စစ်ကိုင်းမြို့နယ်

November 27, 2021

စစ်ကိုင်းမြို့နယ်၌ ဆိုင်ကယ်စီးလူငယ် ၂ ဦးကို ရဲက ဖမ်းဆီးပြီး သတ်ပစ်မည်ဟု ခြိမ်းခြောက် ငွေညှစ်

စစ်ကိုင်းတိုင်း၊ စစ်ကိုင်းမြို့နယ်မှာ   ရွာသား လူငယ်နှစ်ယောက်ကို ဆိုင်ကယ်နှစ်ယောက်တွဲစီးတာကြောင့်  ရှိမ်းမကားရဲစခန်းကနေ  ဖမ်းဆီးပြီး  ငွေကျပ်  သိန်း ၃၀ နဲ့  ပြန်ရွေးခိုင်းခဲ့တယ်လို့ ဒေသခံတွေထံက သိရပါတယ်။

ဖမ်းဆီးခံရသူတွေဟာ စစ်ကိုင်းမြို့နယ်၊ စဉ့်ကိုင်ကျေးရွာသားနဲ့ ကျောက်တာကျေးရွာသားလို့သိရပြီး   နိုဝင်ဘာ ၂၃ ရက်နေ့က ဆိုင်ကယ်နှစ်ယောက်တွဲ စီးနင်းကာ ကျောက်တာကျေးရွာကို ခရိုင်ချင်းဆက်လမ်းပေါ်ကနေ ကူးသန်းသွားလာကြစဉ် စစ်ကောင်စီတပ်က ဖမ်းဆီးသွားခဲ့တာပါ။

လူငယ် နှစ်ယောက်ကို  ရှိမ်းမကားရဲစခန်းကိုခေါ်ဆောင်ကာ   နိုဝင်ဘာ ၂၆ ရက်က  ခြိမ်းခြောက် ငွေတောင်းခဲ့တာလို့ ဒေသခံက ပြောပါတယ်။

“ရဲစခန်းက ဖမ်းဆီးခံရတဲ့သူတွေရဲ့ အိမ်ကိုဆက်သွယ်ပြီး ပိုက်ဆံ ကျပ်သိန်း ၃၀ နဲ့ လာရွေးခိုင်းတယ်။ သူတို့နှစ်ဦးကို လာမရွေးရင် သတ်ပစ်မယ်လို့လည်း ခြိမ်းခြောက်တယ်။ သူတို့နှစ်ဦးရဲ့ မိသားစုဝင်တွေက ပိုက်ဆံ ကျပ်သိန်း ၃၀ ပေးပြီး ရှိမ်းမကားရဲစခန်းကနေ ရွေးခဲ့ရတယ်”လို့ ဒေသခံတစ်ဦးက ပြောပါတယ်။

အာဏာသိမ်း စစ်ကောင်စီဟာ နိုဝင်ဘာလကစပြီး တနိုင်ငံလုံးအတိုင်းအတာနဲ့  အမျိုးသား ၂ ယောက်အတူတွဲပြီး ဆိုင်ကယ်မစီးဖို့အပါအဝင် ဆိုင်ကယ်စီးနင်းမှုနဲ့ ပတ်သက်လို့ ကန့်သတ် တားမြစ်ချက်တွေကို အမျိုးမျိုးထုတ်ပြန်ထားခဲ့ပြီး မလိုက်နာသူတွေကို သေနတ်နဲ့ ပစ်ခတ်ဖမ်းဆီးတဲ့အထိ လုပ်ဆောင်နေကြတာဖြစ်ပါတယ်။

6 days Ago

October 27, 2021

စစ်ကိုင်းမြို့နယ်တွင် စစ်ကောင်စီယာဉ်တန်း မိုင်းဆွဲတိုက်ခိုက်ခံရ

စစ်ကိုင်းမြို့နယ် နတ်ခရိုင်ရွာအရှေ့ဘက်မှာ အောက်တိုဘာ ၂၇ ရက် မနက် ၆ နာရီခွဲကျော်က စစ်ကောင်စီယာဉ်တန်း မိုင်းဆွဲတိုက်ခိုက်ခံခဲ့ရပါတယ်။

မုံရွာဘက်ကနေ စစ်ကိုင်းဘက်ကိုလာတဲ့ စစ်ကောင်စီယာဉ် ၉ စီးကို အာဏာရှင်စနစ်တိုက်ဖျက်ရေးပြည်သူ့တပ်ဖွဲ့ (PAFD) က မိုင်းဆွဲတိုက်ခိုက်ခဲ့တာလို့ သိရပါတယ်။

“နတ်ခရိုင် ရွာနားမှာ မုံရွာဘက်ကနေ လာတဲ့ ယာဉ်တန်းကို ကြားဖြတ်ပြီး မိုင်းဆွဲတိုက်ခိုက်ခဲ့တာ။ ကျနော်တို့ ဘက်က ဘာထိခိုက်မှုမှ မရှိဘဲ ဆုတ်ခွာနိုင်ခဲ့တယ်” လို့ အာဏာရှင်စနစ်တိုက်ဖျက်ရေးပြည်သူ့တပ်ဖွဲ့ (PAFD) အဖွဲ့ဝင် တစ်ဦး က ပြောပါတယ်။

မိုင်းဆွဲတိုက်ခိုက်မှုကြောင့် စစ်ကောင်စီတပ်သား အထိအခိုက်ရှိနိုင်ပြီး ဘယ်လောက် ထိခိုက်တယ်ဆိုတာကို မသိရသေးပါဘူး။

ယာဉ်တန်း မိုင်းဆွဲတိုက်ခိုက်ခံရမှုကြောင့် စစ်ကောင်စီရဲ့ လက်နက်ကိုင်တပ်တွေက သေနတ်နဲ့ အချက် ၃၀ ထက်မနည်း ပစ်ခတ်ခဲ့တယ်လို့ သိရပါတယ်။

1 month Ago
More News
Up