စပါး

June 23, 2021

စိတ်ကျန်းမာရေးရန်ပုံငွေ ပွဲစဉ်အဖြစ် အာဆင်နယ်၊ ချဲလ်ဆီးနှင့် စပါးတို့ ပတ်လည်ယှဉ်ပြိုင်မည်

လန်ဒန်အခြေစိုက် ပရီးမီးယားလိဂ်ကလပ်တွေ ဖြစ်တဲ့ အာဆင်နယ်၊ ချဲလ်ဆီးနဲ့ စပါးအသင်းတို့ဟာ စိတ်ကျန်းမာရေးရန်ပုံငွေ ပွဲစဉ်အနေနဲ့ ရာသီကြို ခြေစမ်းကြမှာ ဖြစ်ပါတယ်။ 

ယူကေအခြေစိုက် စိတ်ကျန်းမာရေးပရဟိတအဖွဲ့တွေနဲ့အတူ သက်ဆိုင်ရာကလပ်အသင်းတွေရဲ့ ဖောင်ဒေးရှင်းတွေကလည်း အလှူငွေတွေ ထည့်ဝင်သွားမယ်လို့ သိရပါတယ်။ 

လန်ဒန် ထိပ်သီး ၃ သင်း ယှဉ်ပြိုင်မယ့် အဲဒီပြိုင်ပွဲအမည်ကို The Mind Series  လို့ အမည်ပေးထားပါတယ်။

သြဂုတ် ၃ ရက်မှာ အဖွင့်ပွဲစဉ်အနေနဲ့ အာဆင်နယ်က ချဲလ်ဆီးအသင်းနဲ့ အီမရိတ်ကွင်းမှာ လက်ခံကစားသွားမှာပါ။ 

သြဂုတ် ၄ ရက်မှာ ချဲလ်ဆီးက စပါးအသင်းကို လက်ခံကစားရမှာဖြစ်ပြီး သြဂုတ် ၈ ရက်မှာ အာဆင်နယ်နဲ့ စပါးတို့ ယှဉ်ပြိုင်ကစားကြမှာပါ။ 

ဒီလို လူမှုရေးရန်ပုံငွေပြိုင်ပွဲ ကစားရမယ့်အပေါ်မှာ ကျေနပ်ကြောင်းလည်း ချဲလ်ဆီးနည်းပြ တူချယ်နဲ့ အာဆင်နယ်နည်းပြ အာတီတာတို့က ပြောပါတယ်။ 

အဲဒီပွဲတွေအတွက် လက်မှတ်တွေကိုတော့ လာမယ့်တပတ်မှာ စတင်ရောင်းချသွားမယ်လို့ သိရပါတယ်။ 

4 months Ago

January 29, 2021

လီဗာပူးနှင့်ပွဲတွင် စပါးတိုက်စစ်မှူး ဟယ်ရီကိန်း ဒဏ်ရာရပြီး သီတင်းပတ် အနည်းငယ်နားရမည်

တိုက်စစ်မှူး ဟယ်ရီကိန်းဟာ ခြေကျင်းဝတ်  နှစ်ဖက်စလုံး ဒဏ်ရာရရှိသွားခဲ့ပြီး သီတင်းပတ် အနည်းငယ် လောက်အနားယူရတော့မယ်လို့ စပါးအသင်း နည်ပြ မော်ရင်ဟိုက ပြောပါတယ်။

  ကိန်းဟာ မနေ့ညက လီဗာပူးနဲ့  ပွဲမှာ ပထမပိုင်း ကတည်းက ဒဏ်ရာကြောင့် ထွက်ခွာသွားခဲ့ရပါတယ်။

ကိန်းဟာ အစောပိုင်း သီယာဂိုနဲ့ ရင်ဆိုင်တွေ့စဉ်ကတည်းက သူ့ခြေထောက်ကို နာနာ ကျင်ကျင် ဆုပ်ကိုင်ထားတာကို တွေ့ရပြီး နောက်ပိုင်းမှာလည်း ထပ်မံလဲကျခဲ့ပါတယ်။ အဲ့ဒီနောက်မှာတော့ သူ့ကို လာမယ်လာနဲ့ လူစားလဲခဲ့ရပြီး အသင်းရဲ့ ရှုံးပွဲကို ပွဲကြည့်စင်က နေထိုင်ကြည့်ခဲ့ရပါတယ်။ 

