ကချင်ပြည်နယ် ပူတာအိုခရိုင်အတွင်းက စစ်အာဏာရှင် ကျဆုံးရေး ဆန့်ကျင်ဆန္ဒထုတ်ဖော်နေတဲ့ သပိတ်စစ်ကြောင်းက လူငယ်အယောက် ၄၀ ဖမ်း၀ရမ်းထုတ်ခံရတယ်လို့ ပူတာအိုဒေသခံတွေက ပြောပါတယ်။

ဧပြီ ၁၅ ရက်နေ့က ပူတာအိုအတွင်းရှိ အကြမ်းဖက်စစ်ကောင်စီ တပ်ဖွဲ့၊  ပြည်သူ့စစ်အဖွဲ့နဲ့ ဒေသခံလူကြီးတစ်ချို့က ပူတာအိုသပိတ်စစ်ကြောင်းက တက်ကြွလူငယ်များ အယောက် ၄၀ အား ဖမ်းဆီးဖို့ ဖမ်း၀ရမ်းထုတ်ခဲ့တာလို့ ဆိုပါတယ်။

ပူတာအိုမှာ ဝိုင်ဖိုင်လိုင်းနဲ့ PSI စလောင်းတွေ အကုန်ဖျက်သိမ်းပြီး သတင်းအမှောင်ချကာ တက်ကြွလူငယ်တွေအား မတရာဖမ်းဆီးဖို့ ကြံစည်ခဲ့တာဖြစ်ပြီး ဖမ်း၀ရမ်းထုတ်ခံရတဲ့ လူငယ်တချို့ အချိန်မီတိမ်းရှောင်နိုင်ခဲ့တယ်လို့ သိရပါတယ်။ 

ပူတာအိုသပိတ်စစ်ကြောင်းက မတရားဖမ်းဆီးခံရသူ ၆ ယောက်အနက် ဖမ်းဆီးထိန်းသိမ်းခံရသူ ကိုဆိုင်းလင်းအောင်က ဒီနေ့ချိန်ထိ ပြန်မလွတ်လာသေးကြောင်း သိရပါတယ်။

စစ်အာဏာရှင်စနစ် ကျဆုံးရေးအတွက်  ကရင်အမျိုးသားအစည်းအရုံး (ကေအန်ယူ) တပ်မဟာ  ၅ ၊ ဖာပွန်(မူတြော်)ခရိုင်က တိုင်းရင်းသားဒေသခံ ပြည်သူ ၁၀၀၀၀ ကျော်ဟာ  မတ်လ ၅ ရက် မနက်က သပိတ်စစ်ကြောင်း နှစ်ကြောင်းခွဲကာ ကရင်ပြည်နယ်၊ ဖာပွန်မြို့နဲ့၊ ကမမောင်းမြို့တွေမှာ  ငြိမ်းချမ်းစွာ လှည့်လည်ဆန္ဒပြခဲ့ပါတယ်။

ဆန္ဒပြပွဲကို တပ်မဟာ ၅ ထိန်းချုပ်နယ်မြေဖြစ်တဲ့ ဘူးသိုမြိုနယ်နဲ့ ဒွယ်လိုးမြို့နယ်အတွင်းက ဒေသခံတိုင်းသားတွေက ဝှေ့မှုံကျေးရွာသပိတ်စစ်ကြောင်းနဲ့ချီတက်ခဲ့ပြီး  ဖာပွန်မြို့နဲ့ ဝါးသိုးခိုကျေးရွာသပိတ်စစ်ကြောင်းက မြို့ခံပြည်သူနဲ့ ကမမောင်းမြို့တွင်းနဲ့ ဖာပွန်မြို့တွင်းမှာ ချီတက် ဆန္ဒပြခဲ့ကြတာပါ။

ဆန္ဒပြရာမှာ ဗမာလူမျိုးကြီးဝါဒနဲ့ စစ်အာဏာရှင်စနစ် ကျဆုံးရေး၊ ၂၀၀၈ ဖွဲ့စည်းပုံအခြေခံဥပဒေ ဖျက်သိမ်းရေး၊ ကမ္ဘာ့ကုလသမဂ္ဂအဖွဲ့ဝင်နိုင်ငံတွေက ဗမာ့တပ်မတော်နဲ့ ပူးပေါင်းမပါဝင်ရေး၊ ဖမ်းဆီးထားတဲ့ ခေါင်းဆောင်တွေနဲ့ ဆန္ဒပြပြည်သူတွေကို ပြန်လွှတ်ပေးရေးစတဲ့ အချက် ၇ ချက်ကို တောင်းဆိုကြွေးကြော်ကာ ဆန္ဒပြခဲ့တာပါ။  

စစ်အာဏာရှင် ကျဆုံးရေး ဆန္ဒပြသပိတ်စစ်ကြောင်း ချီတက်ရာ လမ်းကြောင်းတလျှောက် ဆန္ဒပြပြည်သူတွေ ငြိမ်းချမ်းစွာဆန္ဒပြနိုင်ဖို့အတွက် ကေအန်ယူ တပ်မဟာ ၅ လက်အောက်ခံ တပ်ဖွဲ့ဝင်တွေက အနီးကပ်လုံခြုံရေးနဲ့ လမ်းကြောင်းလုံခြုံရေးတွေ ရယူပေးခဲ့ပါတယ်။