စစ်တောင်းမြစ်ရေ

August 31, 2018

စစ်တောင်းမြစ်ရေ မြင့်တက်မှုကြောင့် ဖြူးတွင် စာသင်ကျောင်း ၁၀ ကျောင်း ပိတ်ထားရ

ပဲခူးတိုင်း ဖြူးမြို့နယ်အတွင်း စစ်တောင်းမြစ်ရေ မြင့်တက်လာတာကြောင့် ကျေးရွားအုပ်စု ၅ အုပ်စုအတွင်းရှိ စာသင်ကျောင်း ၁၀ ကျောင်းပိတ်ထားရတယ်လို့ မြို့နယ်ပညာရေးဌာနက ပြောပါတယ်။ သြဂုတ် ၃၁ ရက်နေ့အထိ ကျေးရွာအုပ်စု ၅ အုပ်စုအတွင်းရှိ ရွာပေါင်း ၉ ရွာအတွင်း ရေတွေ ဝင်ရောက်နေတာကြောင့် စာသင်ကျောင်းတွေ ပိတ်ထားရတာလို့ဆိုပါတယ်။ "ဆွာတမံ ရေလွှဲကျိုးပြီးကတည်းက ရေက တက်လာတာ။ လက်ရှိတော့ ၁၀ ကျောင်း ပိတ်ထားတယ်။ ကျောင်းတွေထဲအထိ ရေတွေရောက်နေတယ်" လို့  ဖြူးမြို့နယ် ဒု-ပညာရေးမှူး ဦးဇော်လင်းထွန်းက ပြောပါတယ်။ သြဂုတ် ၂၉ ရက်နေ့က ဆွာရေလောင်တမံမှ ရေပိုလွှဲ နံရံ ကျိုးပြီးနာက်ပိုင်း စစ်တောင်းမြစ်ဘေးပတ်ဝန်းကျင်ရှိ ကျေးရွာများအတွင်း ရေဝင်ရောက်လာတာကြောင့် လိုက်လံစစ်ဆေးမှုတွေနဲ့ ဘေးအန္တရာယ် ကာကွယ်ရေးတွေကိုလည်း ဆောင်ရွက်နေတယ်လို့ ဖြူးမြို့နယ် အုပ်ချုပ်ရေးမှူး ဦးသိန်းဇော်ဦးက ပြောပါတယ်။ အခုလက်ရှိ ဖြူးမြို့နယ်အတွင်မှာ ရေဝင်ရောက်နေတဲ့ ကျေးရွာတွေမှာ ရေဘေးကယ်ဆယ်ရေးစခန်း ဖွင့်လှစ်ရခြင်းမရှိသေးဘူးလို့ သိရပါတယ်။ သတင်း - ကျော်အောင်(ကညွှတ်ကွင်း)
3 years Ago