ပွဲအပြီးမှာမော်ရင်ဟိုက “ ခြေကျင်းဝတ် နှစ်ဖက်စလုံးပါ။ ပထမတစ်ကြိမ်က သီယာဂိုရဲ့ ဆိုးဆိုးရွားရွား ဖြတ်ထုတ်မှုကြောင့်ဖြစ်ပြီး ဒုတိယ တစ်ခုကိုတော့ မမြင်ခဲ့ရပါဘူး။ ဒါ့ကြောင့် နှစ် ဖက်စလုံးမှာ ဒဏ်ရာရရှိခဲ့ပြီး ဒုတိယတစ်ခုက ပထမအကြိမ်ထက်ပိုပြီးဆိုးရွားခဲ့ပါတယ်။ သီတင်း ပတ်အနည်းငယ်လောက်နားရမှာဖြစ်ပြီး တိတိကျကျတော့ မသိရသေးပါဘူး။ အသင်းမှာ အစား ထိုးလို့ မရတဲ့ ကစားသမား တချို့ ရှိနေပါတယ်။ ဒါဟာ ဖြစ်ပြီးခဲ့ပြီဖြစ်တာကြောင့် ဘာမှ မလုပ်လို့ မရတော့ပါဘူး။” လို့လည်း ပွဲအပြီးမှာ ပြောပါတယ်။ 

ဒီပွဲမှာစပါးအသင်းဟာ ၃ ဂိုး ၁ ဂိုးနဲ့ ရှုံးခဲ့တဲ့အပြင် ကိန်းပါ ဒဏ်ရာ ရရှိခဲ့တာကြောင့် အထိနာခဲ့တယ်လို့  ပြောရမှာဖြစ်ပါတယ်။ ဒါ့ကြောင့်လာမယ့် ဘရိုက်တန်နဲ့ပွဲမှာ ဒဏ်ရာပြဿနာတွေကြောင့် ရုန်းကန်ရဖို့ ရှိနေပါတယ်။

9 months Ago

လီဗာပူးက စပါးအသင်းကို (၃-၁) ဂိုးဖြင့်နိုင်ပြီး ထိပ်ဆုံး ၄ သင်း စာရင်း ဝင်လာ

ဒီကနေ့ မနက်  ကစားသွားခဲ့တဲ့ ပရီးမီးယားလိဂ်လက်ကျန်ပွဲစဉ်မှာ လီဗာပူးအသင်းက  စပါးအသင်းကို  ၃ ဂိုး ၁ဂိုးနဲ့ အနိုင်ရသွားပါတယ်။

ပရီးမီးယားလိဂ်မှာ ၅ ပွဲဆက်တိုက်နိုင်ပွဲပျောက်ဆုံးခဲ့တဲ့ လီဗာပူးအသင်းဟာ စပါးနဲ့ပွဲမှာတော့ အဝေးကွင်းပွဲစဉ်ဖြစ်ပေမဲ့ ခြေစွမ်းပြကစားနိုင်ခဲ့ပြီး နိုင်ပွဲပြန်ရှာ တွေ့ခဲ့တာပါ။

ပထမပိုင်းပြီးခါနီးမှာ တိုက်စစ်မှူးဖေမီနိုက ဦးဆောင်ဂိုးစတင်သွင်းယူခဲ့ပြီး ဒုတိယပိုင်း အစမှာလည်း အာနိုးလ်က လီဗာပူးအတွက်  ဒုတိယဦးဆောင်ဂိုးသွင်းခဲ့ပါတယ်။ 

၂ မိနစ်အတွင်းမှာပဲ စပါးကွင်းလယ်လူ ဟော့ဘယက်ချ်က ချေပဂိုးတစ်ဂိုး ပြန်သွင်းခဲ့သေးပေမယ့် ပွဲချိန် ၆၅ မိနစ်မှာ မာနေးက လီဗာပူးလ်အသင်းအတွက်  အနိုင်သေချာစေမယ့် ဂိုးသွင်းယူသွားခဲ့ တာဖြစ်ပါတယ်။

