စစ်တပ်ယာဉ်တန်း

October 16, 2021

မြောင်မြို့နယ်တွင် စစ်တပ်ယာဉ်တန်း မိုင်းဆွဲခံရ၊ ဗိုလ်မှူး ၁ ဦးနှင့် တပ်ဖွဲ့ဝင် ၁၅ သေဆုံး

စစ်ကိုင်းတိုင်း၊ မြောင်မြို့နယ်၊ ကင်းလမ်းခွဲမှာ အောက်တိုဘာ ၁၆ ရက် မနက် ၉ နာရီခွဲလောက်က   စစ်ကိုင်းဘက်ကနေလာတဲ့ စစ်ကောင်စီရဲ့ ယာဉ် ၃ စီးကို မိုင်းဆွဲတိုက်ခိုက်တယ်လို့ မြောင်မြို့နယ် ပြည်သူ့ကာကွယ်ရေးအထူးတပ်ဖွဲ့ (MSPDF)က  ကြေညာပါတယ်။

“မြောင်မြို့ပေါ်ကို အင်အားဖြည့်ဖို့ ဝင်လာတဲ့စစ်ကား ၃ စီးကို မိုင်းဆွဲတိုက်ခိုက်ခဲ့တယ်ဗျ။ အကျဆုံးကတော စစ်ကောင်စီဘက်က ဗိုလ်မှူးအဆင့်တစ်ယောက်ကျမယ်။ တပ်သား ၁၅ ဦးကျဆုံးမယ်”လို့  MSPDF တပ်မှ  ကိုတိုက်ဂါးက ပြောပါတယ်။

အခုလိုမိုင်းဆွဲတိုက်ခိုက်ရာမှာ မြောင်မြို့နယ် ပြည်သူ့ကာကွယ်ရေးအထူးတပ်ဖွဲ့ ၊ 27 Revolution Force (မြင်းခြံ) အဖွဲ့နဲ့ မဟာမိတ်ညီနောင်တွေ ပူးပေါင်းပြီး ပဒေသာမိုင်း ၃ လုံးတွဲနဲ့ ဆီးကြိုမိုင်းဆွဲ တိုက်ခိုက်ခဲ့တယ်လို့ ထုတ်ပြန်ချက်မှာဖော်ပြထားပါတယ်။

အဆိုပါမိုင်းဆွဲတိုက်ခိုက်မှုကြောင့်   စစ်ကား ၂ စီး  ပျက်စီးသွားပြီး ကျန်ကားတွေပေါ်ကနေ လက်နက်ငယ်တွေနဲ့  ပြန်ပစ်ခတ်နေချိန် ဒေသခံပြည်သူကာကွယ်ရေးတပ်တွေ အကျဆုံးမရှိ ဆုတ်ခွာလာခဲ့တယ်လို့  သိရပါတယ်။

4 days Ago

October 4, 2021

ရန်ကုန်-ပုသိမ်လမ်းမကြီး အဝေးပြေးကားကွင်းအနီး စစ်တပ်ယာဉ်တန်း ဗုံးခွဲတိုက်ခိုက်ခံရ

ရန်ကုန်-ပုသိမ် လမ်းမကြီး ရဲတပ်ရင်း ၉ နှင့် အဝေးပြေးကားကွင်းကြားမှာ အောက်တိုဘာ ၃ရက် ည ၈ နာရီ ၂၀ မိနစ်လောက်က အကြမ်းဖက်စစ်ကောင်စီယာဉ်တန်း ဗုံးခွဲတိုက်ခိုက်ခံရတယ်လို့ ဒေသခံတွေဆီက သိရပါတယ်။

အကြမ်းဖက် စစ်ကောင်စီယာဉ်တန်းအား Myanmar Defense Force (MDF-Yangon) နဲ့ Civil Guerrilla Force (CGF-HTY) တို့ ပူးပေါင်းဗုံးခွဲတိုက်ခိုက်ခဲ့တာဖြစ်ပြီး စစ်ကောင်စီတပ်က ၄ ဦးထက်မနည်း ဒဏ်ရာပြင်းထန်စွာရရှိခဲ့တယ်လို့ ထုတ်ပြန်ထားပါတယ်။

