စတာလင်း

August 5, 2015

ပရီးမီးယားလိဂ်ကလပ်များ အပြောင်းအရွှေ့စရိတ် ပေါင်သန်း ၅၀၀ ကျော်လွန်

အပြောင်းအရွှေ့ကာလ ပြီးဆုံးဖို့ ၁ လလောက် လိုသေးတဲ့ အချိန်မှာတောင် ပရီးမီးယားလိဂ် ကစားသမား အပြောင်းအရွှေ့ အသုံးစရိတ်ဟာ ပေါင်သန်း ၅၀၀ ကျော်လွန်နေပြီ ဖြစ်ပါတယ်။ ပြီးခဲ့တဲ့နှစ်က ပေါင် ၃၃၅ သန်းသာရှိခဲ့ပေမယ့် အခုနှစ်ကတော့ စံချိန်တင် မြင့်လာနေတာပါ။ ပရီးမီးယား ကလပ်တွေရဲ့ ၂၀၁၄-၁၅ ရာသီ နွေရာသီ အပြောင်းအရွှေ့နဲ့ ဇန်န၀ါရီ အပြောင်းအရွှေ့တို့မှာ ပေါင် ၉၆၅ သန်းရှိခဲ့ပြီး ၂၀၁၅-၁၆ ရာသီမှာတော့ အဲဒီစံချိန်ထက် ကျော်လွန်လိမ့်မယ်လုို့ ကျွမ်းကျင်သူတွေက ခန့်မှန်းထားကြပါတယ်။ ဒီနှစ်နွေရာသီ အပြောင်းအရွှေ့မှာ လီဗာပူးက စတာလင်း မန်စီးတီးကို ပေါင် ၄၄ သန်းနဲ့ ပြောင်းရွှေ့တာကတော့ ဈေးနှုန်းအမြင့်ဆုံး ဖြစ်နေပါတယ်။ ရုပ်သံထုတ်လွှင့်မှုကရတဲ့ ၀င်ငွေပိုရရှိလာတာကြောင့်လည်း ကလပ်အသင်းတွေ  ငွေပိုသုံးလာနိုင်ပါတယ်။ လာမယ့် ၃ ရာသီအတွင်း ဇယားအောက်ဆုံးရောက် အသင်းဟာ တရာသီကို ပေါင် ၉၉ သန်း၊ ဗိုလ်စွဲတဲ့ အသင်းက ပေါင်သန်း ၁၅၀ အထိ ရရှိကြမှာပါ။
6 years Ago

July 13, 2015

လီဗာပူး တိုက်စစ်မှူး စတာလင်း မန်စီးတီးသို့ ပြောင်းရွှေ့

တိုက်စစ်မှူး စတာလင်းရဲ့ အပြောင်းအရွှေ့အတွက် လီဗာပူးအသင်းနဲ့ မန်ချက်စတာစီးတီးအသင်းတုို့ သဘောတူညီချက် ရသွားပါတယ်။ လီဗာပူးက စတာလင်းကုို ထုတ်ရောင်းဖို့အတွက် ပြောင်းရွှေ့ကြေး ပေါင် ၄၉ သန်းနဲ့ သဘောတူလုိုက်တာပါ။ လောလောဆယ်မှာ စတာလင်းဟာ စာချုပ် အပြီးသတ် ညှိနှိုင်းဖို့နဲ့ ဆေးစစ်မှု ခံယူဖုို့အတွက် လုပ်ဆောင်နေပါတယ်။ အခု ပြောင်းရွှေ့ကြေးဟာ အင်္ဂလိပ်ဘောလုံးသမားတွေထဲမှာတော့ ဈေးအကြီးဆုံး ကစားသမားအဖြစ် မှတ်တမ်းဝင်သွားပါတယ်။ အသက် ၂၀ အရွယ် တိုက်စစ်မှူးက အန်ဖီးလ်ကလပ်ကနေ ပြောင်းချင်ကြောင်း ပြောဆိုထားသလို မန်စီးတီးကလည်း ပြီးခဲ့တဲ့လထဲမှာ ၂ ကြိမ်အထိ ကမ်းလှမ်းထားပါတယ်။ အင်္ဂလန် တိုက်စစ်မှူး စတာလင်းရဲ့ လီဗာပူးနဲ့ စာချုပ်သက်တမ်းဟာ ၂၀၁၇ မှာ ကုန်ဆုံးမှာ ဖြစ်ပြီး အသင်းက ၁ ပတ်ကို လုပ်ခလစာ ပေါင် ၁ သိန်းနဲ့ ကမ်းလှမ်းခဲ့ပေမယ့် ကာယကံရှင်ကတော့ ပယ်ချခဲ့ပါတယ်။ သူဟာ အသင်းပြောင်းမယ်လုိ့ နည်းပြနဲ့ အမှုဆောင် အရာရှိချုပ်တို့ကို ပြောဆိုပြီး နောက်ပိုင်းမှာ ဝေဖန်မှုတွေ ခံနေရပါတယ်။ မေဂျာလိဂ်ကို ပြောင်းသွားတဲ့ စတီဗင် ဂျာရတ်ကလည်း စတာလင်းရဲ့ ဆုံးဖြတ်ချက်အပေါ်မှာ စိတ်ပျက်ကြောင်း ပြောဆိုထားပါတယ်။ လီဗာပူးမှာ ခြေစွမ်းပြနေတဲ့ တိုက်စစ်မှူးဟာ ပြီးခဲ့တဲ့ ပရီးမီးယားလိဂ် ရာသီမှာ ၃၅ ပွဲ ကစားခွင့် ရထားပြီး ၇ ဂိုး သွင်းယူထားပါတယ်။
6 years Ago
Up