စနစ်တကျ စွန့်ပစ်ရေး

A d v e r t i s e m e n t With Us

December 22, 2019

ပလတ်စတစ် စနစ်တကျ စွန့်ပစ်ရေး စံပြနေရာအဖြစ် ပြင်ဦးလွင် ဒီဇင်ဘာခြံ၌ လုပ်ဆောင်

မန္တလေးတိုင်း၊ ပြင်ဦးလွင်မြို့မှာ အသစ်ဖွင့်လှစ်ထားတဲ့ ဒီဇင်ဘာအပန်းဖြေဥယျာဉ်ခြံမှာ ပလပ်စတစ်အမှိုက်စွန့်ပစ်မှုကို စနစ်တကျ ဖြစ်လာအောင် စံပြအနေနဲ့ ဆောင်ရွက်ထားပါတယ်။ ဒီဇင်ဘာခြံမန်နေဂျာ ဦးစန်းတင့်က “ပလတ်စတစ်ကလည်း အန္တရာယ်ရှိတယ်လေ။ ပလတ်စတစ်က မြေချလို့လည်း မရ၊ မီးရှို့လို့လည်း မရ။ အဲဒါကြောင့်မို့ ကျနော်တို့က ပလတ်စတစ်ကို သီးခြား သိုလှောင်တာပေါ့။ သိုလှောင်ပြီးရင် ကျနော်တို့ တနေရာမှာ ဆယ်ပေ ကျင်းကြီးတွေတူး၊ တူးပြီးရင် အဲဒါတွေ မြှုပ်တယ်။ ပြည့်သွားရင် ဖို့တယ်။ နောက်တကျင်း ပြန်တူး။ အဲဒီလို အဆင့်ဆင့်နဲ့ သွားပါတယ်” လို့ ပြောပါတယ်။ ပြင်ဦးလွင်မြို့နေ လူထုအနေနဲ့လည်း အတုယူ လုပ်ဆောင်နိုင်မယ့်အပြင် သဘာဝပတ်ဝန်း ကျင်ကို ထိန်းသိမ်းတဲ့အနေနဲ့ ပလတ်စတစ်အမှိုက် စွန့်ပစ်မှုကို စနစ်တကျဖြစ်အောင် အမြဲတမ်း လုပ်ဆောင်မှာ ဖြစ်တယ်လို့ သိရပါတယ်။ ဥယျာဉ်အတွင်း အလှဆင်ရာမှာလည်း ပလတ်စတစ်အမှိုက်အပြင် ထော်လာဂျီ၊ ကားတာယာ အမှိုက်ပုံး၊‌ အချိုရည်ဘူး စတဲ့ ပြန်လည်အသုံးပြုလို့ရနိုင်တဲ့ စွန့်ပစ်ပစ္စည်း ငါးမျိုးလောက်ကို အလှဆင် အသုံးပြု ပြသထားပါတယ်။ အမှိုက်ပုံးတွေကိုလည်း ပြန်လည်အသုံးပြုလို့ မရနိုင်တဲ့ အမှိုက်တွေနဲ့ ပြန်လည် အသုံးပြုနိုင်တဲ့ အမှိုက်တွေကို ခွဲခြားစွန့်ပစ်နိုင်ဖို့လည်း စီစဉ်ဆောင်ရွက်ပေးထားပါတယ်။ ထိန်ထိန်လင်း
1 year Ago
Up