စပိန်တရားရုံး

May 27, 2022

အခွန်လိမ်လည်မှုဖြင့် တရားရင်ဆိုင်နေရသည့် ရှာကီရာ၏ အယူခံ စပိန်တရားရုံး ပယ်ချ

အခွန်လိမ်လည်မှုနဲ့ တရားရင်ဆိုင်နေရတဲ့ ကိုလံဘီယာအဆိုတော် ရှာကီရာရဲ့ အယူခံဝင်မှုကို စပိန်တရားရုံးက ပယ်ချလိုက်ပြီး စွပ်စွဲချက်နဲ့ပတ်သက်လို့ တရားရင်ဆိုင်ဖို့ လုံလောက်တဲ့ သက်သေအထောက်အထားတွေ ပေးပို့ဖို့ ကနဦးဆုံးဖြတ်ချက်ကို မေ ၂၆ ရက်က အတည်ပြုလိုက်လိုက်ပါတယ်။

အဆိုတော် ရှာကီရာဟာ ၂၀၁၂ ကနေ ၂၀၁၄ ခုနှစ်အတွင်း ရရှိတဲ့ ဝင်ငွေအပေါ် အခွန် ယူရို ၁၄သန်းခွဲအထိပေးဆောင်ဖို့ ပျက်ကွက်ခဲ့တယ်လို့ အစိုးရရှေ့နေတွေက အခိုင်အမာ ပြောဆိုထားပါတယ်။

ရှာကီရာဟာ စပိန်ကို ၂၀၁၅ ခုနှစ်ကျမှ ပြောင်းရွှေ့ခဲ့တာဖြစ်ပြီး အဲဒီအချိန်ကတည်းက သူ့ရဲ့အခွန်တာဝန်အားလုံးကို ပေးဆောင်ထားပြီးဖြစ်ကြောင်း ကိုလံဘီယာ ပေါ့ပ်စတားရဲ့ ကိုယ်စားလှယ်တွေက ပြောကြားပေမဲ့လည်း စပိန်ရှေ့နေတွေက ရှာကီရာဟာ အဲ့ဒီနှစ်ပိုင်းတွေက စပိန်နိုင်ငံမြောက်ပိုင်းက ကတ်တလိုနီးယားဒေသမှာ နေထိုင်ခဲ့ကြောင်း သူတို့က ချေပထားပါတယ်။

ဆုံးဖြတ်ချက်အသစ်ဟာ ၂၀၂၁ ခုနှစ် ဇူလိုင်လက ထုတ်ပြန်ခဲ့တဲ့ တရားရုံးကို သွားစရာမလိုတဲ့ ကြိုတင်တရားစီရင်ချက်ကို အတည်ပြုထားတာဖြစ်ပြီး တရားရုံးအနေနဲ့ ရှာကီရာကို ရုံးတင်စစ်ဆေးပြီး ရက်စွဲသတ်မှတ်ဖို့ တရားဝင်အကြောင်းကြားစာ ပေးပို့ရဦးမှာပါ။

ရှာကီရာရဲ့ တရားရေးအဖွဲ့ကတော့ သူတို့ဟာ ဒီအမှုကို ခိုင်မာတဲ့ တရားဥပဒေကြောင်းအရ ငြင်းခုံမှုတွေနဲ့ ဆက်လက်ခုခံကာကွယ်သွားမှာဖြစ်ကြောင်း မေ ၂၆ ရက်က ထုတ်ပြန်ချက်မှာ ဖော်ပြထားပါတယ်။

“အခွန်ကိစ္စနဲ့ပတ်သက်ပြီး ရှာကီရာရဲ့ တာဝန်ကျေမှုကတော့ သူ အခွန်ပေးဆောင်ရတဲ့ နိုင်ငံတိုင်းမှာ အမြဲ အမှားအယွင်းမရှိ အပြစ်ကင်းကြောင်းနဲ့ သူဟာ အတော်ဆုံးပညာရှင်တွေနဲ့ အကြံပေးတွေရဲ့ အကြံပြုချက်တွေကို ယုံကြည်ပြီး သစ္စာရှိရှိ လိုက်နာခဲ့ပါတယ်” လို့ ထုတ်ပြန်ချက်မှာ ဖော်ပြထားပါတယ်။

အသက် ၄၅ နှစ်အရွယ် အဆိုတော် ရှာကီရာဟာ ဘာစီလိုနာ ဘောလုံးအသင်း နောက်ခံလူ ပီကေးနဲ့ ၂၀၁၁ ခုနှစ်ကတည်းက အတူနေထိုင်ခဲ့ကြပြီး သူတို့မှာ ကလေးနှစ်ယောက် ရှိပါတယ်။

