စစ်ကောင်စီခန့် အုပ်ချုပ်ရေးမှူး

October 13, 2021

ချောင်းဆုံမြို့က စစ်ကောင်စီခန့် အုပ်ချုပ်ရေးမှူး ၁ ဦး ပစ်သတ်ခံရ

မွန်ပြည်နယ်၊ ဘီလူးကျွန်း၊ ချောင်းဆုံမြို့ အနောက်ပိုင်းရပ်ကွက် အုပ်ချုပ်ရေးမှူး တဦး အောက်တိုဘာ ၁၂ ရက် ညနေပိုင်းမှာ သေနတ်နဲ့ ပစ်သတ်ခံခဲ့ရတယ်လို့ ဒေသခံတွေက ဒီဗွီဘီကို ပြောပါတယ်။

ဒေသခံတွေပြောဆိုချက်အရ စစ်ကောင်စီခန့် အုပ်ချုပ်ရေးမှူး ဦးအောင်ကို အမျိုးသမီးတစ်ဦးက ထောက်ခံစာလာလုပ်တဲ့ ဟန်ဆောင်ပြီး နေအိမ်မှာ သေနတ်ဖြင့် ပစ်သတ်သွားခဲ့တာ ဖြစ်ပါတယ်။

စစ်ကောင်စီခန့် အုပ်ချုပ်ရေးမှူး ဦးအောင်ဟာ သေနတ် ပစ်ခတ်ခံရပြီးနောက် ညာဘက်ရင်အုံ သေနတ်ဒဏ်ရာ တစ်ချက် ရရှိခဲ့ပြီး ချောင်းဆုံမြို့နယ်ပြည်သူ့ဆေးရုံသို့ ပို့ဆောင်စဉ် သေဆုံးသွားခဲ့တာ ဖြစ်ပါတယ်။

အုပ်ချုပ်ရေးမှူး ဦးအောင်ဟာ စစ်ကောင်စီကို ထောက်ခံအားပေးနေတဲ့အတွက်ကြောင့် သုတ်သင်ရှင်းလင်းရတာလို့ ယက္ခဒီပ (BLDF) အဖွဲ့က ထုတ်ပြန်ပါတယ်။

ဒါ့အပြင် စစ်ကောင်စီကို ထောက်ပံ့အားပေးမှုတွေ ပြုလုပ်နေတဲ့ ဘယ်ဝန်ထမ်းကို မဆို သက်ညှာမှာ မဟုတ်ဘူးလို့ ယက္ခဒီပ (BLDF) အဖွဲ့က သတိပေးထားပါတယ်။

စစ်ကောင်စီခန့် အုပ်ချုပ်ရေးမှူး သေဆုံးပြီးနောက် ဒီကနေ့ အောက်တိုဘာ ၁၃ ရက်နေ့ မနက်ပိုင်းကစပြီး စစ်ကောင်စီတပ်ဖွဲ့ဝင်တွေ ချောင်းဆုံမြို့ရဲ့ နေရာအများစုမှာ ပိတ်ဆို့ရှာဖွေ စစ်ဆေးတာတွေ ဆက်တိုက်လုပ်နေတယ်လို့ ဒေသခံတွေက ပြောပါတယ်။

4 days Ago

October 12, 2021

လောင်းလုံးမြို့နယ်တွင် စစ်ကောင်စီခန့် ကျေးရွာအုပ်ချုပ်ရေးမှူး ၁ ဦးပစ်သတ်ခံရ

တနင်္သာရီတိုင်း၊ ထားဝယ်ခရိုင်၊ လောင်းလုံးမြို့နယ် မောင်းမကန်ကျောက်ဆင်ကျေးရွာမှာ အောက်တိုဘာ ၁၁ ရက် ညနေပိုင်းက ကျေးရွာ အုပ်ချုပ်ရေးမှူးတယောက် သေနတ်နဲ့ ၄ ချက် ပစ်သတ်ခံခဲ့ရပါတယ်။

စစ်ကောင်စီက ခန့်အပ်ထားတဲ့ ကျေးရွာအုပ်ချုပ်ရေးမှူး  ရီဦးဟာ နေအိမ်ကို ဆိုင်ကယ်နဲ့ ပြန်လာစဉ် အိမ်အနီးနားမှာပဲ ပစ်ခတ်သတ်ဖြတ်ခံခဲ့ရတာလို့ ဒေသခံတွေကပြောပါတယ်။

“အရင် အုပ်ချုပ်ရေးမှူးထွက်သွားတော့ သူ့ကို အုပ်ချုပ်ရေးမှူးဆိုပြီး စကစ က ခန့်ထားတာ။ ညနေ ၄ နာရီခွဲလောက် ဆိုင်ကယ်နဲ့ အိမ်ပြန်လာတုန်း အနောက်ကဆိုင်ကယ်နဲ့လိုက်ပြီး သေနတ်နဲ့ ၄ ချက်ပစ်သွားလို့ သေပြီ” လို့ ဒေသခံတစ်ဦးက ပြောပါတယ်။ 

အမည်မသိ  သေနတ်သမားက  ပစ်သတ်ခဲ့လို့ သေဆုံးတဲ့ အုပ်ချုပ်ရေးမှူး ရီဦးဟာ ကျေးရွာမှာ  ဒလန် အဖြစ် သတ်မှတ်ခံထားရသူတစ်ဦးဖြစ်ပြီး ကျေးရွာအတွင်းက စစ်အာဏာရှင် ဆန့်ကျင်သူတွေကို  စစ်ကောင်စီကို ခေါ်ဖမ်းခိုင်းခဲ့သူတစ်ဦးလည်း ဖြစ်ပါတယ်။

စက်တင်ဘာ ၉ ရက်နေ့ကလည်း သဘော့ဆိပ်ကျေးရွာအုပ်ချုပ်ရေးမှူး ဇော်မျိုးဦးကို အမည်မသိအဖွဲ့က သေနတ်နဲ့ ပစ်ခတ်ခဲ့လို့ သေဆုံးခဲ့ပါသေးတယ်။

ရီဦး သေဆုံးပြီးနောက် စစ်ကောင်စီတပ်ဖွဲ့ဝင်တွေရောက်ရှိလာပြီး သေနတ်ပစ်ခံရတဲ့ နေရာအနီးမှာ စုံစမ်းစစ်ဆေးမေးမြန်းမှုတွေပြုလုပ်နေပါတယ်။

4 days Ago
More News
Up