စစ်တပ်ကပစ်ခတ်

August 20, 2021

ရေးမြို့ ၌ စစ်ဆေးတာလက်မခံဘဲ ထွက်ပြေးသူတစ်ဦးကို စစ်တပ်ကပစ်ခတ်

မွန်ပြည်နယ်  ရေးမြို့ ရွှေဆံတော် ဘုရားရှေ့မှာ သြဂုတ် ၁၉ ရက်နေ့ ည ၉ နာရီခွဲလောက်က စစ်တပ် နဲ့ ရဲတွေက  မသင်္ကာတဲ့သူတွေကို စစ်ဆေးရာမှာ ပစ်ခတ်တာတွေ လုပ်ခဲ့တယ်လို့ ဒေသခံတွေက ပြောပါတယ်။

လမ်းသွားပြည်သူတွေကို တားဆီးစစ်ဆေးတာတွေလုပ်ပြီး ဆိုင်ကယ်စီးလာတဲ့ ပြည်သူတစ်ဦး ရပ်တန့်မပေးတာကြောင့် သေနတ်နဲ့ပစ်ခတ်ခံခဲ့ရပေမယ့် တစုံတရာ ထိခိုက်မှုမရှိဘဲ ထွက်​ပြေး လွတ်မြောက်ခဲ့တယ်လို့ မြို့ခံတဦးက ပြောပါတယ်။

အာဏာသိမ်းစစ်ကောင်စီက လူစုလူဝေးတွေမလုပ်ဖို့ ညမထွက်ရ အမိန့်ကို ည ၈ နာရီက မနက် ၄ နာရီအထိ သတ်မှတ်ထားကာ ည ၈ နာရီကျော်ပါက စစ်ဆေး ဖမ်းဆီးတာတွေ ပြုလုပ်နေတာလို့ ဆိုပါတယ်။

ပြီးခဲ့တဲ့ ရက်တွေက စစ်ကောင်စီ သတင်းပေး အသတ်ခံရပြီးတဲ့နောက် လုံခြုံရေး ပိုမိုတင်းကျပ်လာသလို ရေးမြို့ ပြည်သူ့ကာကွယ်ရေးတပ်ဖွဲ့ PDF က အခုရက်ပိုင်းတွေမှာ ပြောက်ကျား စစ်ဆင်ရေး လှုပ်ရှားမယ်လို့ ပြည်သူတွေကို အသိပေးထားပါတယ်။

4 months Ago

August 10, 2021

ဖလမ်းမြို့၌ စစ်တပ်ကပစ်ခတ်သဖြင့် အမျိုးသမီး ၁ ဦး သေဆုံး၊ ကိုယ်ဝန်ဆောင်အပါအဝင် ၂ ဦး ဒဏ်ရာရ

ချင်းပြည်နယ်၊ ဖလမ်းမြို့၊ လုံပီး(လုံးရန်)ရပ်ကွက်မှာ ဩဂုတ် ၁၀ ရက်  မနက်ပိုင်းက စစ်တပ်က အကြောင်းမဲ့ သေနတ်နဲ့ ပစ်ခတ်ခဲ့တာကြောင့် နေအိမ်တအိမ်တွင်းရှိနေတဲ့အမျိုးသမီး တစ်ယောက်  ရင်ဘတ်မှာ ကျည်ထိမှန်သေဆုံးခဲ့တယ်လို့ ချင်းအမျိုးသားအဖွဲ့ချုပ်က သတင်းထုတ်ပြန်ပါတယ်။

ဒါ့အပြင် ဖလမ်းမြို့ကနေ တလန်ရောန်ကျေးရွာကို ဆေးကုသပြီးပြန်လာတဲ့ ဆိုင်ကယ်ကို အကြမ်းဖက်စစ်‌ကောင်စီတပ်က သေနတ်နဲ့ ပစ်ခတ်ခဲ့လို့ဆိုင်ကယ်နောက်က စီးလာတဲ့  ကိုယ်ဝန်ဆောင်မိခင်ရဲ့ပေါင်မှာ သေနတ်ဒဏ်ရာရှိခဲ့ပြီး တင်‌ဆောင်လာတဲ့ အမျိုးသားကိုလည်း ဖမ်းဆီးထားပါတယ်။

အလားတူ ဖလမ်းမြို့နယ်၊ ဇာလိုင်ကျေးရွာမှာနေထိုင်တဲ့ အဘွားအို ၁ ဦးလည်း ကျည်ထိမှန်ထားပြီး အသက်အန္တရာယ်စိုးရိမ်ရတဲ့ အ‌ခြေအနေရှိနေကာ ကျေးရွာတွေမှာလည်း အပြစ်မဲ့ပြည်သူ‌တွေကို စစ်တပ်က ဖမ်းဆီးခေါ်ဆောင်သွားတယ်လို့  ထုတ်ပြန်ချက်မှာ ဖော်ပြထားပါတယ်။

ဩဂုတ် ၉ ရက် မနက်ပိုင်းက စလို့ ဖလမ်းမြို့၊ လုံပီး(လုံရန်) ရပ်ကွက်အတွင်းနဲ့ စစ်ကောင်စီတပ် ခလရ(၂၆၈)အနီးမှာ လက်နက်ကြီး၊ လက်နက်ငယ်တွေနဲ့ ဆက်တိုက်ပစ်ခတ်မှုတွေ ရှိခဲ့ပါတယ်။

ဒါ့ကြောင့် မိဘပြည်သူတွေ အနေနဲ့ ဖလမ်း-ရိဒ်၊ ဖလမ်း-ဟားခါး လမ်းကို ခရီးသွားလာခြင်း မပြုကြဖို့ ချင်းအမျိုးသားအဖွဲ့ချုပ်၊ သတင်းပြန်ကြားရေးနှင့် ပြည်သူ့ဆက်ဆံရေးဌာနက အသိပေးထားပါတယ်။

4 months Ago
More News
Up