စပါးနည်းပြပြော

December 16, 2017

မန်စီးတီးရဲ့နိုင်ပွဲဆက်တိုက်စံချိန်ကို ချိုးဖျက်မည်ဟု စပါးနည်းပြပြော

  မန်စီးတီးအသင်းရဲ့ နိုင်ပွဲဆက်တိုက်စံချိန်ကို ချိုးဖျက်သွားမယ်လို့ စပါးနည်းပြ ပိုချက်တီနိုက ပြောကြားလိုက်ပါတယ်။ စပါးအသင်းဟာ လာမယ့် ဒီဇင်ဘာ ၁၆ ရက်နေ့မှာ မန်စီးတီးနဲ့ အဝေးကွင်းမှာ သွားရောက်ကစားရမှာဖြစ်ပြီး အနိုင်ရမယ်ဆိုတဲ့ ရည်ရွယ်ချက်နဲ့ သွားရောက်မှာဖြစ်တယ်လို့ ပိုချက်တီနိုက ဆိုပါတယ်။ မန်စီးတီးအသင်းဟာ အင်္ဂလန်ရဲ့ အကောင်းဆုံးအသင်းဖြစ်နေပြီး ဥရောပရဲ့ ထိပ်တန်းအသင်းဖြစ်တာကြောင့် ဒီလို အကောင်းဆုံးအသင်းနဲ့ ကစားရတာမျိုးက စိတ်လှုပ်ရှားစရာကောင်းပြီး စိန်ခေါ်မှုတခုဖြစ်တယ်လို့ ပိုချက်တီနိုက ဆက်ပြောပါတယ်။ စပါးအသင်းဟာ အဆင့် ၄ နေရာမှာ ရပ်တည်နေပြီး အမှတ်ပေးဇယားထိပ်ဆုံးက မန်စီးတီးအသင်းနဲ့ ၁၈ မှတ်အထိ ကွာဟနေပါတယ်။
4 years Ago

December 10, 2017

ဂါရက်ဘေးလ်ပြန်လာပါက လက်ခံရန် အဆင့်သင့်ရှိနေဟု စပါးနည်းပြပြော

ဒဏ်ရာပြသနာတွေနဲ့လုံးပန်းနေရတဲ့ ဂါရက်ဘေးလ် အသင်းဟောင်းကို ပြန်လည်ပြောင်းရွှေ့လာရင် လက်ခံဖို့ အဆင့်သင့်ရှိနေတယ်လို့ စပါးနည်းပြပိုချက်တီနိုက ပြောပါတယ်။ ဂါရက်ဘေးလ်အတွက် အသင်းဟောင်းစပါးအသင်းကို ပြန်လည်ပြောင်းရွှေ့လာဖို့ အစဉ်အမြဲ တံခါးဖွင့်ထားတယ်၊ ဘောလုံးမှာဘာတွေ ဖြစ်ပျက်မယ်ဆိုတာ ဘယ်တော့မှ မသိနိုင်ဘူးလို့ ပိုချက်တီနိုက ဆိုပါတယ်။ စပါးအသင်းအတွက် ပွဲပေါင်း ၁၆၀ ကစားပြီး ဂိုးပေါင်း ၇၀ ထိ သွင်းယူပေးထားခဲ့တဲ့ ဂါရက်ဘေးလ်ဟာ လာမယ့်နွေရာသီအပြောင်းအရွှေ့မှာ ရီးရဲလ်မက်ဒရစ်အသင်းက ထွက်ခွာဖို့ သတင်းထွက်နေသူလည်းဖြစ်ပါတယ်။ ဂါရက်ဘေးလ်ဟာ ရီးရဲလ်မက်ဒရစ်အသင်းအတွက် လာလီဂါ ၈ ပွဲနဲ့ ချန်ပီယံလိဂ်ပွဲတွေ မကစားရသေးပဲ ဒဏ်ရာကြောင့် အနားယူနေရပေမယ့် မန်ချက်စတာယူနိုက်အသင်းကလည်း ခေါ်ယူဖို့ စိတ်ဝင်စားနေပါတယ်။ စပါးနည်းပြပိုချက်တီနိုက သူ့အနေနဲ့ အသင်းနဲ့ပတ်သက်ခဲ့ဖူးတဲ့ ကစားသမားတွေနဲ့ အစဉ်အမြဲအဆက်အသွယ်ရှိကြောင်း၊ ဂါရက်ဘေးလ်နဲ့မရင်းနှီးပေမယ့် ဘောလုံးလောကမှာ အရာရာဖြစ်လာနိုင်ကြောင်း ပြောကြားခဲ့ပါတယ်။ စပါးအသင်းဟာ ဂါရက်ဘေးလ်ကို ၂၀၁၃ ခုနှစ်က ပေါင် ၈၅ သန်းနဲ့ ရီးရဲလ်မက်ဒရစ်အသင်းထံ ရောင်းချခဲ့တာလည်း ဖြစ်ပါတယ်။
4 years Ago
More News
Up