စစ်ကောင်စီအကြမ်းဖက်အဖွဲ့

October 10, 2021

NUG နှင့် CRPH ကို အသိအမှတ်ပြု ဆက်ဆံနေသည့် နိုင်ငံများကို စစ်ကောင်စီအကြမ်းဖက်အဖွဲ့က ကန့်ကွက်

အမျိုးသားညီညွတ်ရေးအစိုးရ NUG နဲ့ CRPH အဖွဲ့ကို အသိအမှတ်ပြု ဆက်ဆံနေတဲ့ နိုင်ငံခြားသံရုံးတွေ၊  ကုလသမဂ္ဂရုံးတွေနဲ့ သက်ဆိုင်ရာနိုင်ငံတွေက အာဏာပိုင်တွေကို   ပြင်းထန်စွာ ကန့်ကွက်တဲ့အကြာင်း စစ်ကောင်စီအကြမ်းအဖက်အဖွဲ့ရဲ့  နိုင်ငံခြားရေးဌာနက အောက်တိုဘာ ၉ ရက်မှာ ကြေညာ ပါတယ်။ 

ပြည်သူလူထုရဲ့အာဏာအပ်နှင်းချက်အရ တရားဝင်ဖွဲ့စည်းထားတဲ့ အမျိုးသားညီညွတ်ရေးအစိုးရ NUG နဲ့ CRPH  တို့ကို အသိအမှတ်ပြုထောက်ခံတဲ့အကြောင်း ဥရောပပါလီမန်၊ ပြင်သစ်လွှတ်တော်၊ ဂျပန်လွှတ်တော် တို့ကဆုံးဖြတ်ကြေညာထားသလို ကုလသမဂ္ဂမှာလည်း NUG အစိုးရ ကိုယ်စားလှယ် သံမတ်အကြီး ဦးကျော်မိုးထွန်းကိုကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ်အဖြစ် ဆက်လက်အသိအမှတ်ပြုခံထားတာပါ။

ဒါအပြင်  အာဆီယံနိုင်ငံတချို့ရဲ့ နိုင်ငံခြားရေးဝန်ကြီးတွေကလည်း NUG အစိုးရနဲ့ ဆက်သွယ်ဆွေးနွေးဖို့အဆင်သင့်ရှိကြောင်းနဲ့ အခုလအတွင်းကျင်းပဖို့ရှိတဲ့ အာဆီယံထိပ်သီးညီလာခံမှာ မြန်မာအာဏာသိမ်းစစ်ခေါင်းဆောင်ကို  မဖိတ်ခေါ်ဖို့အထိ ပြောလာကြတဲ့ အချိန်မှာ စစ်ကောင်စီ ဘက်က ခုလိုထုတ်ပြန်လိုက်တာပါ။  

စစ်ကောင်စီနိုင်ငံခြားရေးရဲ့ ကြေညာချက်မှာတော့ ပြည်ပနိုင်ငံတွေရဲ့ အစိုးရ တာဝန်ရှိသူတွေ၊ လွှတ်တော်အမတ်တွေအနေနဲ့ NUG၊ CRPH နဲ့ ထိတွေ့ဆက်သွယ်တာ၊ အကြမ်းဖက်အုပ်စုတွေကို သက်ဆိုင်ရာနိုင်ငံတွေမှာ ရုံးခန်းဖွင့်လှစ်ခွင့်ပြုတာစတဲ့ လုပ်ရပ်တွေဟာ အကြမ်းဖက်ဝါဒကို အားပေးရာရောက်တဲ့အပြင်  မြန်မာနိုင်ငံမှာ စစ်မှန်ပြီးစည်းကမ်း ပြည့်ဝတဲ့ ပါတီစုံ ဒီမိုကရေစီစနစ် တည်ဆောက်ရေးအတွက်  ကြိုးပမ်းအားထုတ်မှုတွေကို ထိခိုက်စေကာ အချုပ်အခြာအာဏာပိုင်နိုင်ငံတစ်နိုင်ငံရဲ့ ပြည်တွင်းရေးကို ဝင်ရောက် စွက်ဖက် ရာရောက်တယ်လို့ ဖော်ပြထားပါတယ်။

NUG၊ CRPH ဆက်စပ်အဖွဲ့တွေကို ထိတွေ့ဆက်သွယ်ခြင်းမပြုဖို့၊ ထောက်ခံအားပေးခြင်းမပြုဖို့ ထပ်မံသတိပေးတဲ့ အကြောင်းနဲ့ နိုင်ငံတကာအသိုက်အဝန်း အနေနဲ့ အကြမ်းဖက်ဝါဒနဲ့ အစွန်းရောက်ဝါဒတို့ကို လျစ်လျူမရှူဖို့လည်း စစ်ကောင်စီက တိုက်တွန်းထားပါတယ်။

