စစ်အာဏာရှင်ဆန့်ကျင်ရေး

May 31, 2022

သင်္ဃန်းကျွန်းတွင် စစ်တပ်ကကားဖြင့်တိုက်ပြီး ကျောင်းသား ၅ ဦးထက်မနည်းကို ဖမ်းဆီး

ရန်ကုန်တိုင်း၊ သင်္ဃန်းကျွန်းမြို့နယ်မှာ မေ ၃၀ ရက်က စစ်အာဏာရှင်ဆန့်ကျင်ရေး ငြိမ်းချမ်းစွာဆန္ဒပြတဲ့ သပိတ်စစ်ကြောင်းကို စစ်ကောင်စီတပ်က ကားနဲ့တိုက်ပြီး အကြမ်းဖက် ဖမ်းဆီးခဲ့ပါတယ်။

ကျောင်းသားသမဂ္ဂအဖွဲ့ဝင်တဦးက “ခွေးပါးစပ်ထဲက တိုင်းပြည်ကို ရအောင်ပြန်ယူမယ်ဆိုတဲ့ စာသားပါ ပိုစတာကိုင်ဆွဲပြီး ကျောင်းသားသမဂ္ဂနဲ့ မဟာမိတ်အဖွဲ့တွေ ဆန္ဒပြချိန်မှာ စစ်ကောင်စီတပ်သားတွေ အိမ်စီးကားနဲ့နောက်ကဝင်တိုက်ဖမ်းဆီးခဲ့လို့ ကျောင်းသား ၅ ဦးထက်မနည်းဖမ်းဆီးခံခဲ့ရတာ”လို့ ဒီဗွီဘီကို ပြောပါတယ်။

အတည်ပြုလို့ရသလောက် အနည်းဆုံး ၅ ယောက်လောက်ပါသွားပြီး ဘယ်သူတွေ ပါသွားတယ်ဆိုတာတော့ မသိရသေးဘူးလို့ဆိုပါတယ်။

သပိတ်စစ်ကြောင်းကို အိမ်စီးကားနဲ့ နောက်ကဝင်တိုက်ပြီး ဖမ်းဆီးသွားတဲ့ ကျောင်းသားတွေကို ဘယ်နေရာကိုဖမ်းဆီးသွားတယ်ဆိုတာ ခုထိ မသိရသေးပါဘူး။

၂၀၂၁ ခုနှစ်၊ ဒီဇင်ဘာ ၅ ရက်နေ့ကလည်း စစ်အာဏာရှင်ဆန့်ကျင်ရေး ဆန္ဒပြသူတွေကို စစ်ကောင်စီ တပ်သားတွေက ကားနဲ့တိုက် ဖမ်းဆီးခဲ့ဖူးပါတယ်။

4 weeks Ago

May 16, 2022

ကလေးမြို့တွင်းတနေရာတွင် စစ်အာဏာရှင်ဆန့်ကျင်ရေး ဆန္ဒပြ (ဓာတ်ပုံ)

စစ်ကိုင်းတိုင်း ကလေးမြို့မှာ မေလ ၁၆ ရက်နေ့က ကလေးမြို့ပင်မသပိတ်အင်အားစု သပိတ်အဖွဲ့ဝင်‌တွေ စု‌ပေါင်းပြီး မြို့တွင်းတနေရာမှာ စစ်အာဏာရှင်ဆန့်ကျင်ရေး လှုပ်ရှားမှုပြုလုပ်ခဲ့ကြပါတယ်။

ကလေးမြို့မှာ စစ်ကောင်စီ သပိတ်အဖွဲ့ဝင်တွေကို ဖမ်းဆီးစစ်ဆေးမှုတွေ ပြုလုပ်နေပြီး အဖွဲ့ဝင်တွေရဲ့ နေအိမ်တွေကို ရိုက်ထုဖျက်ဆီးတဲ့ကြားကနေ အခက်အခဲအမျိုးမျိုး‌နဲ့ နေအိမ်စွန့်ခွာပြီး လုပ်ဆောင်နေကြရတာပါ။

ဆန္ဒပြလှုပ်ရှားမှုမှာပါဝင်တဲ့ သပိတ်ကော်မတီဝင်တဦးက “စစ်ကောင်စီက တော်လှန်ရေးမှာ ပါဝင်တဲ့ တပ်သားတွေရဲ့ မိသားစုဝင်တွေအပေါ် ဖမ်းဆီးတာတွေနဲ့ပတ်သက်ပြီး ကန့်ကွက်ရှုတ်ချကြောင်း၊ မိဘပြည်သူတွေအနေနဲ့ ဂရုစိုက်နေထိုင်ကြဖို့နဲ့ မိဘပြည်သူတွေအနေနဲ့ ပြည်သူ့တော်လှန်ရေးတပ်သားတွေနဲ့ ပူးပေါင်းပါဝင်ပြီး လှူဒါန်းပေးကြဖို့” ဟောပြောခဲ့ပါတယ်။

ကလေးမြို့ပင်မသပိတ်အင်အားစုဟာ “ပြည်သူအထက်မှာ ဘယ်သူမှမရှိစေရ၊ အာဏာရှင်စနစ်အောက်မှာအသက်ရှင်မဲ့အစား အသက်နဲ့ရင်းပြီးတော်လှန်နေမယ်" စတဲ့ စာတန်းတွေ ကိုင်ဆွဲကေ လူအင်အားအများအပြားနဲ့ စစ်အာဏာရှင်စနစ်ကို ကန့်ကွက်သပိတ်မှောက်ခဲ့ကြပါတယ်။

ကလေးမြို့ပင်မသပိတ်ဟာ စစ်အာဏာရှင်စနစ်ကို သပိတ်မှောက်နေတာ ဒီနေ့နဲ့ဆို ရက်ပေါင်း ၄၆၃ ရက်ရှိခဲ့ပြီလည်း ဖြစ်ပါတယ်။

စစ်အာဏာရှင်ရဲ့ ​ခေတ်အဆက်ဆကေ ဖိနှိပ်ချုပ်ချယ်မှုတွေ အပြီးတိုင်ချုပ်ငြိမ်းသွားစေဖို့ မိဘပြည်သူတွေအနေနဲ့ ငြိမ်ခံမနေဘဲ လမ်းမပေါ် တက်ကာ အလံနဲ့အသံကြားရာအရပ်ကနေ သပိတ်အဖွဲ့ဝင်တွေနဲ့ ပူးပေါင်းပါဝင်ကြဖို့ လေးမြို့ပင်မသပိတ်အင်အားစုအဖွဲ့ဝင်တွေက တိုက်တွန်းလိုက်ပါတယ်။

1 month Ago
More News
Up