စနစ်မကျသော မြန်မာ့ဘဏ်လုပ်ငန်းစနစ် အရင်အတိုင်း ဆက်ရှိနေဦးမည်

July 4, 2015

လူငယ်ဗွီဒီယိုပြိုင်ပွဲ ကျင်းပရန် အာရှဖွံ့ဖြိုးရေးဘဏ် လျှောက်လွှာခေါ်ယူ

ဖိလစ်ပိုင်နိုင်ငံ၊ မနီလာမြို့မှာကျင်းပမယ့် ဒုတိယအကြိမ်အာရှဆည်မြောင်းဖိုရမ်အကြို လူငယ်ဗွီဒီယို ပြိုင်ပွဲတရပ်ကို အာရှဖွံ့ဖြိုးရေးဘဏ်က ကြီးမှူးကျင်းပမှာဖြစ်ပြီး လျှောက်လွှာစတင်ခေါ်ယူနေတယ်လို့ သတင်းထုတ်ပြန်ထားပါတယ်။ ပြိုင်ပွဲဝင်လိုသူတွေအနေနဲ့ ၃ မိနစ်စာ ရိုက်ကူးထားတဲ့ ဗွီဒီယိုဖိုင်နဲ့ ပါဝင်ယှဉ်ပြိုင်ရမှာဖြစ်ပြီး အသက် ၁၈နှစ်မှ ၃၀ နှစ် ကြားလူငယ်တွေ ယှဉ်ပြိုင်နိုင်မှာဖြစ်ပါတယ်။ ပြိုင်ပွဲဝင်ရမယ့်ခေါင်းစဉ်က “Who’s growing tomorrow’s food?” (မနက်ဖြန်အတွက် စားနပ်ရိက္ခာကို ဘယ်သူတွေစိုက်ပျိုးကြမလဲ) လို့ သတ်မှတ်ထားပါတယ်။ ဆုရရှိသူကို ဖိလစ်ပိုင်နိုင်ငံ၊ မနီလာမြို့ရှိ အာရှဖွံ့ဖြိုးရေးဘဏ်ရုံးချုပ်ကို ခေါ်ယူပြီး  နိုဝင်ဘာလ ၁၇ ရက်ကနေ ၁၉ ရက်နေ့အထိ ကျင်းပမယ့် ဖိုရမ်မှာ ပူးပေါင်းပါဝင်တဲ့ အဖွဲ့အစည်းတွေဖြစ်တဲ့ ကမ္ဘာ့စား နပ်ရိက္ခာအဖွဲ့နဲ့ နိုင်ငံတကာရေအရင်းအမြစ် စီမံခန့်ခွဲမှုသိပ္ပံအဖွဲ့တွေက ဆုချီးမြှင့်မယ်လို့ဆိုပါတယ်။ နောက်ဆုံးစကာတင်အဆင့်ဝင်တဲ့ ဗွီဒီယိုတွေကိုတော့ အဲဒီဖိုရမ်မှာ ပြသထားမှာ ဖြစ်သလို အာရှဖွံ့ ဖြိုးရေးဘဏ်ရဲ့အင်တာနက်စာမျက်နှာမှာလည်း ဖော်ပြထားမှာဖြစ်ပါတယ်။ အာရှဖွံ့ဖြိုးရေးဘဏ်၊ ရေအရင်းအမြစ်အသုံးချမှုဆိုင်ရာဆိုင်ရာပညာရှင် ရက်စမင်ဆီဒီတီက “အာရှမှာ ရေအရင်းအမြစ်တွေရဲ့ ၈၀ ရာခိုင်နှုန်းကို