စပါးအသင်း

October 26, 2022

ကစားသမားကောင်းများထပ်ခေါ်ရန် စပါးအသင်းကို နည်းပြကွန်တီ ဖိအားပေး

လာမယ့်ဇန်နဝါရီ အပြောင်းအရွှေ့မှာ ကစားသမားကောင်းတွေ ထပ်ခေါ်ဖို့ နည်းပြကွန်တီက စပါးအသင်း တာဝန်ရှိသူတွေကို ဖိအားပေးထားပါတယ်။

စပါးအသင်းဟာ တိုက်စစ်ကစားသမားတွေဖြစ်တဲ့ ရစ်ချာလီဆန်နဲ့ ကူလူဆက်စကီးတို့ ဒဏ်ရာရရှိနေချိန်မှာ ပရီးမီးယားလိဂ် ၂ ပွဲဆက်တိုက် ရှုံးပွဲတွေ့ခဲ့ရပါတယ်။

ဒီအခြေအနေဟာ ကစားသမားသစ်ခေါ်ယူမှ ဖြစ်မယ်ဆိုတာ စပါးအသင်း တာဝန်ရှိသူတွေက သိရှိထားပြီးဖြစ်ကြောင်း၊ ဒီအခြေအနေတွေကို အသင်းကို ရှင်းပြရမယ့်သူဟာ မိမိတော့ မဟုတ်ကြောင်းလည်း နည်းပြကွန်တီက ပြောပါတယ်။

ဆက်လက်ပြီး ကမ္ဘာ့ဖလားပြိုင်ပွဲကြီးမစခင်မှာ အကောင်းဆုံးအဆင့် ရပ်တည်မှုရရှိဖို့ လိုအပ်ပြီး ဇန်နဝါရီ အပြောင်းအရွှေ့ရောက်မှသာ အပြောင်းအရွှေ့ကိစ္စပြောတာ ကောင်းမွန်ကြောင်းလည်း နည်းပြကွန်တီက ပြောပါတယ်။

စပါးအသင်းမှာ နောက်ခံလူတွေဖြစ်တဲ့ ရိုမဲရိုးနဲ့ ကွင်းလယ်လူ ဟော့ဘယက်တို့ဟာလည်း ဒဏ်ရာရရှိနေပြီး ပုံမှန်ခြေစွမ်းရဖို့ ရုန်းကန်နေရပါတယ်။

1 month Ago

October 20, 2022

မန်ယူနိုက်တက်က စပါးအသင်းကို ၂-၀ ဂိုးဖြင့် အနိုင်ရ

အိုးထရတ်ဖို့ဒ်ကွင်းမှာ ဒီကနေ့ မနက်ပိုင်းက ယှဉ်ပြိုင်ကစားသွားတဲ့ စပါးနဲ့ပွဲစဉ်မှာ မန်ယူနိုက်တက်အသင်း ခြေစွမ်းပြကစားနိုင်ခဲ့ပြီး ၂ ဂိုး ဂိုးမရှိနဲ့ နိုင်ပွဲရခဲ့ပါတယ်။

ပြီးခဲ့တဲ့ပွဲစဉ်မှာ နယူးကာဆယ်ကို ဂိုးမရှိသရေသာကစားနိုင်ခဲ့တဲ့ ယူနိုက်တက်ဟာ စပါးနဲ့ပွဲမှာတော့ ပုံစံကောင်းပြသခဲ့ပြီး အနိုင်ဂိုးတွေကို ဖရက်ဒ်နဲ့ ဖာနန်ဒက်စ်တို့က သွင်းယူခဲ့ပါတယ်။

မန်ယူအသင်းဟာ စပါးအသင်းဘက်ကို ကန်သွင်းချက် ၂၈ ကြိမ်အထိရှိခဲ့ပြီး  အဆုံး သတ်ပိုင်းလိုအပ်ချက်ရှိလို့သာ ၂ ဂိုးတည်းရခဲ့တာပါ။

စပါးအသင်းမှာ ရစ်ချာလီဆန်နဲ့ ကူလူဆက်စကီးတို့ မပါဝင်နိုင်ခဲ့လို့ ဟာရီကိန်းနဲ့ ဆွန်ဟောင်မင်တို့ ရုန်းကန်ခဲ့ရပြီး ဂိုးပေါက်ကန်သွင်းခွင့်သိပ်မရခဲ့ပါဘူး။

ဒီပွဲအနိုင်ကြောင့် မန်ယူအသင်းက အဆင့် ၅ နေရာမှာရပ်တည်နေပြီး ထိပ်ဆုံးက အာဆင်နယ်နဲ့ ၈ မှတ်ပဲ ကွာဟပါတယ်။

တခြားပွဲစဉ်တွေမှာတော့ လီဗာပူးက ဝက်စ်ဟမ်းကို ဒါဝင်နူညက်ဇ်ရဲ့ တစ်လုံးတည်းသောဂိုးနဲ့ အနိုင်ရခဲ့ပြီး ချဲလ်ဆီးက ဘရန့်ဖို့ဒ်နဲ့ ဂိုးမရှိသရေကျခဲ့ပါတယ်။

ဆောက်သမ်တန်က ဘုန်းမောက်ကို တစ်ဂိုးဂိုးမရှိနဲ့အနိုင်ရခဲ့သလို နယူးကာဆယ်ကလည်း အဲဗာတန်ကို အိမ်ကွင်းမှာ အမှားအယွင်းမရှိနိုင်ပွဲရယူနိုင်ခဲ့ပါတယ်။

2 months Ago
More News
Up