စစ်ကိုင်းတိုင်းလွှတ်တော် ၄ လကြာသည်အထိ ပြန်မစနိုင်သေး

December 14, 2020

စစ်ကိုင်းတိုင်းလွှတ်တော် ပုံမှန်အစည်းအဝေး ပြန်လည်ကျင်းပ

ဒုတိယအကြိမ် စစ်ကိုင်းတိုင်းဒေသကြီးလွှတ်တော် နောက်ဆုံးအစည်းအဝေးအဖြစ် ၂၅ ကြိမ်မြောက် ပုံမှန်အစည်းအဝေးကို ဒီဇင်ဘာလ ၁၄ ရက် မနက်ပိုင်းက ပြန်လည် စတင်ကျင်းပခဲ့ပါတယ်။ လွှတ်တော်မှာ အတည်ပြုဖို့ကျန်နေသေးတဲ့ နည်းဥပဒေတွေနဲ့ ရေးရာကော်မတီတွေ၊ တခြားအစီရင်ခံစာတွေ အတည်ပြုဖို့ ကျန်နေသေးတဲ့အတွက် အစည်းအဝေး ကျင်းပတာဖြစ်တယ်လို့လည်း လွှတ်တော်ကိုယ်စားလှယ်တွေထံက သိရပါတယ်။ လွှတ်တော်အစည်းအဝေးကို ဒီဇင်ဘာလ ၁၄ ရက်နေ့ကနေ ၁၆ ရက်နေ့ထိ ၃ ရက်ကြာကျင်းပဖို့လည်း ရည်ရွယ်ထားပါတယ်။ လတ်တလော ဒေသတွင်းပျံ့နှံ့နေတဲ့ ကိုဗစ်-၁၉ ကပ်ရောဂါကြောင့်လည်း အစည်းအဝေးတက်ရောက်ကြမယ့် ကိုယ်စားလှယ်တွေ၊ ဝန်ထမ်းတွေ၊ ဌာန၊ အဖွဲ့အစည်းတွေနဲ့ သတင်းမီဒီယာတွေကိုလည်း အစည်းအဝေးမကျင်းပခင် ဒီဇင်ဘာလ ၇၊ ၁၁ ရက်နေ့တွေမှာ Test Kit နဲ့ ကျန်းမာရေး စစ်ဆေးတာတွေ ပြုလုပ်ခဲ့ပြီး အားလုံးမှာ ကိုဗစ်-၁၉ ပိုးမတွေ့ရှိခဲ့ပါဘူး။ ဒုတိယအကြိမ် စစ်ကိုင်းတိုင်းဒေသကြီးလွှတ်တော် သက်တမ်းအတွင်း ပုံမှန်အစည်းအဝေးပေါင်း ၂၅ ကြိမ်၊ အထူးအစည်းအဝေး ၃ ကြိမ်၊ အရေးပေါ်အစည်းအဝေး ၃ ကြိမ် ကျင်းပခဲ့ပြီး ကြယ်ပွင့်ပြမေးခွန်းပေါင်း ၁၈၇၇ ခု၊ ကြယ်ပွင့်မပြမေးခွန်းပေါင်း ၈၉၀ ခု မေးမြန်းခဲ့ကာ အဆိုပေါင်း ၂၈ ခု၊ ဥပဒေပေါင်း ၂၈ ခုတို့ အတည်ပြုခဲ့ပြီး နည်းဥပဒေလည်း အနည်းဆုံး ၄ ခုထက်မနည်း အတည်ပြုဖို့ ကျန်ရှိနေပါသေးတယ်။ စစ်ကိုင်းတိုင်းလွှတ်တော်မှာ တက်ရောက်ခွင့်ရှိတဲ့ လွှတ်တော်ကိုယ်စားလှယ် ၁၀၁ ဦးရှိခဲ့ပေမယ့် လက်ရှိမှာ ၉၉ ဦးသာ ကျန်ရှိပါတယ်။
4 months Ago

May 6, 2020

ငွေချေးမယ်ဆိုပြီး တရားမဝင်ကြိုတင်ငွေကောက်နေသည့် ကုမ္ပဏီများကို အရေးယူရန် စစ်ကိုင်းတိုင်းလွှတ်တော် အတည်ပြု 

