စစ်ပြေးဒုက္ခသည်များ

December 23, 2015

စစ်ပြေးဒုက္ခသည်များ အိမ်ပြန်နိုင်ရေး အစိုးရတပ်များ ဆုတ်ခွာရန် တောင်းဆို

ရှမ်းပြည်နယ် လွိုင်လင်ခရိုင် မိုင်းရှူးနဲ့ မိုင်းနောင်မြို့နယ်တွင်းက စစ်ပြေးဒုက္ခသည်တွေ နေရပ်ပြန်နိုင်ရေးအတွက် ဒေသထဲမှာ တပ်စွဲထားတဲ့ အစိုးရတပ်မတော်စစ်ကြောင်းတွေ ချက်ချင်းဆုတ်ခွာပေးဖို့ ရှမ်းလူမှုအခြေပြုအဖွဲ့အစည်းတွေက ဒီဇင်ဘာ ၂၃ ရက်နေ့ နေ့စွဲနဲ့ ကြေညာချက်ထုတ်ပြန် တောင်းဆိုလိုက်ပါတယ်။ ၀မ်ဟိုင်းအခြေစိုက် ရှမ်းပြည်တပ်မတော်မြောက်ပိုင်းအဖွဲ့ကို အစိုးရတပ်က ပြီးခဲ့တဲ့ အောက်တိုဘာလဆန်းပိုင်းကစပြီး အပြင်းအထန်ထိုးစစ်ဆင်မှုကြောင့် မြို့နယ် ၂ ခုထဲက ပြည်သူ ၃ ထောင်ကျော် စစ်ဘေးရှောင်တိမ်းနေရာမှာ ၂ လကျော် ၃ လနီးပါး ရှိခဲ့ပေမယ့် ဒီနေ့ထိ အိမ်မပြန်နိုင်ကြသေးပါဘူး။ စစ်ရှောင်စခန်းကနေ လယ်ယာစိုက်ခင်းပြန်ကြည့်တဲ့ ဒေသခံပြည်သူတချို့ အစိုးရတပ်ရဲ့ ပစ်ခတ်ခြိမ်းခြောက်မှုကြောင့် သေဆုံးဒဏ်ရာရခဲ့တာရှိသလို အစုလိုက်အိမ်ပြန်သွားတဲ့ ကုန်းနိမ်ရွာသား ၅၀ ကျော်ကို နေပူထဲမှာ ၂ နာရီကြာ ဒူးထောက်လက်မြှောက်ခိုင်းပြီး ပြစ်ဒဏ်ပေးခဲ့ကြောင်း၊ ဒါ့အပြင် ကျေးရွာခြံမြေအနီးမှာမြေမြှုပ်မိုင်းတွေ မြှုပ်ထားတာကြောင့် လည်း ရွာသားတွေအနေနဲ့ အိမ်ပြန်ဖို့ အခက်အခဲရှိနေတယ်လို့ ရှမ်းလူမှုအခြေပြုအဖွဲ့အစည်းတွေက ပြောပါတယ်။ ဒေသတွင်း တိုက်ပွဲတွေရပ်စဲဖို့ အစိုးတပ်နဲ့ ရှမ်းပြည်တပ်မတော်တို့ နှစ်ဖက်လုံး ပဋိပက္ခဖြစ်ပွားရာဒေသကနေ ဆုတ်ခွါပေးဖို့  ဒီလဆန်းပိုင်းက ရန်ကုန်မြို့ ပြည်ထောင်စုငြိမ်းချမ်းရေးဖော်ဆောင်ရေးကော်မတီနဲ့ သဘောတူချက်ရထားပေမယ့်လည်း ဒီနေ့ထိ စစ်တပ်က ဆုတ်ခွာသွားတာ မရှိသေးဘူးလို့ ဆိုပါတယ်။ လက်ရှိ မိုင်းရှူးနဲ့ မိုင်းနောင်မြို့နယ်ထဲမှာ အစိုးရတပ်ရင်း ၁၈ ခုက စစ်စခန်းပေါင်း ၂၀ ကျော် တိုးချဲ့ချထားကြောင်း၊ စစ်ရှောင်စခန်းက ပြည်သူတွေ အိမ်မပြန်နိုင်တဲ့အတွက် ရိတ်သိမ်းချိန်လွန် သီးနှံ စိုက်ခင်း ဧကထောင်ချီ ပျက်စီးကာ တနှစ်တာစားဝတ်နေရေး အခက်အခဲတွေ့ကြုံဖွယ်ရှိတယ်လို့ ရှမ်းလူမှုအခြေပြုအဖွဲ့အစည်းတွေက ပြောသွားပါတယ်။  
6 years Ago