ဆည်မြောင်းရေသွင်း စိုက်ပျိုးတဲ့နေရာမှာ အသုံးနေတာပါ။ ဒါဟာ လူဦးရေတိုးပွားလာမှု၊ မြို့ပြဖြစ်ထွန်းလာမှု၊ စားသောက်နေထိုင်မှု ပုံစံပြောင်းလဲလာမှုနဲ့ ရာသီဥတု ဖောက်ပြန်ပြောင်းလဲမှုဆိုင်ရာ ကြီးမားတဲ့ စိန်ခေါ်မှုတရပ်ဖြစ်နေပါတယ်။ ဒီစိန်ခေါ်မှုတွေအပေါ်မှာ ဆန်းသစ်တဲ့ အမြင်တွေနဲ့ဖော်ကြူးထားတဲ့ ဗွီဒီယိုတွေကို ကျနော်တို့မျှော်လင့်ပါတယ်” လို့ ပြောပါတယ်။ ပါဝင်ယှဉ်ပြိုင်သူတွေဟာ အင်တာနက်စာမျက်နှာ YouTube.com ဒါမှမဟုတ် Youku.com မှာ ဗွီဒီယို ကို တင်ရမှာဖြစ်ပြီး ပါဝင်တဲ့အကြောင်းအရာ၊ ကြည်လင်ပြတ်သားတဲ့တင်ပြမှု၊ ပေးလိုတဲ့ ရည်ရွယ်ချက်၊ ဗွီဒီယိုမှာပါဝင်တဲ့ သက်ဆိုင်ရာ လူပုဂ္ဂိုလ်စတဲ့ အကြောင်းအရာတွေပေါ်မူတည်ပြီး ရွေးချယ်ဆုံးဖြတ်သွားမယ်လို့ ဆိုပါတယ်။ ပါဝင်ယှဉ်ပြိုင်လိုသူတွေအနေနဲ့ အာရှဖွံ့ဖြိုးရေးဘဏ်အင်တာနက်စာမျက်နှာမှာ မှတ်ပုံတင်ရမှာဖြစ်ပြီး လာမယ့် စက်တင်ဘာလ ၃၀ ရက်နောက်ဆုံးထားပြီး [email protected] ကို အီးမေးလ်ပို့ရမှာဖြစ်ပါတယ်။ ပြိုင်ပွဲမှာဆုရရှိသူတွေကို အောက်တိုဘာလ ၁၅ ရက်မှာ ကြေညာပေးသွားမှာဖြစ်ပြီး အသေးစိတ်စည်း ကမ်းချက်တွေကိုလည်း အဲဒီစာမျက်နှာမှာ ၀င်ရောက်ဖတ်ရှုနိုင်ပါတယ်။ ဖိလစ်ပိုင်နိုင်ငံ၊ မနီလာမြို့အခြေစိုက် အာရှဖွံ့ဖြိုးရေးဘဏ်ဟာ အာရှနဲ့ ပစိဖိတ်ဒေသတွင်း စီးပွားရေးဖွံ့ဖြိုးတိုးတက်မှု၊ ရေရှည်တည်တံ့ခိုင်မြဲတဲ့ သဘာဝပတ်ဝန်းကျင်တိုးတက်မှုနဲ့ ဒေသတွင်းပူးပေါင်း ဆောင်ရွက်မှုလုပ်ငန်းတွေကို တစိုက်မတ်မတ်လုပ်ကိုင်နေတာပါ။
6 years Ago