စစ်ကိုင်းတိုင်းမှာ ချေးငွေလိုင်စင်မရှိဘဲ ကုမ္ပဏီတချို့က ငွေချေးမယ်ဆိုပြီး ကြိုတင်ကောက်ခံ နေတဲ့အပေါ် တိုင်းအစိုးရကနေ ပြတ်ပြတ်သားသား အရေးယူရေးအဆိုကို တိုင်းဒေသကြီး လွှတ်တော်က ကန့်ကွက်သူမရှိ အတည်ပြုလိုက်ပါတယ်။  ချေးငွေလိုင်စင်မရှိဘဲ တောင်သူတွေကို ငွေချေးမယ်ဆိုကာ မြန်မာမင်္ဂလာသစ်ကုမ္ပဏီနဲ့ အောင်မြင်ချမ်းသာ ပြည်မြန်မာ ကုမ္ပဏီတို့က စစ်ကိုင်းတိုင်းအတွင်း ဝက်လက်၊ ရွှေဘို၊ အရာတော် စတဲ့မြို့နယ်တွေအပြင် တခြားမြို့နယ်တွေမှာ ငွေကြေးကောက်ခံနေတာပါ။  ဒီကိစ္စတွေနဲ့ပတ်သက်ပြီး အစိုးရအနေနဲ့ ပြတ်ပြတ်သားသားအရေးယူရေးအဆိုကို မေလ ၄ ရက်နေ့က ကျင်းပတဲ့ တိုင်းလွှတ်တော်အထူးအစည်းအဝေးမှာ ကိုယ်စားလှယ် ၃ ဦးက ဆွေးနွေးခဲ့ပြီး ကန့်ကွက်သူမရှိ အတည်ပြုလိုက်ပါတယ်။ ဒီအဆိုကို ဖေဖော်ဝါရီလအတွင်း ကျင်းပခဲ့တဲ့ တိုင်းလွှတ်တော်မှာ ဝက်လက်မြို့နယ် ကိုယ်စားလှယ် ဦးစိုးဝင်းထွန်းက တင်သွင်းခဲ့တာပါ။  ဒီကိစ္စနဲ့ပတ်သက်ပြီး အထူးစုံစမ်းစစ်ဆေးရေးဦးစီးဌာနကနေ အရာတော်၊ ရွှေဘို၊ ဝက်လက်၊ ကသာ၊ ဝန်းသိုမြို့တွေမှာ စုံစမ်းစစ်ဆေးခဲ့ပြီး တရားမဝင် ငွေကြေးကောက်ခံတာ ပေါ်ပေါက်ခဲ့ပါတယ်။ ဒါ့ကြောင့် မြန်မာမင်္ဂလာသစ်ကုမ္ပဏီနဲ့  အောင်မြင်ချမ်းသာ ပြည်မြန်မာကုမ္ပဏီတို့က ဒါရိုက်တာအဆင့်ရှိသူတွေအပါအဝင် လူ ၉ ဦးကို အရာတော်မြို့နဲ့ ဝန်းသိုမြို့တို့မှာ အသေးစားငွေရေးကြေးရေးလုပ်ငန်းဥပဒေအမှတ် ၅၇၊ ရာဇသတ်ကြီးပုဒ်မ ၁၀၉ တို့နဲ့ မတ်လက တရားစွဲဆိုထားပါတယ်။ အခုလို ငွေချေးလုပ်ငန်းတွေကို ကုမ္ပဏီအမည်ခံတွေတင်မက တချို့နိုင်ငံရေး အဖွဲ့အစည်း တွေရဲ့ ကျောထောက်နောက်ခံနဲ့ ဆောင်ရွက်နေတာတွေလည်း ရှိနေတယ်လို့ လွှတ်တော် ကိုယ်စားလှယ်တွေက ပြောပါတယ်။ စာရင်းတွေအရ စစ်ကိုင်းတိုင်းအတွင်းမှာ တရားဝင်ငွေချေးလုပ်ငန်းလုပ်ကိုင်တာ ၄၆ ခုရှိပြီး INGO ၁ ခု၊ NGO ၅ ခု၊ အစုစပ်ကုမ္ပဏီ ၁ ခု၊ ပြည်တွင်းကုမ္ပဏီ ၁၉ ခု၊ ပြည်ပကုမ္ပဏီ ၂၀ ခု ရှိပါတယ်။ 
12 months Ago
More News
Up