ဒီနိုင်ပွဲကြောင့် လစ်ဗာပူးအသင်းက ရမှတ် ၃၇ မှတ်နဲ့  လက်စတာ ၊ မန်ယူနဲ့ မန်စီးတီးအသင်းတွေကို ဖိအားပေးနိုင်ခဲ့ ပါတယ်။

စပါးအသင်းကတော့ အနိုင်ရမယ်ဆိုရင် အဆင့်လေးကိုတက်လှမ်းနိုင်မှာဖြစ်ပေမယ့် ရှုံးပွဲ တွေ့ခဲ့လို့  အမှတ်ပေးဇယား အဆင့် ၆ နေရာမှာ ရပ်တည်နေပါတယ်။ 

လီဗာပူးအသင်းဟာ စပါးအသင်းကို ၃ ဂိုး ၁ ဂိုးနဲ့ အနိုင်ရရှိခဲ့ပြီး ထိပ်ဆုံး ၄ သင်းစာရင်းကို ဝင်ရောက်လာနိုင်ခဲ့ပြီဖြစ်ပါတယ်။

အခုလို နိုင်ခဲ့တာကြောင့်  လီဗာပူးအသင်းဟာ ဘာလဲဆိုတာ ပြသနိုင်ခဲ့တယ်လို့  နည်းပြ ကလော့ပ်က ကြုံးဝါးခဲ့ပါတယ်။ 

အခုဆို ဒီနိုင်ပွဲကြောင့် လီဗာပူးဟာ ဇယားထိပ်က မန်စီတီးအသင်းထက် တစ်ပွဲပို ၄ မှတ်ကွာ အနေအထားကိုရောက်လာခဲ့ပြီဖြစ်ပါတယ်။ 

ဒီပွဲမှာ ဖာမီနို၊ အာနိုးလ်နဲ့ မာနေးတို့က လီဗာပူးအသင်းအတွက် ၂၀၂၁ ခုနှစ်ထဲမှာ ပထမဆုံး အဖြစ်လိဂ်ဂိုးတွေကို သွင်းယူပေးခဲ့ပြီး ဘန်လေနဲ့ ယူနိုက်တက်အသင်းတို့ကို ၂ ပွဲဆက်ရှုံးနိမ့်မှုကနေ ရုန်းထွက်ပြနိုင်ခဲ့ပါတယ်။ ဒါပေမဲ့ အသင်းအတွက် ဒဏ်ရာပြဿနာတွေရှိခဲ့တာကတော့ သတင်းဆိုးပါပဲ။ 

“ကျနော်တို့ မှန်ကန်တဲ့ အချိန်မှာ ဂိုးတွေ သွင်းယူနိုင်ခဲ့ပါတယ်။ အရမ်းကောင်းတဲ့ဂိုးတွေပါ။ အသင်းရဲ့ပုံစံ  ကောင်းဆိုတာထက် အသင်းက ဘာလဲဆိုတာ ပြသနိုင်ခဲ့တာပါ။ မြန်မြန်ဆန်ဆန် ကစားနိုင်ခဲ့သလို တန်ပြန်တိုက်စစ်တွေနဲ့ ခံစစ်ကစားပုံကလည်း ကောင်းခဲ့ပါတယ်။ ကျနော်လိုချင်တဲ့ ပုံစံမျိုးလည်း မြင်တွေ့ခွင့်ရခဲ့ပါတယ်” လို့ ကလော့ပ်က ပြောပါတယ်။ 

စပါးအိမ်ကွင်းမှာ ကစားခဲ့တဲ့ပွဲဟာ တကယ်ကို အကြိတ်အနယ်ရှိခဲ့ပြီး ပွဲအစကတည်းက  နှစ်ဘက်ကစားသမားတွေ အပြန်လှန်လွဲချော်မှုရှိခဲ့လို့သာ စောစောစီးစီး ဂိုး မရခဲ့တာဖြစ်ပါတယ်။ 

ဒီပွဲမှာ စပါးတိုက်စစ်မှူး ဆွန်ဟောင်မင်ရဲ့ သွင်းဂိုး တစ်ဂိုးဟာ VAR နဲ့ ပယ်ဖျက်ခြင်းခံခဲ့ ရသလို ဆာလတ်ရဲ့ သွင်းဂိုး တစ်ဂိုးဟာလည်း VAR ကြောင့် နစ်နာခဲ့ရပါတယ်။ 

9 months Ago
More News
Up