စစ်ရေးလေ့ကျင့်မှု

A d v e r t i s e m e n t With Us

January 14, 2021

အီရန်၏ ပြည်တွင်းဖြစ် ရဟတ်ယာဉ်တင်သင်္ဘော စစ်ရေးလေ့ကျင့်မှုတွင် ထုတ်ဖော်ပြသ

အီရန်ရေတပ်ဟာ သူ့ရဲ့ ပြည်တွင်းဖြစ် ရဟတ်ယာဉ်တင်သင်္ဘောကို အိုမန် ပင်လယ်ကွေ့ထဲ က အီရန်ကမ်းရိုးတန်းကမ်းလွန်ရေပြင် စစ်ရေးလေ့ကျင့်မှုပြုလုပ်စဉ်  ဇန်နဝါရီ ၁၃ ရက်က ထုတ်ပြလိုက်ပါတယ်။ မတ်ခ်ရန် လို့ခေါ်တဲ့ ဒီသင်္ဘောဟာ အိန္ဒိယသမုဒ္ဒရာ၊ ဘဘ်အယ်လ်မာဒက်ဘ် ရေလက်ကြားနဲ့ ပင်လယ်နီမြောက်ပိုင်းဒေသ အစိတ်အပိုင်းတွေက စစ်ဆင်ရေးတွေအတွင်း ရေတပ် သင်္ဘောစုနဲ့ အတူ ပူးပေါင်းဖို့ စီစဉ် ထားပါတယ်။  ဒီသင်္ဘောကို အီရန်စစ်တပ် စစ်ဦးစီးအရာရှိချုပ် ဗိုလ်ချုပ်ကြီး ဘာဟီရီက စစ်ဆေးပါတယ်။ အီရန်ရေတပ်ဟာ ဒုံးကျည် ပစ်လွှတ်နိုင်ပြီး မြန်နှုန်းမြင့် ခုတ်မောင်းနိုင်တဲ့ ဇေရာလို့ ခေါ်တဲ့ စစ်သင်္ဘောကိုလည်း တပ်ဖြန့်ရာမှာ တာဝန်ပေးခဲ့ပါတယ်။ ဒီသင်္ဘောဟာ အော်တိုမက်တစ် ဒုံးကျည်တွေ အမြောက်တွေကို တပ်ဆင်ထားပြီး အီရန်ရေတပ် ပညာရှင်တွေက တည်ဆောက်ထားတာလည်း ဖြစ်ပါတယ်။
2 months Ago

January 7, 2021

အီရန်စစ်ရေးလေ့ကျင့်မှုအတွင်း စစ်ဘက်သုံး ဒရုန်းယာဉ်များကို ပစ်ခတ်ပြ 

အီရန်နိုင်ငံ ဆမ်နန်ခရိုင်မှာ တိုက်ခိုက်ရေးဆိုင်ရာ စစ်ရေးလေ့ကျင့်မှု မစခင် အီရန် အစိုးရက စစ်ဘက်သုံး ဒရုန်းယာဉ်တွေကို ဇန်နဝါရီ ၅ ရက်က ထုတ်ပြခဲ့ပါတယ်။ ခင်းကျင်းပြသထားတဲ့ ဒရုန်းယာဉ်တွေကို အီရန်စစ်တပ် စစ်ဦးစီးအရာရှိချုပ်က ကြည့်ရှု သုံးသပ်ခဲ့ပါတယ်။ စစ်ရေးလေ့ကျင့်မှု ဒုတိယနေ့ဖြစ်တဲ့ ဇန်နဝါရီ ၆ ရက်မှာတော့ ဒရုန်းယာဉ်တွေ ပျံသန်းပြီး စစ်တပ်သုံး ဒုံးကျည်တွေ ပစ်လွှတ် စမ်းသပ်ခဲ့တာကို ရုပ်သံက ပြသပါတယ်။  အီရန်နဲ့ သူကျောထောက်နောက်ခံ ပေးထားတဲ့ ဒေသတွင်းစစ်တပ်တွေဟာ ယီမင်၊ ဆီးရီးယား၊ အီရတ်နဲ့ ပင်လယ်ကွေ့အဝမှာရှိတဲ့ ဟော်မုဇ်ရေလက်ကြားတို့မှာ လတ်တလော နှစ်တွေအတွင်း ဒရုန်းယာဉ်တွေကို အားကိုးမှု ပိုတိုးလာနေတယ်လို့ ရိုက်တာသတင်းဌာနက ဖော်ပြပါတယ်။
2 months Ago
Up