စစ်ရေးလေ့ကျင့်

November 21, 2022

တောင်ကိုရီးယားနှင့် အမေရိကန် လေကြောင်း စစ်ရေးလေ့ကျင့်

မြောက်ကိုရီးယားက ပစ်လွှတ်ခဲ့တဲ့ ဒုံးကျည် (ICBM) ကို တုံ့ပြန်တဲ့အနေနဲ့ နိုဝင်ဘာ ၁၈ ရက်က တောင်ကိုရီးယားနဲ့ အမေရိကန်တို့ လေကြောင်းကနေ ပူးတွဲစစ်ရေးလေ့ကျင့်ခဲ့ပါတယ်။

တောင်ကိုရီးယားစစ်တပ်က ပေးပို့ထားတဲ့ ရုပ်သံထဲမှာ တောင်ကိုရီးယား F-35A တိုက်လေယာဉ်တွေနဲ့ အမေရိကန် F-16 ဂျက်လေယာဉ် တွေဟာ ကိုရီးယားကျွန်းဆွယ် အရှေ့ဘက်ကမ်းရိုးတန်းမှာ ပျံသန်းနေပြီး မြောက်ကိုရီးယားရဲ့ ဒုံးကျည်ပစ်လောင်ချာလို ရွေ့လျားပစ်မှတ်တွေကို အတုယူရင်း ပစ်ခတ်လေ့ကျင့်နေတာကို ပြသခဲ့ပါတယ်။

မြောက်ကိုရီးယားက ပိုသေးတဲ့ ဒုံးကျည်တွေ ပစ်လွှတ်အပြီး ဒေသတွင်းလုံခြုံရေးကို မြှင့်တင်ဖို့ အမေရိကန်ကို စစ်ရေးအရ ပြင်းပြင်းထန်ထန် တုံ့ပြန်မယ်လို့ သတိပေးအပြီး တရက်အကြာမှာ မြောက်ကိုရီးယားက ICBM ဒုံးကျည်ကို ပစ်လွှတ်ခဲ့တာလို့ တောင်ကိုရီးယားနဲ့ ဂျပန်တာဝန်ရှိသူတွေက အစီရင်ခံ တင်ပြထားပါတယ်။

ဒုံးကျည်ဟာ အမြင့်ပေ ၆,၁၀၀ ကီလိုမီတာကို ရောက်ရှိခဲ့ပြီး မတ် ၂၂  ရက်က ရောက်ခဲ့တဲ့ အမြင့်ဆုံးအမြန်နှုန်းနဲ့ ကီလိုမီတာ ၁,၀၀၀ အကွာအဝေးကို ပျံသန်းခဲ့တယ်လို့ တောင်ကိုရီးယား စစ်တပ်က ခန့်မှန်းခဲ့ပါတယ်။

နျူးကလီးယားဖြုတ်သိမ်းရေး ဆွေးနွေးပွဲတွေကို ရပ်ဆိုင်းထားပြီးတဲ့နောက် ၂၀၁၇ ခုနှစ်နောက်ပိုင်း ပထမဆုံးအကြိမ်အဖြစ် ICBM တွေကို နိုဝင်ဘာ ၁၈ ရက်က ပစ်လွှတ်ပြီး မြောက်ကိုရီးယားက ပြန်စမ်းသပ်ခဲ့တာပါ။

မြောက်ကိုရီးယားရဲ့  တာဝေးပစ် ဒုံးကျည်လွှတ်တင်ရေး အစီအစဉ်အတွက် ကိုယ်တိုင် တရားဝင် ဆိုင်းငံ့ချက်ကို ပြန်ချိုးဖောက်ခဲ့တာလည်း ဖြစ်ပါတယ်။

1 week Ago

November 11, 2022

ရိုမေးနီးယားတွင် နေတိုးအဖွဲ့ဝင်နိုင်ငံများ စစ်သည်အင်အားထောင်ချီပါဝင် စစ်ရေးလေ့ကျင့်

ရိုမေးနီးယားနိုင်ငံ အလယ်ပိုင်းမှာ မြောက်အတ္တလန္တိတ် စစ်ရေးမဟာမိတ်အဖွဲ့ (နေတိုး) အဖွဲ့ဝင် နိုင်ငံတွေက စစ်သားတွေ နိုဝင်ဘာ ၉ ရက်က စစ်ရေးလေ့ကျင့်ခဲ့ပါတယ်။

ရိုမေးနီးယား၊ အမေရိကန်၊ ဒတ်ခ်ျနဲ့ ပြင်သစ်တို့ဟာ ရိုမေးနီးယားမြို့တော် ဘူချာရက်စ်ကနေ ၁၆၄ မိုင်ဝေးတဲ့ စင်ကူအရပ်ကနေ ‘Justice Sword’ လေ့ကျင့်ခန်းရဲ့ တစိတ်တပိုင်းအဖြစ် စစ်ရေး ပါဝင်လေ့ကျင့်ခဲ့ပါတယ်။

ဒီစစ်ရေးလေ့ကျင့်မှုမှာ စစ်သား ၁,၂၀၀ လောက် ပါဝင်ခဲ့ပြီး သံချပ်ကာ သယ်ဆောင်သူတွေ၊ (APCs)၊ တင့်ကားတွေ၊ လေးတဲ့အမြောက်တွေ၊ ဒုံးကျည်တွေနဲ့ ဒရုန်းတွေကိုသုံးပြီး စစ်ဆင်ရေးတွေ လုပ်ဆောင်ခဲ့ပါတယ်။

Justice Sword လေ့ကျင့်ခန်းကို အောက်တိုဘာ ၂၇ ရက်က စတင်ခဲ့ပြီး နိုဝင်ဘာ ၁၁ ရက်မှာ ပြီးဆုံးမှာပါ။

နေတိုးအဖွဲ့ဝင်တွေဟာ ဖေဖော်ဝါရီ ၂၄ ရက်မှာ ရုရှားက ယူကရိန်းကို မကျူးကျော်မီ ယူကရိန်းနဲ့ နယ်နိမိတ်တလျှောက် ရုရှားရဲ့ စစ်ရေးတည်ဆောက်မှုကို တုံ့ပြန်တဲ့အနေ ဥရောပ အရှေ့ဘက်ခြမ်းမှာရှိတဲ့ နိုင်ငံတွေဆီကို တပ်ဖွဲ့ဝင်တွေ စေလွှတ်ခဲ့ပါတယ်။

ရိုမေးနီးယားနိုင်ငံဟာ ၂၀၀၄ ခုနှစ်ကတည်းက နေတိုးအဖွဲ့ဝင်နိုင်ငံ ဖြစ်လာခဲ့ပြီးနောက် ရိုမေးနီးယားနိုင်ငံထဲမှာ ပြင်သစ် ဦးဆောင်တဲ့ နိုင်ငံစုံ မြေပြင်တပ်ဖွဲ့လည်းဖြစ်တဲ့ နေတိုးတပ်ဖွဲ့ဝင် အယောက် ၄,၀၀၀ အထိ ရှိနေပါတယ်။

3 weeks Ago
More News
Up