယ်ဘာတိုဂါဇွန်ဟာ လောင်းကစား ကုမ္ပဏီတွေက စပွန်ဆာပေးတာကို တားမြစ်ဖို့ ဆုံးဖြတ်ခဲ့သလို လောင်းကစားကြော်ငြာတွေကို လည်း မနက် ၁ နာရီကနေ ၅ နာရီအချိန်အတွင်းမှာပဲ ထုတ်လွှင့်ပြသဖို့ တားမြစ်ခဲ့ပါတယ်။  လာလီဂါမှာ ကလပ်အသင်း ၈ သင်းက လောင်းကစားကုမ္ပဏီတွေနဲ့ ဂျာစီရင်ဘက်စပွန်ဆာ ချုပ်ဆိုထားတာပါ။  ဗလင်စီယာအသင်းက Bwin လောင်းကစားကုမ္ပဏီနဲ့ ယူရို ၄ သန်းတန် ၃ နှစ်စာချုပ်ချုပ်ဆို ထားပြီး စပိန်အစိုးရရဲ့တားမြစ်ချက်ကြောင့် စာချုပ်ဖျက်သိမ်းရတော့မှာပါ။  အလားတူ ဆီဗီလာ၊ အိုဆာဆူနာ၊ လီဗန်တေး၊ ဂရန်နာဒါ၊ အလာဗက်စ်၊ လီဟီနက်ဇ်နဲ့ မာယော့ကာ အသင်းတွေဟာလည်း လောင်းကစားကမ္ပဏီအမျိုးမျိုးနဲ့ စပွန်ဆာစာချုပ်ထားပါ တယ်။  ဘောလုံးကွင်းအမည်ကိုလည်း လောင်းကစားကုမ္ပဏီတွေရဲ့အမည် ပေးခွင့်မရှိ သလို ဘောလုံးကွင်းတွေထဲက လောင်းကစားကုမ္ပဏီတွေရဲ့ကြော်ငြာတွေကိုလည်း သက်ဆိုင်ရာ ကလပ် အလိုက်ကန့်သတ်ချက်တွေ ထုတ်ပြန်ရမယ်လို့သိရပါတယ်။
10 months Ago

May 4, 2020

Puma က စတားလင်းနှင့် ပေါင်သန်း ၁၀၀ စပွန်ဆာစာချုပ် ချုပ်ရန် ပြင်ဆင်

မန်စီးတီးတောင်ပံကစာသးမား စတားလင်းဟာ Puma ကုမ္ပဏီ နဲ့ ပေါင်သန်း ၁၀၀ တန်ကြေးရှိ စပွန်ဆာစာချုပ် ချုပ်ဆိုသွားဖို့ရှိနေပါတယ်။  ဂျာမနီအားကစားပစ္စည်းထုတ်လုပ်ရေး ကုမ္ပဏီတခုဖြစ်တဲ့ Puma ဟာ မန်စီးတီးအသင်းရဲ့ ဂျာစီစပွန်ဆာအဖြစ်လည်း ၁၀ နှစ် စပွန်ဆာစာချုပ်ချုပ်ဆိုထားတာပါ။  လက်ရှိအချိန်မှာတော့ အင်္ဂလန်လက်ရွေးစင် စတားလင်းလည်း ပေါင်သန်း ၁၀၀ တန်ကြေး ရှိ နှစ်ရှည်စပွန်ဆာစာချုပ်ချုပ်ဆိုသွားဖို့ရှိနေပြီး Puma ထုတ်ကုန်တွေကို စတားလင်းက ကြော်ငြာ ပေးရမှာဖြစ်ပါတယ်။  စတားလင်းနဲ့ Adidas တို့ရဲ့ စပွန်ဆာစာချုပ်က လာမယ့်ဇွန်လအကုန်မှာ သက်တမ်းကုန် ဆုံးမှာဖြစ်ပြီး အဲဒီအချိန်ရောက်မှ Puma က စာချုပ်ချုပ်ဆိုမှာဖြစ်ပါတယ်။  Puma ဟာ ပြီးခဲ့တဲ့ရာသီကလည်း မန်စီးတီးနည်းပြ ဂွါဒီယိုလာ၊ တိုက်စစ်မှူးအဂွဲရိုး၊ နောက်ခံလူ ဇန်ချင်ကိုတို့နဲ့ စာချုပ် ချုပ်ဆိုခဲ့ပါတယ်။  အသက် ၂၅ နှစ်ရှိ စတားလင်းဟာ အခုနှစ်ရာသီ ပြိုင်ပွဲစုံမှာ ဂိုး ၂၀ သွင်းယူပြီး ခြေစွမ်းပြ နေပါတယ်။ 
12 months Ago
Up