စစ်ကိုင်းတိုင်းအစိုးရ

February 12, 2021

စစ်ကိုင်းတိုင်းအစိုးရက ဝန်ထမ်းများကို အစိုးရမဖွဲ့ခင်ကာလအထိ ရုံးပိတ်ရက်ခွင့်အဖြစ်သတ်မှတ်

အာဏာအသိမ်းခံခဲ့ရတဲ့ စစ်ကိုင်းတိုင်းအစိုးရက ဖေဖော်ဝါရီ ၁၁ ရက်နေ့ကစလို့ ဌာနဆိုင်ရာတွေကို တာရားဝင်ရုံးပိတ်ရက်အဖြစ် ကြေညာချက်ထုတ်ပြန်လိုက်ပါတယ်။

တိုးအစိုးရရဲ့ လက်အောက်ခံ ဌာန၊ အဖွဲ့အစည်းအားလုံးက ဝန်ထမ်းတွေအားလုံးကို အစိုးရမဖွဲ့ခင်ကာလအထိ ရုံးပိတ်ရက်ခွင့်အဖြစ်သတ်မှတ်ပေးခဲ့တာလို့   ဝန်ကြီးချုပ်ကိုယ်စား တိုင်းဥပဒေချုပ်ဦးခင်မောင်လှက လက်မှတ်ရေးထိုးကြေညာလိုက်တာပါ။

ဖေဖော်ဝါရီ ၁ ရက်နေ့မှာ တပ်မတော်က ဥပဒေမဲ့ အာဏာသိမ်းယူပြီးနောက် ဖွဲ့စည်းပုံ အခြေခံဥပဒေကို လိုရာဆွဲ အဓိပ္ပါယ်ဖွင့်ပြီး နိုင်ငံတော်အာဏာကို သိမ်းယူခဲ့တယ်လို့ ဆိုပါတယ်။

အဲဒီလို သိမ်းယူခဲ့တဲ့အတွက် နိုင်ငံဝန်ထမ်းအလွှာအသီးသီးနဲ့ ပြည်သူလူထုတွေမှာ အခက်အခဲ ကြုံနေရပါတယ်။

အာဏာသိမ်း တပ်မတော်အစိုးရလက်အောက်မှာ ဆောင်ရွက်လိုခြင်း မရှိတဲ့အတွက် အာဏာဖီဆန်ရေးလှုပ်ရှားမှု (CDM) အပါအဝင် နည်းမျိုးစုံနဲ့ ဆန့်ကျင်နေကြတဲ့ နိုင်ငံဝန်ထမ်းတွေကို မှတ်တမ်းတင် ဂုဏ်ပြုကြောင်း ဖော်ပြထားပါတယ်။

တပ်မတော်က အာဏာသိမ်းယူတာဟာ ဥပဒေမဲ့ပြုကျင့်ခြင်းဖြစ်တဲ့အတွက် တရားမဝင်တဲ့အတွက် တိုင်းဒေသကြီးအစိုးရဲ့အဖွဲ့ ဥပဒေပုဒ်မ ၂၉ မှာ ပြဋ္ဌာန်းထားတဲ့ ဥပဒေကိုကျင့်သုံးပြီး အခုလို ထုတ်ပြန်တာလို့ ဆိုပါတယ်။

လက်ရှိမှာတော့ စစ်ကိုင်းတိုင်းအတွင်း အာဏာရှင်အလိုမရှိကြောင်း ပြည်သူတွေက နေ့စဉ်ရက်ဆက် ဆန္ဒပြနေကြပြီး ဌာနဆိုင်ရာ ဝန်ထမ်းတွေလည်း ပူးပေါင်း ပါဝင်နေကြတာပါ။

အောင်ဆန်းမြင့်

4 months Ago

October 2, 2020

စစ်ကိုင်းတိုင်းအစိုးရ စည်ပင်ဝန်ကြီးနှင့်တာဝန်ရှိသူအချို့ ကွာရန်တင်းဝင်

ကိုဗစ်-၁၉ လူနာတွေနဲ့ ထိတွေ့မှုရှိခဲ့တာကြောင့် စစ်ကိုင်တိုင်း‌‌၊ စည်ပင်သာယာရေးဝန်ကြီး ဦးမြင့်ကြည်အပါအဝင် တိုင်းအစိုးရ တာဝန်ရှိသူတချို့ ကွာရန်တင်း ဝင်နေရတယ်လို့ ကာယကံရှင်ဖြစ်သူက အောက်တိုဘာ ၁ ရက်နေ့ညမှာ ဒီဗွီဘီကို ပြောပါတယ်။  ပြီးခဲ့တဲ့ ရက်ပိုင်းက ရန်ကုန်ကနေလာပြီး မုံရွာမြို့၊ ချင်းတွင်းတံတားအနီးမှာ ရပ်နားထားတဲ့ ကားသမားတွေကို စည်ပင်သာယာရေးဝန်ကြီး ဦးမြင့်ကြည်အပါဝင် စစ်ကိုင်းတိုင်းဒေသကြီး အစိုးရအဖွဲ့မှ တာဝန်ရှိသူတွေ သွားရောက်စစ်ဆေးပြီး ကွာရန်တင်းဝင်ခိုင်းခဲ့ပါတယ်။  အဲ့ဒီကားသမားတွေထဲက ၇ ယောက်မှာ ကိုဗစ်-၁၉ ရောဂါပိုးတွေ့တယ်ဆိုပြီး သိရတာကြောင့် သွားရောက်စစ်ဆေးခဲ့တဲ့ စည်ပင်ဝန်ကြီး ဦးမြင့်ကြည်အပါဝင် အုပ်ချုပ်ရေးပိုင်း တာဝန်ရှိသူတချို့ ကွာရန်တင်းဝင်ရတာ ဖြစ်ပါတယ်။   မုံရွာမြို့ရှိ ဟိုတယ်တခုမှာ ကွာရန်တင်း ဝင်နေတဲ့ စစ်ကိုင်းတိုင်း‌ဒေသကြီးစည်ပင်ဝန်ကြီး ဦးမြင့်ကြည်က “အောက်တိုဘာ ၂ ရက်နေ့ မနက် ၈ နာရီမှာ ကျနော်အပါအဝင် ကုန်တင်ကားတွေကို သွားစစ်တုန်း လိုက်ပါခဲ့တဲ့ အစိုးရအဖွဲ့မှ တာဝန်ရှိသူအားလုံးကို swab ယူစစ်ဆေးသွားမယ်” လို့ ပြောပါတယ်။  အောက်တိုဘာ ၁ ရက်နေ့အထိ စစ်ကိုင်းတိုင်းဒေသကြီးရှိ မြို့နယ်ပေါင်း ၃၇ မြို့နယ်ထဲက ၂၂ မြို့နယ်မှာ ကိုဗစ်အတည်ပြုလူနာစုစု‌ပေါင်း ၈၁ ဦးရှိပြီး အဲဒီထဲက ၁၂ ဦးက‌တော့ ရောဂါပျောက်ကင်းလို့ ဆေးရုံကနေ ဆင်းခွင့်ပြုထားပြီ ဖြစ်ပါတယ်။  သတင်း- ပြည့်ဖြိုး
9 months Ago
More News
Up