Myanmar Defense Force (MDF-Yangon) အနေနဲ့ မိတ်ဖက် တော်လှန်ရေးအဖွဲ့အစည်းတွေနဲ့ လက်တွဲပြီး စစ်ကောင်စီအား အရှိန်မြှင့်ကာ ဆက်လက်ခုခံ တိုက်ခိုက်သွားမယ်လို့ ဆိုပါတယ်။

မြို့နေ ပြည်သူတွေအနေနဲ့ အကြမ်းဖက်တပ်ဖွဲ့ဝင်တွေနဲ့ အတတ်နိုင်ဆုံး ဝေးဝေးနေပေးကြဖို့၊ NUG အစိုးရက အကြံပြုထားတဲ့ အရေးပေါ်အခြေအနေ လမ်းညွှန်ချက်များအတိုင်း ကြိုတင်ပြင်ဆင်နေထိုင်ကြဖို့ မေတ္တာရပ်ခံထားပါတယ်။

အောက်တိုဘာ ၁ ရက်ကလည်း ရန်ကုန်မြို့ လှိုင်သာယာမြို့နယ် ဘုရားလမ်းမီးပွိုင့်ရှိ ယာဉ်ထိန်းရဲရုံးမှာ တပ်စွဲထားတဲ့ အကြမ်းဖက်စစ်ကောင်စီတပ်ကို ပူးပေါင်းအဖွဲ့က ပစ်ခတ်တိုက်ခိုက်ခဲ့ပြီး အကြမ်းဖက်စစ်ကောင်စီဘက်က ၂ ဦး သေဆုံးပြီး ၇ ဦးခန့် ထိခိုက်ဒဏ်ရာရရှိခဲ့တယ်လို့ ဆိုပါတယ်။

ရန်ကုန်တိုင်း၊ လှိုင်သာယာမြို့နယ်၊ အမှတ် ၁၊ ကနောင်မင်းသားကြီးလမ်း၊ ရွှေလင်ပန်းစက်မှုဇုန်အနီးရှိ Denko Co., Ltd နှင့် Gold Delta Co., Ltd ရုံးတို့မှာလည်း အောက်တိုဘာ ၃ ရက် ညနေ ၆ နာရီလောက်က ဗုံးဖောက်ခွဲခံရပြီး သတိပေးတဲ့အနေနဲ့ ဗုံးခွဲတိုက်ခိုက်ခဲ့တာလို့ Free Tiger Ranger က ထုတ်ပြန်ထားပါတယ်။

Denko နဲ့ Gold Delta တို့က ဗိုလ်မှူး၊ ဗိုလ်ချုပ်တွေနဲ့ ဝန်ထမ်းတွေဟာ အကြမ်းဖက်စစ်ကောင်စီအား ထောက်ခံသတင်းပေးတာနဲ့ အခြေခံပြည်သူတွေရဲ့ လိုအပ်ချက်ဖြစ်တဲ့ စက်သုံးဆီ ဈေးနှုန်းကစားနေတာကြောင့် ပထမအကြိမ် သတိပေးတိုက်ခိုက်တာလို့ ဆိုပါတယ်။

အဲဒီလုပ်ရပ်တွေကို ရပ်တန်းက ရပ်ဖို့နဲ့ မရပ်ပါက ပိုင်ဆိုင်မှုတွေကို ပြင်းထန်စွာတိုက်ခိုက် ဖျက်ဆီးသွားမယ်လို့ Free Tiger Ranger လှိုင်သာယာမြို့နယ်အဖွဲ့ခွဲက သတိပေးထားပါတယ်။

အောက်တိုဘာ ၂ ရက်ကလည်း ရန်ကုန်တိုင်း၊ ရန်ကင်းမြို့နယ်အခွန်ရုံးကို Free Tiger Ranger အဖွဲ့က လက်လုပ်မိုင်းနဲ့ ဗုံးခွဲတိုက်ခိုက်ခဲ့တယ်လို့ ဆိုပါတယ်။

2 weeks Ago
More News
Up