August 13, 2018

စစ်တောင်းမြစ်ရေပြန်ကျပေမယ့် ကမ်းပါးပြိုမှုကြောင့် ကမ်းဘေးနေအိမ်များ စိုးရိမ်နေ

စစ်တောင်းမြစ်ရေကျသွားပြီဖြစ်ပေမယ့် ပဲခူးတိုင်းအတွင်း မြစ်ကမ်းတစ်လျှောက်က ကျေးရွာတွေမှာ  ကမ်းပါးပြိုကျမှု အခြေအနေက စိုးရိမ်နေရတယ်လို့ ဒေသခံတွေရဲ့ ပြောပြချက်အရ သိရပါတယ်။ ဖြူးမြို့နယ် မြပဲခူးအုပ်စု၊ ကျောက်ကြီးမြို့နယ် ငထွေစုတ်အုပ်စု နတ်သံကွင်းအုပ်စု၊ ကျောက်တံခါးမြို့နယ် အနန်းဘော်အုပ်စု၊ လက်ခံအုပ်စု၊ နံဇအုပ်စု၊ ဝေါမြို့နယ် သူရဲသူမိန် အညာစု၊ ဒလနွမ်းအုပ်စု၊ ကဝမြို့နယ် ကန်တော် မမောက် တံတာဦး အုပ်စု ကျေးရွာတွေမှာ ကမ်းပါးပြိုကျမှု အန္တရယ်နဲ့ ကြုံတွေ့နေရတာပါ။ အနန်းဘော်ကျေးရွာ ဦးမြင့်စိုးက “အခု ရေပြန်ကျသွားပြီး ကမ်းပါးတွေပေါ်လာပေမယ့် စစ်တောင်းမြစ်ထဲကို ၁၅ ပေကျော် ကမ်းပါးပြိုကျသွားခဲ့တာကြောင့် လူနေအိမ်နဲ့ ကျောင်းသွား ကျောင်းပြန်ကလေးများအတွက် အသက်အန္တရာယ် စိုးရိမ်နေရပါတယ်” လို့ ပြောပါတယ်။ အနန်းဘော် ကျေးရွာအုပ်ချုပ်ရေးမှူး ဦးတိုးစန်း က “ ကျောက်ကြီးမြို့နဲ့ ပဲနွယ်ကုန်း ဓာတ်ခွဲရုံတို့ သွယ်တန်းထားသော 33 ကေဗွီလိုင်းဓာတ်အားလိုင်း မြစ်ကျော်တာဝါတိုင်နဲ့ ကြိုးတွေကလည်း ကမ်းပါးပြိုလာတဲ့အတွက် စိုက်ထူထားတဲ့ ကွန်ကရစ်တိုင်တွေနဲ့ ပေအနည်းငယ်သာ ကွာပါတော့တယ်။ ကမ်းပါးက ဒီလို တဖြေးဖြေးပြိုလာလို့ကတော့ လျှပ်စစ်အန္တရာယ် အရေးပေါ်အခြေအနေတွေနဲ့ လူတွေ ထိခိုက်သေဆုံးနိုင်တယ်”လို့ ပြောပါတယ်။ စစ်တောင်းကမ်းပါးပြိုကျလာမှုနဲ့ ပက်သက်ပြီးတိုင်းဒေသကြီး အစိုးရကိုလည်း အားမရသလို ဒေသသက်ဆိုင်ရာ ဝန်ထမ်းတွေအလုပ်မလုပ်ကြဘူးလို့ ကဝမြို့နယ်ဒေသခံ ကိုသိန်းဇော်က ဝေဖန်ထောက်ပြပါတယ်။ ဝေါမြို့နယ် တိုင်းဒေသကြီးအမတ် ဒေါ်ရီရီထိုက်ကတော့ စစ်တောင်းမြစ်ဘေးမှာ ကမ်းထိန်းနံရံတွေ ခိုင်မာအောင် တည်ဆောက်ပေးရမှာဖြစ်သလို ဆိုင်ကလုန်းမုန်တိုင်းဘေး ခိုလှုံရာနေရာတွေကို အစိုးရက ရေရှည်စီမံကိန်းအနေနဲ့ စီမံဆောင်ရွက်ပေးရမယ်လို့ ပြောပါတယ်။ အခုနှစ်အတွင်း မုတ်သုံမိုးသည်းထန်စွာရွာသွန်းမှုကြောင့် စစ်တောင်း မြစ်ရေ ရေကြီးပြီး ကမ်းဘေးတလျှောက်ရှိ ကျေးရွာတွေမှာ လူနေအိမ်တွေရော စိုက်ခင်းတွေပါ  ရေနစ်မြုပ် ထိခိုက်ပျက်စီးမှုတွေနဲ့ ကြုံတွေ့ခဲ့ရတာပါ။ ပဲခူးတိုင်းဒေသကြီးထဲမှာ ဇူလိုင်နဲ့ သြဂုတ်အတွင်းဖြစ်ပွားခဲ့တဲ့ ရေဘေးကြောင့် အိမ်ထောင်စုပေါင်း နှစ်သောင်းကျော်၊ လူဦးရေ ကိုးသောင်းခွဲကျော် ပြောင်းရွှေ့ခဲ့ရပြီး လူ ၄ ဦး သေဆုံးခဲ့တယ်လို့ လူကယ်ပြန်ဌာနက တရားဝင်ထုတ်ပြန်တဲ့ စာရင်းအရသိရပါတယ်။ ဗိုလ်သူရိန်
3 years Ago
Up