July 3, 2015

မြန်မာက ၀င်ငွေအနိမ့်ဆုံးနိုင်ငံအုပ်စုအဆင့်မှ မြင့်တက်လာဟု ကမ္ဘာ့ဘဏ်ဆို

မြန်မာအပါအ၀င် ဘင်္ဂလားဒေ့ရှ်၊ ကင်ညာနဲ့ တာဂျစ်ကစ္စတန် နိုင်ငံတွေဟာ ၀င်ငွေအနိမ့် ဆုံးနိုင်ငံအုပ်စုအဆင့်ကနေ အလယ်အလတ်အောက်ဝင်ငွေအုပ်စုအဆင့်ကို တက်လာတယ်လို့ ကမ္ဘာ့ဘဏ်က သတင်းထုတ်ပြန်လိုက်ပါတယ်။ ဇွန်လ ၂ ရက်နေ့နှောင်းပိုင်းက ထုတ်ပြန်တဲ့ဖော်ပြချက်မှာ အဲဒီနိုင်ငံတွေမှာ နှစ်စဉ်တဦး ကျတိုင်းပြည်ဝင်ငွေ အမေရိကန်ဒေါ်လာ ၁၀၄၆ ကနေ ၄၁၂၅ ထိရှိပြီး တဦးချင်း အမျိုးသားဝင်ငွေ တိုးတက်မှုဟာ ဆက်လက်တိုးတက်နေတဲ့အတွက် လက်ရှိအဆင့်ကို တက်လာခဲ့တာလို့ ဖော်ပြ ထားပါတယ်။ တောင်ပိုင်းဆူဒန်နိုင်ငံကတော့ နှစ်စဉ် တဦးကျတိုင်းပြည်ဝင်ငွေ အမေရိကန်ဒေါ်လာ ၁၀၄၅ နဲ့ အောက်ဖြစ်တဲ့အတွက် ၀င်ငွေနိမ့်အုပ်စုထဲ ရောက်သွားခဲ့တယ်လို့ ဆိုပါတယ်။ နှစ်စဉ်တဦးကျ တိုင်းပြည်ဝင်ငွေ အမေရိကန်ဒေါ်လာ ၄၁၂၆ နဲ့ ၁၂၇၃၅ ကြားရှိတဲ့ မွန်ဂိုလီးယားနဲ့ပါရာဂွေးနိုင်ငံတွေကတော့ အလယ်အလတ်အောက်ဝင်ငွေအုပ်စုအဆင့်ကနေ အလယ်အလတ်အထက်ဝင်ငွေအုပ်စုအဆင့်ကို တက်သွားခဲ့တယ်လို့ ရိုက်တာသတင်းမှာ ဖော်ပြပါတယ်။ ကမ္ဘာ့ဘဏ်က နှစ်စဉ် ဇူလိုင်လ ၁ ရက်နေ့ရောက်တိုင်း တကမ္ဘာလုံး စီးပွားရေးဆိုင်ရာ ၀င်ငွေအဆင့်ကို ပြီးခဲ့တဲ့နှစ်ရဲ့ သက်ဆိုင်ရာ တဦးကျ တိုင်းပြည်ဝင်ငွေနဲ့နှိုင်းယှဉ်ဖော်ပြပြီး သတင်းထုတ်ပြန်တာပါ။ ပြီးခဲ့တဲ့ ၂၄ နှစ်တာကာလအတွင်း ၀င်ငွေအနိမ့်ဆုံးနိုင်ငံတွေထဲပါဝင်တဲ့ မာလာဝီနိုင်ငံရဲ့နှစ်စဉ် တဦးကျ တိုင်းပြည်ဝင်ငွေဟာ မနှစ်ကထက် အမေရိကန်ဒေါ်လာ ၇၀ ထိတက်လာချိန်မှာ နော်ဝေးနိုင်ငံကတော့ အမေရိကန် ဒေါ်လာ ၇၇၀၄၀ ထိ တိုးတက်လာခဲ့တယ်လို့ ကမ္ဘာ့ဘဏ်က ဆိုပါတယ်။ အသစ်ထုတ်ပြန်တဲ့ ကိန်းဂဏန်းအချက်အလက်တွေအရ အာဂျင်တီးနား၊ ဟန်ဂေရီ၊ ဆေးရှဲ ကျွန်းနိုင်ငံနဲ့ ဗင်နီဇွဲလားနိုင်ငံတွေဟာ နှစ်စဉ်တဦးကျတိုင်းပြည်ဝင်ငွေ အမေရိကန် ဒေါ်လာ ၁၂၇၃၆ နဲ့အထက်ရှိတဲ့အတွက် အလယ်အလတ်အထက်ဝင်ငွေအုပ်စုအဆင့်ကနေ ၀င်ငွေမြင့်အုပ်စုအဆင့်ကိုရောက်သွားတယ်လို့ ဖော်ပြနေတာပါ။ အဲဒီလိုဝင်ငွေအဆင့်မြင့်တက်နေပေမယ့် အာဂျင်တီးနားနိုင်ငံအနေနဲ့ ပြင်ပကြွေး မြီတင်ရှိမှုတွေရှိနေပြီး ဗင်နီဇွဲလားနိုင်ငံဟာလည်း စီးပွားရေးအခြေအနေ ကျဆင်းနေတယ်လို့ ရိုက်တာသတင်းက ရေးပါတယ်။ ဘင်္ဂလားဒေ့ရ်ှနိုင်ငံကို ၂၀၂၁ ခုနှစ်မှာ အလယ်အလတ်ဝင်ငွေအဆင့်ရှိတဲ့ နိုင်ငံဖြစ်လာဖို့ အတွက် ရည်မှန်းချက်ချမှတ်ဆောင်ရွက်သွားမယ်လို့ ဘင်္ဂလားဒေ့ရ်ှဝန်ကြီးချုပ် ရှိတ်ဟာဆီနာက မနေ့ကပြောလိုက်ပါတယ်။
6 years Ago
More News
Up