စတာလင်

December 12, 2021

မန်စီးတီး တိုက်စစ်မှူး စတာလင် လိဂ်သွင်းဂိုး ၁ဝဝ ပြည့် ၃၂ ယောက်မြောက် ကစားသမားဖြစ်လာ

မန်စီးတီးတောင်ပံတိုက်စစ်မှူး ရာဟင်းစတာလင်ဟာ ဝုဗ်နဲ့ပွဲစဉ်မှာ တစ်ဂိုးသွင်းခဲ့ပြီးနောက် ပရီးမီးယားလိဂ်သွင်းဂိုး ၁ဝဝ ပြည့်တဲ့ ၃၂ ယောက်မြောက် ကစားသမား ဖြစ်လာပါတယ်။ 

စတာလင်ဟာ ဝုဗ်အသင်းကို အနိုင်ရတဲ့ပွဲစဉ်မှာ ပင်နယ်တီကနေတဆင့် ၁ဝဝ မြောက် သွင်းဂိုး ရယူခဲ့တာပါ။ 

လီဗာပူးအသင်းအတွက် ၁၈ ဂိုး သွင်းခဲ့ပြီး မန်စီးတီးအသင်းမှာ ၈၂ ဂိုးသွင်းယူနိုင်ခဲ့တာပါ။  ပရီးမီးယားလိဂ်မှာ သွင်းဂိုး ၁ဝဝ ပြည့်ခဲ့တာက နှစ်သက်စရာအောင်မြင်မှုဖြစ်ပြီး  အမှန်တကယ် ဂုဏ်ယူစရာကောင်းတယ်လို့ စတာလင်က ပြောပါတယ်။ 

ပရီးမီးယားလိဂ်လို့ အမည်ပြောင်းပြီး စတင်ကျင်းပခဲ့တဲ့ ၁၉၉၂ ကနေစတင်ပြီး လက်ရှိအချိန်အထိ ဂိုး ၁ဝဝ နဲ့ အထက်သွင်းနိုင်တဲ့ ကစားသမားက ၃၁ ဦးသာ ရှိပြီး စတာလင်က ၃၂ ဦးမြောက် ကစားသမားဖြစ်လာခဲ့တာပါ။ 

အဲဒီ ၃၂ ဦးစာရင်းမှာ နယူးကာဆယ် တိုက်စစ်မှူးဟောင်း အလန်ရှီးယားက စုစုပေါင်းသွင်းဂိုး ၂၆ဝ နဲ့ ထိပ်ဆုံးနေရာမှာ ရပ်တည်နေပါတယ်။

လက်ရှိ ပရီးမီးယားလိဂ်မှာ ကစားနေသူတွေထဲကဆိုရင် ဟယ်ရီကိန်းက ၁၆၇ ဂိုးနဲ့အများဆုံးဖြစ်ပြီး  ဂျေမီဗာဒီ၊ လူကာကူ၊ ဆာလာ၊ မာနေး တို့ဟာလည်း သွင်းဂိုး ၁ဝဝ နဲ့အထက် သွင်းယူထားပြီးဖြစ်ပါတယ်။

1 month Ago

October 15, 2021

ပုံမှန်ပွဲထွက်ခွင့်မရပါက မန်စီးတီးမှ ထွက်ခွာမည်ဟု စတာလင် ပြော

မန်စီးတီးတောင်ပံတိုက်စစ်ကစားသမား စတာလင်ဟာ ပုံမှန်ပွဲထွက်ခွင့်မရ ဆက်ဖြစ်နေရင် အသင်းကနေ ထွက်ခွာဖို့ စဉ်းစားထားတယ်လို့ သိရပါတယ်။

အင်္ဂလန်လက်ရွေးစင် စတာလင်ဟာ ပရီးမီးယားလိဂ်အဖွင့်ပွဲစဉ် ကစားပြီးနောက်ပိုင်းမှာ လိဂ်ပွဲစဉ်၁ ပွဲမှာပဲ ပွဲထွက်လူစာရင်းမှာ ပါဝင်ခဲ့တာပါ။ 

နည်းပြဂွာဒီယိုလာအနေနဲ့ စတာလင်ကို အထောင်တိုက်စစ်မှူးအနေနဲ့ စမ်းသပ်အသုံးပြုခဲ့ပေမဲ့ အသင်းရလဒ်မကောင်းခဲ့တာကြောင့် ဖာရန်တောရက်စ်ကိုပိုမိုအသုံးပြုလာခဲ့တာဖြစ်ပါတယ်။

စတာလင်ဟာ ပီအက်စ်ဂျီနဲ့ ချန်ပီယံလိဂ်မှာ အထောင်တိုက်စစ်မှူးနေရာထားပြီး ပွဲထွက်ခွင့်ရခဲ့ ပေမဲ့ ၂ ဂိုး ဂိုးမရှိနဲ့ ရှုံးနိမ့်ခဲ့ရပါတယ်။ 

နည်းပြဂွာဒီယိုလာဟာ နောက်ပိုင်းပွဲစဉ်တွေမှာ စတာလင်ကို အရန်ခုံမှာပဲ ထားခဲ့ပြီး ဂရေးလစ်ရှ်၊ ဂါဘရီယယ်ဂျေးဆူ၊ ဖာရန်တောရက်စ်တို့ရဲ့ တိုက်စစ်အတွဲကို အသုံးပြုနေတာဖြစ်ပါတယ်။

စတာလင်ဘက်ကတော့ စိန်ခေါ်မှုအသစ်တွေကို ရင်ဆိုင်ရတာကို သဘောကျပြီး လက်ရှိအတိုင်းသားပွဲထွက်ခွင့်နည်းပါးနေမယ်ဆိုရင် အသင်းကနေ ထွက်ခွာဖို့ ပြင်ဆင်ထားတယ်လို့ သိရပါတယ်။ 

3 months Ago
More News
Up