November 16, 2015

စစ်ပြေးဒုက္ခသည်များ တောင်ကြီးနှင့် လားရှိုးမြို့ပေါ်ထိ လာရောက်ခိုလှုံ

ရှမ်းပြည်တပ်မတော်မြောက်ပိုင်းအဖွဲ့နဲ့ အစိုးရတပ်တွေအကြား တိုက်ပွဲတွေကြောင့်   မိုင်းရှူးနဲ့ မိုင်းနောင်မြို့နယ်ထဲက ဒေသခံတွေဟာ အိုးပစ်အိမ်ပစ် ဘေးလွတ်ရာ ထွက်ပြေး တိမ်းရှောင်နေကြပြီး တောင်ကြီးနဲ့ လားရှိုးမြို့ပေါ်ထိ လာရောက်ခိုလှုံနေကြရပါတယ်။ ရွာသားတွေအနေနဲ့ သူတို့အနီးနားတ၀ိုက်မှာ တိုက်ပွဲတွေ ဆက်ဖြစ်လာမှာ စိုးရိမ်ပြီး တောင်ကြီးမြို့ပေါ်ထိ တက်လာကြတာလို့ ဒုက္ခသည်တွေကို အကူအညီပေးနေတဲ့ နမ့်ခုံးပရဟိတ သာရေးနာရေးအသင်း အထွေထွေအတွင်းရေးမှူး ဦးစိုင်းဆိုင်မိုင်းက  ပြောပါတယ်။ “သူတို့ တိုက်ပွဲထပ်ဖြစ်မှာလည်း စိုးရိမ်ကြတယ်။ ဒီမှာလည်း အသိမိတ်ဆွေတွေ ရှိထားတော့ ပြီးခဲ့တဲ့ ၁၁ ရက်နေ့က စပြီးရောက်လာကြတယ်။ အများစုက မိုင်းရှူးမြို့နယ် ၀မ်ဆော့ကျေးရွာကပါ၊ အစက ၅၀ ဦး အရင်ရောက်တယ်၊ တောင်ကြီးမြို့တောင်ဘက်က ပေါက်မိုင်လုံရပ်ကွက်မှာ လာခိုလှုံကြတယ်။ ဒီနေ့ထိတော့ ၁၂၀ ဦး ရှိသွားပါပြီ။ ဒါကြောင့် သူတို့ နေရေးထိုင်ရေး ပိုပြီးအဆင်ပြေစေဖို့ ဘုန်းကြီးကျောင်းမှာ ပြောင်းထားဖို့ စီစဉ်နေပါတယ်။” ရွာသားတွေဟာ အိမ်မှာနေရင်း လက်နက်ကြီးကျည် ထိခဲ့ရသူတွေရှိသလို လယ်ယာလုပ်ငန်းခွင်သွားရင်း သေနတ်ပစ်ခံရတာ၊ လမ်းမှာ မိုင်းမိတာတွေရှိနေပြီး အမျိုးသမီးကြီးတဦး သေဆုံးကာ ကိုရင် ၂ ပါး၊ လူကြီး  ၁ ဦးနဲ့ မိန်းကလေး ၁ ဦးတို့ကို ကမ္ဘောဇ အလင်းတန်းအဖွဲ့ရဲ့ထောက်ပံ့မှုနဲ့ ဆေးကုသပေးနေတယ်လို့ ဦးစိုင်းဆိုင်မိုင်းက ပြောပါတယ်။ လတ်တလော စစ်ရှောင်ဒုက္ခသည်တွေ လဲချားမှာ ၆၀၀ ကျော်၊ မိုင်းရှူးမှာ ၈၀၀ ကျော်၊ မိုင်းရှူးမြို့နယ် ဟိုင်းပါကျေးရွာမှာ ၁၅၀၀ ခန့်နဲ့ ကျေးသီးမြို့နယ် ၀မ်ဝကျေးရွာမှာ ၁၀၀၀ နီးပါး ထွက်ပြေးခိုလှုံနေကြတယ်လို့ သိရပါတယ်။ ရှမ်းပြည်မြောက်ပိုင်း လားရှိုးမြို့မှာလည်း နိုဝင်ဘာ ၁၂ ရက်နေ့ကစပြီး ၀မ်ဆော့ရွာက ဒုက္ခသည်တွေ တဖွဲဖွဲရောက်လာရာမှာ ဒီကနေ့အထိတော့ ၁၂၀ ဦး ရှိသွားပြီဖြစ်ကြောင်း၊ သူတို့ကို မံဆူကျောင်းတိုက်မှာ နေရာချထား ကူညီစောင့်ရှောက်ပေးနေတယ်လို့ ဒုက္ခသည်ကူညီရေး ကော်မတီဝင် ဦးစိုင်းအောင်က ပြောပါတယ်။ ပြီးခဲ့တဲ့ နိုဝင်ဘာ ၁၄ ရက် ၀မ်ဆော့မှာ လာရောက်ခိုလှုံနေတဲ့ ရွာသားနှစ်ဦး ရွာကို အပြန်လမ်းမှာ အပစ်ခံရလို့ ၁ ဦးသေဆုံးသွားတယ်လို့ ပါခီးရွာသူတဦးက ပြောပါတယ်။ “မိုင်းအတ်ရွာသား ၂ ယောက် ဆိုင်ကယ်စီးပြီး သူတို့ဝက်တွေကို အစာပြန်ကျွေးတာ လမ်းမှာ အပစ်ခံရတယ်၊ အနောက်ကတယောက် ပေါင်နဲ့လက်မောင်းမှာထိပြီး ကျန်ခဲ့တယ်၊ ရှေ့ကတယောက်လည်း ကြောက်ကြောက်နဲ့ မောင်းပြေးတာတဲ့၊ သူလည်း အဲဒီနေရာ ပြန်မသွားရဲ၊ ဘယ်သူမှလည်း မသွားရဲလို့ သွေးလွန်ပြီး သေသွားတယ်။ သူ့ကို အဝေးကပဲ မြင်ရပြီး ခုထိ အလောင်းမကောက်ရဲဘူး။” အခုချိန်ဟာ သီးနှံဆွတ်ချိန်ဖြစ်တဲ့အတွက် ရွာသားတွေအနေနဲ့ လယ်ထဲမဆင်းနိုင်ရင် တမိုးလုံး စိုက်ထားသမျှ သီးနှံတွေ ပျက်စီးဆုံးရှုံးမှာဖြစ်ပြီး လယ်ထဲဆင်းပြန်ရင်လည်း  သေနတ်သံကြားတိုင်း ထွက်ပြေးနေရတာကြောင့် အခက်အခဲ ဖြစ်နေကြတယ်လို့ ပါခီးရွာသူက ပြောပါတယ်။ အောက်တိုဘာ ၆ ရက်ကနေ နိုဝင်ဘာ ၁၂ ရက်နေ့အထိ ကျေးသီး၊ မိုင်းနောင်နဲ့ မိုင်းရှူးမြို့နယ်ထဲမှာ အစိုးရတပ်နဲ့ ရှမ်းပြည်တပ်မတော်မြောက်ပိုင်းတို့ကြား ဖြစ်ပွားတဲ့ တိုက်ပွဲကြောင့် လူပေါင်း ၁ သောင်းနီးပါး နေရပ်စွန့်ခွာ ထွက်ပြေးနေရတယ်လို့ ပြည်ပအခြေစိုက် ရှမ်းလူ့အခွင့်အရေးမဏ္ဍိုင်အဖွဲ့က ခန့်မှန်းထားပါတယ်။ ဓာတ်ပုံ - ကိုဇက်  
6 years Ago
Up