စစ်တပ်က ပစ်သတ်

November 19, 2021

ပခုက္ကူမြို့နယ်တွင် ပြည်သူ ၁ ဦးကို စစ်တပ်က ပစ်သတ်

မကွေးတိုင်း၊ ပခုက္ကူမြို့နယ်၊ ကျပ်တိုးကျေးရွာအုပ်စု၊ အနောက်တောကျေးရွာက ဒေသခံရွာသား ၁ ဦးကို နိုဝင်ဘာ ၁၈ ရက် ည ၉ နာရီဝန်းကျင်မှာ အကြမ်းဖက်စစ်ကောင်စီတပ်သားတွေက ပစ်သတ်သွားတယ်လို့ သိရပါတယ်။ 

သေဆုံးသွားသူ အသက် ၅၀ ကျော်အရွယ် ဦးမြင့်ဝင်းဟာ အနောက်တောရွာသားဖြစ်ပြီး နေအိမ်ရှေ့ကလမ်းမှာ လမ်းလျှောက်နေစဉ် ပစ်ခတ်သွားတာလို့ ဒေသခံတွေဆီက သိရပါတယ်။

မိသားစုနဲ့နီးစပ်သူ တဦးက ''ဦးလေးက သူ့ဘာသာသူအေးအေးဆေးဆေးလမ်းလျှောက်နေတာ စစ်သားနဲ့ရဲတွေပါတဲ့ လှည့်ကင်းအဖွဲ့က လှမ်းပစ်သွားတာ။ ဆုံးသွားပြီဗျာ'' လို့ ပြောပါတယ်။

ဦးမြင့်ဝင်းရဲ့ ရုပ်အလောင်းကို သူနေထိုင်ရာ အနောက်တောကျေးရွာသုသာန်မှာ ဒီကနေ့ညပိုင်း သင်္ဂြိုဟ်မယ်လို့ သိရပါတယ်။

2 weeks Ago

May 12, 2021

ကနီမြို့နယ် သမင်ခြံရွာတွင် စိတ်ဝေဒနာရှင် ၁ ဦးကို စစ်တပ်က ပစ်သတ်

စစ်ကိုင်းတိုင်း ကနီမြို့နယ် သမင်ခြံရွာမှာ   မေလ ၁၁ ရက် ညက အကြမ်းဖက် စစ်တပ်က  သေနတ်နဲ့ ပစ်သတ်ခဲ့တာကြောင့် စိတ်ဝေဒနာရှင် ရွာသားတစ်ဦး သေဆုံးသွားတယ်လို့ ဒေသခံတွေက ပြောပါတယ်။

သေဆုံးသွားသူဟာ စိတ်ဝေဒနာ ခံစားနေရတဲ့ အသက် ၃၅ နှစ်အရွယ် ကိုကျော်မြင့်ဖြစ်တယ်လို့ ရွာသားတွေ ထံကနေ သိရပါတယ်။

သေဆုံးသူရဲ့ ဆွေမျိုးတော်စပ်သူ တစ်ဦးက “ ကျနော်တို့ ကျေးရွာ  အထက်တန်းကျောင်းထဲ စစ်တပ်က တပ်စွဲထားတာဗျ။ ဖြစ်တာက မနေ့ညကပါ။ တပ်စွဲတာကို ပြန်ကြတော့လို့ အော်ပြော လို့သေနတ်နဲ့ ပစ်တာ။ စိတ်ဝေဒနာသည်ဆိုတော့ ပြောချင်တာပြောတာပေါဗျာ။ ပစ်တာကတော့ အတော်များတယ်ဗျ။ ထိမှန်တာက ပေါင်တစ်ချက်၊ ခါးတစ်ချက်နဲ့ ဦးခေါင်းတစ်ချက်မှန်တယ်” လို့ ဒီဗွီဘီကို ပြောပါတယ်။

ကနီမြို့နယ်အတွင်း အာဏာသိမ်းစစ်ကောင်စီတပ်တွေနဲ့ ပြည်သူ့ကာကွယ်ရေးတပ်တွေအကြား ပြီးခဲ့တဲ့ရက်တွေက တိုက်ပွဲပြင်းထန်ဖြစ်ပွားခဲ့ကာ နှစ်ဖက်အကျဆုံးတွေရှိနေပါတယ်။ 

လက်ရှိအချိန်မှာလည်း ဇီးပင်တွင်းရွာနဲ့ ၂၇ မိုင် ယာကြီး၊ ကလေးဝလမ်းတွေဘက်မှာလည်း တိုက်ပွဲဖြစ်ပွားနေတယ်လို့ ဒေသခံရွာသားတွေရဲ့ ပြောပြချက်အရ သိရပါတ

7 months Ago
Up