စစ်ဘေးရှောင်များခိုလှုံနေသည့် ပေါက်တောပြင်ဘုန်းကြီးကျောင်းကို စစ်ဆေးရန် စစ်တပ်က ဝိုင်းထား

June 11, 2019

စစ်ဘေးရှောင်များခိုလှုံနေသည့် ပေါက်တောပြင်ဘုန်းကြီးကျောင်းကို ၀င်ရောက်စစ်ဆေးခွင့်ပေး

ရခိုင်ပြည်နယ်၊ ပုဏ္ဏားကျွန်းမြို့နယ်၊ ပေါက်တောပြင် ဘုန်းတော်ကြီးကျောင်းရှိ ရခိုင်စစ်ဘေးဒုက္ခသည်တွေကို တပ်မတော်က ဝင်ရောက်စစ်ဆေးဖို့ ဒီကနေ့ မနက် ခွင့်ပေးလိုက်ပြီ လို့ ဆရာတော်က မိန့်ပါတယ်။ စစ်ဘေးရှောင်တွေကို ကူညီကယ်ဆယ်ရေးဆောင်ရွက်ပေးနေတဲ့ အရှင်သဘာဝနဒီက “သူတို့ကို ဝင်ရောက်စစ်ဆေးခွင့် မပြုတာမဟုတ်ဘူး။ ဝင်ရောက်စစ်ဆေးခွင့် ပေးတယ်။ ဒါပေမယ့် သူတို့အရပ်ဝတ်လေးလောက် ဝတ်ဖို့ တောင်းဆိုတာ။ လက်နက်ခဲယမ်း ကိုင်ဆောင်ပြီးတော့ စစ်ယူနီဖောင်းနဲ့ဝင်မယ်ဆိုရင် ပြည်သူတွေ ဘယ်လောက်ထိ ပိုပြီးတော့ စိုးရိမ်မှု ကြောင့်ကြမှု အကြောက်တရားလွှမ်းမိုးနိုင်လဲ။ အနာဂတ်ရဲ့ မျိုးဆက်ဖြစ်တဲ့ ကလေးငယ်တွေရဲ့ ရင်ထဲမှာရော ဘယ်လောက်ထိ စိတ်ဒဏ်ရာရသွားနိုင်လဲ။ ဒီအပေါ်မှာ သုံးသပ်ပြီးတော့ ဦးဇင်း တို့က အရပ်ဝတ်နဲ့ ပုဆိုးဝတ်ပြီးတော့ အင်္ကျီဝတ်ပြီးတော့ ဝင်ဖို့ပြောတာ။”လို့ မိန့်ပါတယ်။ အဲဒီစခန်းထဲမှာ အေအေနဲ့ ဆက်နွှယ်သူတွေ ပါဝင်တယ်ဆိုတဲ့ သံသယနဲ့ တပ်မတော်က ဝင်ရောက်စစ်ဆေးဖို့ ကြိုးစားနေတာဖြစ်တယ်လို့ ဆရာတော်က မိန့်ပါတယ်။ လက်ရှိမှာ သံဃနာယက ဆရာတော်ရောက်နေသလို တပ်မတော်နဲ့ ရဲတပ်ဖွဲ့တို့အပြင် လဝက အရာရှိတွေ လည်း ရောက်နေတာကို တွေ့ရတယ်လို့ ဆိုပါတယ်။ နိုင်ငံရေးပါတီနဲ့ အရပ်ဖက်အဖွဲ့အစည်းတွေကို လာရောက်ကြဖို့ ဖိတ်ခေါ်ထားပေမယ့် လာရောက်မယ်၊ မလာဘူးဆိုတာကိုတော့ သေချာ မပြောနိုင်သေးဘူး လို့ ဆိုပါတယ်။ လက်ရှိမှာတော့ လုံခြုံရေးတပ်ဖွဲ့ဝင်တွေဟာ  ပေါက်တောပြင်ဘုန်းတော်ကြီးကျောင်းဝန်းရှိ တောင်ကုန်းပေါ်နဲ့ ကျောင်းရဲ့ပတ်ပတ်လည်မှာ နေရာယူထားကြတယ်လို့ ဆိုပါတယ်။ ရခိုင်ဒုက္ခသည် ထောင်နဲ့ချီ ခိုလှုံနေတဲ့ ပေါက်တောပြင်၊ ဘုန်းတော်ကြီးကျောင်းက ကယ်ဆယ်ရေးစခန်းကို တပ်မတော်က မနေ့က မနက်ပိုင်း လောက်ကတည်းက ဝင်ရောက်ဖို့ ကြိုးပမ်းနေတာဖြစ်ပါတယ်။ ဝဏ္ဏခွာညို
3 years Ago

June 10, 2019

စစ်ဘေးရှောင်များခိုလှုံနေသည့် ပေါက်တောပြင်ဘုန်းကြီးကျောင်းကို စစ်ဆေးရန် စစ်တပ်က ဝိုင်းထား