ကုလသမဂ္ဂနဲ့ အာဆီယံအပါအဝင် နိုင်ငံတကာအသိုက်အဝန်းက မြန်မာနိုင်ငံမှာ အကြမ်းဖက်မှု တွေရပ်တန့်ဖို့တောင်းဆိုနေပေမဲ့ စစ်ကောင်စီတပ်တွေကတော့ မြန်မာနိုင်ငံတဝန်း အထူးသဖြင့် ကချင်၊ ချင်း၊ ကယား ပြည်နယ်နဲ့  စစ်ကိုင်းတိုင်းနဲ့ မကွေးတိုင်းတွေမှာ ရွာတွေကို မီးရှို့ ၊ ပြည်သူတွေကို ဖမ်းဆီးသတ်ဖြတ် အကြမ်းဖက်မှုတွေ နေ့စဉ် ဆက်လက်ပြုလုပ်နေပါတယ်။ 

မြန်မာနိုင်ငံမှာ တရားမဝင် အာဏာသိမ်းကာလ ၈ လကျော်အကြာ  စစ်ကောင်စီတပ်တွေရဲ့ အကြမ်းဖက်  ပစ်ခတ်သတ်ဖြတ်မှုကြောင့် အပြစ်မဲ့ကျဆုံးပြည်သူပေါင်း ၁၁၆၁ ယောက်ထိ ရှိလာခဲ့ပြီလို့ နိုင်ငံရေး အကျဉ်းသားများ ကူညီစောင့်ရှောက်ရေးအသင်း(အေအေပီပီ)က ထုတ်ပြန်ထားတယ်။

PHOTO-MOFA

2 months Ago

September 9, 2021

စစ်ကောင်စီအကြမ်းဖက်အဖွဲ့၏ အခြေစိုက်တပ်စခန်း ၂ ခုကို KNU နှင့် KNDO တို့က သိမ်းပိုက်

စစ်ကောင်စီအကြမ်းဖက်အဖွဲ့ရဲ့  အခြေစိုက်တပ်စခန်း ၂ ခုကို ကရင်အမျိုးသားအစည်းအရုံး (ကေအန်ယူ) နဲ့ KNDO တို့က ပူးပေါင်းတိုက်ခိုက် သိမ်းပိုက်လိုက်တယ်လို့ ကေအန်ယူ ဗဟိုက  စက်တင်ဘာလ ၉ ရက် ဒီကနေ့ ကြေညာပါတယ်။ 

ကေအန်ယူတပ်မဟာ ၃ နဲ့ တပ်မဟာ ၅ အကြားက ကဘောတူအရပ်ဒေသက အာဏာသိမ်းစစ်ကောင်စီရဲ့ တပ်စခန်း ၂ ခုကို ကေအန်ယူတပ်မဟာ ၃ က ကရင်အမျိုးသားကာကွယ်ရေးတပ်မတော် (KNDO)  တပ်ရင်း ၃ တပ်ဖွဲ့နဲ့  ကေအန်ယူ တပ်မဟာ ၅ က တပ်ဖွဲ့တွေ ပူးပေါင်းပြီး ဒီနေ့ မနက် ၄ နာရီအချိန်ခန့်က တိုက်ခိုက်သိမ်းပိုက်လိုက်တာလို့ဆိုပါတယ်။

အဲဒီတပ်စခန်းတွေကို သိမ်းပိုက်ခံရပြီးနောက်  အာဏာသိမ်း စစ်ကောင်စီက တိုက်ပွဲဖြစ်ခဲ့တဲ့နေရာအနီးတဝိုက်နဲ့ မူတြော်ခရိုင်က ယယ်မူပလောကျေးရွာကို လေယာဥ်နဲ့ လာရောက်ကြည့်ရှု ထောက်လှမ်းခဲ့တယ်လို့လည်း ဆိုပါတယ်။

အဆိုပါတိုက်ပွဲဖြစ်စဉ် နဲ့ ထိခိုက်ကျဆုံးမှုတွေနဲ့ ပတ်သက်ပြီး အသေးစိတ် ဆက်လက်ဖော်ပြသွားမယ်လို့လည်း  ကေအန်ယူ ထုတ်ပြန်ချက်မှာဖော်ပြထားပါတယ်။

 အကြမ်းဖက်စစ်ကောင်စီဘက်ကတော့ အဆိုပါတိုက်ပွဲနဲ့ ပတ်သက်ပြီး သတင်းထုတ်ပြန်တာ မရှိသေးပါဘူး။ 

3 months Ago
More News
Up