စစ်ကောင်စီကား

October 2, 2021

ထားဝယ်အထူးစီးပွားရေးဇုန်အနီး စစ်ကောင်စီကားတစ်စီး မိုင်းဆွဲတိုက်ခိုက်ခံရ

တနင်္သာရီတိုင်း ထားဝယ်အထူးစီးပွားရေးဇုန်သွားရာလမ်း၊ ခမောင်းချောင်းနဲ့ ပုဂေါဇွန်းလမ်းဆုံမှာ  အောက်တိုဘာ ၁ ရက် ညနေ ၄ နာရီလောက်က စစ်ကောင်စီ ကားတစ်စီး မိုင်းဆွဲတိုက်ခိုက်ခံရတယ်လို့ ဒေသခံတွေက ပြောပါတယ်။

“ကားက လမ်းဘေးကို လွင့်ထွက်သွားတယ်။ သွေးတွေလည်း အများကြီးပဲ တွေ့လိုက်တယ်။ အ‌ခြေအနေက စိုးရိမ်ရတဲ့သဘောမှာ ရှိတယ်” လို့ မျက်မြင်တချို့က ပြောပါတယ်။

အောက်တိုဘာ ၁ ရက်က ရေနက်ဆိပ်ကမ်းရဲစခန်း စခန်းမှူးဟာ ခေါ်နေကျ ဒလန်တစ်ဦး၊   သာမန်ရဲတပ်သား နောင်ရဲနဲ့ ကျော်သက်​ထွေးတို့ကိုပါ တင်ခေါ်ပြီး ထားဝယ်မြို့ကို သွားစဉ် လမ်းခရီးမှာ အခုလို မိုင်းနင်းမိတာပါ။ 

ထားဝယ်ပြောက်ကျားတော်လှန်ရေးတပ်ဖွဲ့ (DGRF) က ရက်အတော်ကြာစောင့်ကြည့်ပြီး စခန်းမှူး သွားနေကျလမ်းမို့လို့ အခုလို ရှော့တိုက်မိုင်းဆွဲခဲ့တာလို့ ပြောပါတယ်။

မိုင်းဆွဲတဲ့အပြင် လက်ပစ်ဗုံးတွေနဲ့ပါ ထပ်ပစ်တာကြောင့် ဒလန်နဲ့ ရဲတပ်သားတစ်ဦးကတော့ အခင်းဖြစ်နေရာမှာ သေဆုံးသွားပြီး စခန်းမှူးနဲ့ ရဲတပ်သားတစ်ယောက်ကတော့ ဆေးကုသမှု ခံယူနေရတယ်လို့ ဆိုပါတယ်။ 

အဆိုပါ မိုင်းနင်းခံရ‌တဲ့ကားမှာ မတ်လက အဖမ်းခံရတဲ့ နဘုလယ်ဒေသက  ကျန်းမာရေးမှူးရဲ့ကား ဖြစ်ပြီး ရေနက်ဆိပ်ကမ်းရဲစခန်းက စခန်းမှူးဟာ အဲဒီကားကို ယူသုံးနေတာလို့ သိရပါတယ်။ 

စခန်းမှူးဟာ ရွာထဲ ကင်းလှည့်ချိန်နဲ့ တခြားအကြောင်းကိစ္စရှိတိုင်း သွားလေ့ရှိတယ်လို့ ဒေသခံတွေက ပြောပါတယ်။

3 weeks Ago

September 21, 2021

စစ်ကောင်စီကားကို ကံမ PDF က မိုင်းခွဲတိုက်ခိုက်၊ ၂ ဦး ဒဏ်ရာရ

မကွေးတိုင်းဒေသကြီး ကံမမြို့နယ်မှာ စက်တင်ဘာ ၁၉ ရက်နေ့က ကံမ PDF က စစ်ကောင်စီတပ်သားတွေ လိုက်ပါလာတဲ့ကားကို မိုင်းခွဲတိုက်ခိုက်ရာ ၂ ယောက် ဒဏ်ရာရရှိ သွားတယ်လို့ PDF တပ်ဖွဲ့ကနေ သိရပါတယ်။

ကံမမြို့နယ် ရေနံသာနဲ့ ကျောက်ပန်းတောင်းကြားမှာ အကြမ်းဖက်စစ်ကောင်စီတပ်သား ၁၈ ယောက်လောက် လိုက်ပါလာတဲ့ ဖောကားတစ်စီးကို ကံမ PDF က မိုင်းခွဲတိုက်ခိုက်ခဲ့ရာ စစ်ကောင်စီတပ်သား ၂ ယောက်ဒဏ်ရာရပြီး ကားအင်ဂျင်ပါ ထိခိုက်ပျက်စီးသွားတယ်လို့ ဆိုပါတယ်။

ဒါအပြင် အကြမ်းဖက်စစ်အုပ်စုတွေဟာ အင်အား ၃၀ လောက်နဲ့ ကျောက်စောင်းကျေးရွာ စာသင်ကျောင်းမှာ စက်တင်ဘာ ၁၇ ရက်နေ့ကတည်းက တပ်စွဲထားပြီး အပြစ်မဲ့ပြည်သူတွေကို ဖမ်းဆီးတာတွေ ပြုလုပ်နေတယ်လို့ ကျောက်စောင်းရွာခံတစ်ယောက်က ပြောပါတယ်။

ကျောက်စောင်းကျေးရွာက နေအိမ်တွေကို ဝင်ရောက်မွှေနှောက်ကာ အမျိုးသမီးတစ်ဦး အပါဝင် ၁၃ ယောက်ကို ဖမ်းဆီးပြီး ရေနံ့သာရဲစခန်းကို ချုပ်နှောင်ထားတာ ဒီနေ့အထိ ပြန်မလွတ်သေးဘူးလို့ ဆိုပါတယ်။

အကြမ်းဖက်စစ်တပ်ဟာ ရွာရဲ့ လမ်းမတွေမှာ နေရာယူထားသလို နေအိမ်မှာကျန်ခဲ့တဲ့ ကလေးငယ်တွေကိုလည်း အပြင်ကိုမထွက်ဖို့ ဓားစာခံအဖြစ် တားမြစ်ထားသလို ဒေသခံပြည်သူ တစ်ချို့  ဘေးလွတ်ရာကို ထွက်ပြေးတိမ်းရှောင်နေကြရတယ်လို့ သိရပါတယ်။

1 month Ago
Up