စစ်ဘေးဒုက္ခသည် ၃၀၀၀ ကျော်ခိုလှုံနေကြတဲ့ ရခိုင်ပြည်နယ် ပုဏားကျွန်း မြို့နယ်က ပေါက်တောပြင် ဘုန်းကြီးကျောင်းကို တပ်မတော်နဲ့ ရဲတပ်ဖွဲ့အင်အား ၄၀ ကျော်ခန့်က ဒီကနေ့ မနက်ပိုင်းက ဝိုင်းထားတယ်လို့  ဒုက္ခသည်တွေကို ကူညီပေးနေတဲ့ ဆရာတော်က မိန့်ပါတယ်။ တပ်မ ၂၂ က အင်အား ၄၀ လောက်နဲ့ ပိုးရွှီပြင်ရဲကင်းစခန်းက ရဲအင်အား ၆ ဦးလောက် ပါဝင်တဲ့အဖွဲ့ဟာ အထက်အမိန့်အရ စစ်ဆေးမေး မြန်းစရာတွေ ရှိတယ်လို့ဆိုကာ ဘုန်းတော်ကြီးကျောင်းထဲကို ဝင်ရောက်ဖို့ ကြိုးစားနေတယ်လို့ ဆိုပါတယ်။ ဒါပေမယ့် အဲဒီနေရာဟာ ဘာသာရေး အဆောက်အဦလည်းဖြစ်သလို စစ်ဘေး ဒုက္ခသည် တွေ တည်းခိုနေကြတဲ့နေရာလည်း ဖြစ်တာကြောင့် လက်နက်ခဲယမ်းတွေနဲ့ ဝင်ခွင့်မပြုဘူးလို့ ဘုန်းတော်ကြီးကျောင်းမှာ ခိုလှုံနေကြတဲ့ စစ်ဘေးရှောင်တွေကို ကူညီနေတဲ့ ဆရာတော် အရှင်သသာဝနဒီကမိန့်ပါတယ်။ “ပိုးရွီပြင်ရဲကင်း စခန်းက ရဲတပ်ဖွဲ့ဝင်တွေပါတယ်။ ဝိုင်းထားတဲ့ တပ်က တပ်မ ၂၂။ သူတို့က ဒီမှာ ဘယ်ရွာကပြေးလာတာလဲ။ ကျောင်းထဲဝင်ပြီး ဓာတ်ပုံရိုက်မယ်။ စစ်ဆေးမယ်လို့ ပြောတယ်။ ဦးဇင်းတို့က စစ်ဆေးမယ်ဆိုရင် ဒါဘာသာရေး အဆောက်အုံဖြစ်တဲ့အတွက် ဗုဒ္ဓဘာသာရဲ့ ထုံးတမ်းစဉ်လာအရ ကျောင်းထဲကိုဝင်လို့ မရပါဘူး။ ဥပဒေအရ ဘာသာရေးအဆောက်အဦ၊ ပညာရေးအဆောက်အဦ၊ ကလေးသူငယ်ရှိတဲ့နေရာကို လက်နက်ခဲယမ်းနဲ့ ဝင်လို့မရဘူး။ ဒါလည်းတပိုင်း။ နောက်တချက်က ကြောက်လန့်ပြီးတော့ ထွက်ပြေးလာတဲ့ ဒုက္ခသည်တွေ ခိုလှုံနေတာဖြစ်တယ်။ နဂိုတည်းက ကြောက်ပြီးတော့ ပြေးလာတဲ့ ဒုက္ခသည်တွေဟာ အခုသာ ကျောင်းထဲကို ထပ်ဝင်မယ်ဆိုရင် ပိုပြီးတော့ အကြောက်တလန့် ဖြစ်မှာ စိုးတဲ့အတွက်ကြောင့် ဦးဇင်တို့ကတော့ ဝင်ခွင့်မပေးထားပါဘူး”လို့ ဆရာတော်က မိန့်ပါတယ်။ ပုဏ္ဏားကျွန်းမြို့နယ်မှာ ရက္ခိုင့်တပ်မတော်(အေအေ)နဲ့ တပ်မတော်တို့အကြား တိုက်ပွဲတွေ ကြောင့် အနီးအနားက ကျေးရွာ ၉ ရွာလောက်က ဒေသခံ ၃၀၀၀ ကျော် လောက် လာရောက် ခိုလှုံနေကြတာဖြစ်ပါတယ်။ ဒီကိစ္စနဲ့ ပတ်သက်ပြီးတော့ အနောက်ပိုင်းတိုင်းစစ်ဌာနချုပ် ပြောရေးဆိုခွင့်ရပုဂ္ဂိုလ် ဗိုလ်မှူးကြီး ဝင်းဇော်ဦး မေးမြန်းရာ ဖြေဆိုဖို့ မအားသေးဘူး လို့ပြောပါတယ်။ ထပ်မံပြီး တပ်မတော်သတင်းမှန်ပြန်ကြားရေးအဖွဲ့က ဗိုလ်မှူးချုပ် ဇော်မင်းထွန်းကို ဆက်သွယ်ရာမှာ “လောလောဆယ်မှာတော့ ကျနော်အဲ့ဒီသတင်းကို ဘာမှမသိရသေးပါဘူး”လို့ ပြောပါတယ်။ သတင်း-ဝဏ္ဏခွာညို
3 years Ago
Up