9 months Ago

December 10, 2019

ဟာရဲရား အပါအဝင် ကစားသမား ၃၆ ဦးတွင် အပြစ်မရှိဟု စပိန်တရားရုံးက အမိန့်ချမှတ်

လီဗန်တေးအသင်းနဲ့ ရီးရဲလ်ဇာရာဂိုဇာတို့ရဲ့  ၂၀၁၀-၁၁ ရာသီ ဘောလုံးပွဲအတွင်း အားကစားဆိုင်ရာ အကျင့်ပျက် ခြစားမှုနဲ့ ပါဝင်ပတ်သက်နေတယ်လို့ အမှုရင်ဆိုင်နေရတဲ့ ကစားသမား ၃၆ ဦးကို စပိန်တရားရုံးက ဒီဇင်ဘာ ၉ ရက်နေ့မှာ အမှုနဲ့ပတ်သက်မှုမရှိဘူးလို့ အမိန့်ချမှတ်ခဲ့ပါတယ်။ အဲဒီအချိန်တုန်းက ဇာရာဂိုဇာအသင်းဟာ တန်းဆင်းရမယ့် အန္တရာယ်နဲ့ ရင်ဆိုင်နေခဲ့ရတာ ဖြစ်ပြီး လီဗန်‌တေးအသင်းကို အနိုင်ရရှိခဲ့တာကြောင့် တန်းဆင်းရမယ့်အရေးကနေ ကင်းလွတ်ခွင့် ရခဲ့ပါတယ်။ ဒါပေမဲ့ အဲဒီပွဲစဉ်မှာ မသမာမှုတွေ ရှိတယ်လို့ သတင်းထွက်ပေါ်ခဲ့ပြီး ဒီဖြစ်ရပ်ဟာလည်း စုံစမ်းစစ်ဆေးမှုနဲ့ ရင်ဆိုင်ခဲ့ရပါတယ်။ စုံစမ်းစစ်ဆေးမှုတွေ ပြုလုပ်ပြီးချိန်မှာ ဇာရာဂိုဇာအသင်းရဲ့ တာဝန်ရှိသူနှစ်ဦးဟာ မလျော်မကန် ဆောင်ရွက်ခဲ့တာကို တွေ့ခဲ့ရပါတယ်။ ဒီတာဝန်ရှိသူနှစ်ဦးဟာ ဇာရာဂိုဇာအသင်း တန်းဆင်းရမယ့် အန္တရာယ်ကနေ ရှာင်လွှားနိုင်ဖို့အတွက် အရှုံးပေးဖို့ လီဗန်တေး ကစားသမားတွေကို ယူရို ၉၆၅၀၀၀ ပးခဲ့တယ်လို့လည်း စွပ်စွဲခံထားရပါတယ်။ ဒီဖြစ်ရပ်နဲ့ပတ်သက်လို့ စုံစမ်းစစ်ဆေးခံရသူတွေထဲမှာ လက်ရှိ ပီအက်စ်ဂျီစတား အန်ဒါဟာရဲရား၊ အက်သလက်တီကိုအသင်း ခေါင်းဆောင် ဂါဘီဖာနန်ဒက်နဲ့ လီဂါးနက်စ် နည်းပြ ဂျာဗီးယား အဂွီရီတို့လည်း ပါဝင်ခဲ့ပါတယ်။ ဒီဖြစ်ရပ်ကို ဒီဇင်ဘာ ၉ ရက်နေ့မှာ ဗလန်စီယာတရားရုံးက ကြားနာစစ်ဆေးခဲ့ပြီး သက်သေခိုင်လုံမှု မရှိတာ‌ကြောင့် ဒီကစားသမားနဲ့ နည်းပြတွေ အပါအဝင် လူ ၄၁ ဦးလုံးဟာ အပြစ်ရှိဘူးလို့ ဆုံးဖြတ်ချက်ချမှတ်ခဲ့ပါတယ်။ တရားသူကြီးက ဇာရာဂိုဇာ ဥက္ကဋ္ဌဟောင်း အဂါပီတိအစ်လီဆီယာနဲ့ ဘဏ္ဍာရေးမှူးဟောင်း ဂျာဗီးယား ပေါ်ကွီယာတို့ကို အပြစ်ရှိတယ်လို့ ဆုံးဖြတ်ခဲ့ပြီး ထောင်ဒဏ် တနှစ်နဲ့ သုံးလ ပြစ်ဒဏ်ချမှတ်ခဲ့ပါတယ်။ ပထမဆုံးအကြိမ် ပြစ်ဒဏ်ကျူးလွန်မှု ဖြစ်တာကြောင့် စပိန်နိုင်ငံရဲ့ တရားစီရင်ရေးအရ သူတို့နှစ်ဦးဟာ ပြစ်ဒဏ်ကျခံရနိုင်ခြေတော့ မရှိပါဘူး။ ဇာရာဂိုဇာအသင်းရဲ့ တာဝန်ရှိသူနှစ်ဦးဟာ ကစားသမားတွေကို တန်းမဆင်းရတဲ့ ဘောနပ်စ်အဖြစ် ဇာရာဂိုဇာအသင်း အကောင့်တွေကနေ ယူရို ၁ ဒသမ ၇၃ သန်းကို ပေးချေခဲ့တဲံ့  အပြစ်ရှိကြောင်း တွေ့ရှိခဲ့ရတာပဲ ဖြစ်ပါတယ်။
3 years Ago
Up