စစ်မှုထမ်းဟောင်း

January 24, 2019

နေပြည်တော်ရှိ စစ်မှုထမ်းဟောင်းများ ဖေ့စ်ဘွတ်ခ်ကို ဆန့်ကျင်ရှုတ်ချ

နေပြည်တော်မှာရှိတဲ့ စစ်မှုထမ်းဟောင်းတွေဟာ ဇန်န၀ါရီ ၂၃ ရက်က နေပြည်တော်၊ ပျဉ်းမနားမြို့မှာရှိတဲ့ အောင်မင်္ဂလာကားဝင်း အဟောင်းထဲမှာ တပ်မတော်ထောက်ခံပွဲ ကျင်းပပြီး ဖေ့စ်ဘွတ်ခ်လူမှုကွန်ရက်ကို ဆန့်ကျင်ရှုတ်ချ ခဲ့ကြပါတယ်။ မဆီမဆိုင်နိုင်ငံရေး စွက်ဖက်တဲ့ ဖေ့စ်ဘွတ်ခ်ကို လုံးဝ ဆန့်ကျင်ရှုတ်ချတယ်ဆိုတဲ့ဆိုင်းဘုတ်တွေ၊ တပ်မတော်အင်အားကို ချိုးနှိမ်တာမှန်သမျှကို လုံးဝလက်မခံဆိုတဲ့ ဆိုင်းဘုတ်တွေ၊ ပြည်သူကိုချစ်သောတပ်မတော် အောင်မြင်ပါစေ၊ တပ်မတော် စွမ်းမှတိုင်းပြည်အေးချမ်းမယ်ဆိုတဲ့ ဆိုင်းဘုတ်တွေ စစ်မှုထမ်းဟောင်းတွေက ကိုင်ဆောင် ဆန္ဒထုတ်ဖော်ခဲ့တာဖြစ်ပါတယ်။ ပျဉ်းမနားမြို့ စစ်မှုထမ်းဟောင်းအဖွဲ့ ဥက္ကဋ္ဌ အငြိမ်းစားဗိုလ်မှူးဟောင်း သန်းအောင်က “မြန်မာ့တပ်မတော်ကို စစ်မှုထမ်းဟောင်းအဖွဲ့ဝင်တွေအားလုံးက အပြည့်အ၀ ထောက်ခံတယ်ဆိုတာကို သိရှိစေဖို့အတွက် တိတ်ဆိတ်ငြိမ်သက်စွာ စီတန်း လှည့်လည်ခြင်းမပြုဘဲတနေရာတည်းမှာပဲ ရပ်တန့်ပြီးတော့ ထောက်ခံပွဲလုပ်တာ”လို့ ပြောပါတယ်။ ဒီထောက်ခံပွဲကို ပျဉ်းမနားမြို့မှာရှိတဲ့ စစ်မှုထမ်းဟောင်း အဖွဲ့အင်အား ၄၀၀ ကျော်အပြင် သီရိ ငါးမြို့နယ်နဲ့ လယ်ဝေးမြို့နယ်တွေက စစ်မှုထမ်းဟောင်းတွေကလည်း ၀န်းရံသူတွေအနေနဲ့ တက်ရောက်ခဲ့ကြပါတယ်။
3 years Ago

May 18, 2018

တပ်မတော်အပေါ် သစ္စာရှိရန် စစ်မှုထမ်းဟောင်းများကို ဗိုလ်ချုပ်မှူးကြီး တိုက်တွန်း

စစ်မှုထမ်းဟောင်းတွေအနေနဲ့ တပ်မတော်အပေါ် သစ္စာရှိကြဖို့ မြန်မာတပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီးမင်းအောင်လှိုင်က တိုက်တွန်း ပြောကြားလိုက်ပါတယ်။ ရန်ကုန်တိုင်းဒေသကြီး၊ ဒဂုံဆိပ်ကမ်းမြို့နယ်ရှိ မြန်မာ့သားကောင်း စစ်မှုထမ်းဟောင်း အိမ်ရာ(လေးထောင့်ကန်)မှာ စစ်မှုထမ်းဟောင်းအဖွဲ့ဝင်တွေနဲ့ မေ ၁၆ ရက်က  တွေ့ဆုံ အမှာစကားပြောရာမှာ ထည့်သွင်းပြောသွားတာပါ။ “စစ်သား တခါဖြစ်ဖူးရင် ထာဝရစစ်သား (Once a Soldier Always a Soldier) ဆိုသည့်အတိုင်း အကြောင်းအမျိုးမျိုးကြောင့် တပ်မတော်မှ အငြိမ်းစားယူခဲ့ကြသည့် စစ်မှုထမ်းဟောင်းများသည် နိုင်ငံတော်အတွက် အင်အားစုတခုဖြစ်ပြီး မိမိတို့ကို ပြုစုပျိုးထောင်ပေးခဲ့ပြီး တာဝန်ထမ်းဆောင်ခဲ့သည့် တပ်မတော်အပေါ် သစ္စာရှိရန်လိုကြောင်း၊ လက်ရှိအချိန်တွင်လည်း အငြိမ်းစားယူပြီး နိုင်ငံသားတယောက်အနေဖြင့် နိုင်ငံ၏ တိုးတက်ရေးကို တဖက်တလမ်းမှ ဝိုင်းဝန်းဆောင်ရွက်ကြစေလိုကြောင်း၊” စစ်မှုထမ်းဟောင်းဆိုတာ တပ်မတော်ရဲ့ အရန်အင်အားဖြစ်သကဲ့သို့ နိုင်ငံတော်ရဲ့ အင်အားစုတခုဖြစ်ကြောင်း တပ်မတော်သားတိုင်းဟာ တချိန်ကျရင် စစ်မှုထမ်းဟောင်း ဖြစ်မယ့်သူတွေ ဖြစ်လို့  မိမိတို့အနေနဲ့ စာနာနားလည်မှုရှိစွာနဲ့ ဆောင်ရွက်ပေးနေတယ်လို့ ကာကွယ်ရေးဦးချုပ်က ပြောပါတယ်။ စစ်မှုထမ်းဟောင်းအဖွဲ့ဝင်တွေရဲ့ စားရေးကို အထောက်အကူဖြစ်စေဖို့ သက်ဆိုင်ရာ တိုင်းစစ်ဌာနချုပ်တွေအလိုက် တပ်ပိုင်စိုက်ပျိုးမွေးမြူရေးလုပ်ငန်းတွေက ထွက်တဲ့ အသား၊ ငါး၊ ဟင်းသီးဟင်းရွက်တွေကို သက်သာတဲ့ ဈေးနှုန်းနဲ့ ရောင်းချဖို့ တာဝန်ပေးထားသလို နေရေးအတွက်လည်း စစ်မှုထမ်းဟောင်းအိမ်ရာတွေ ဆောက်လုပ်ပေးထားတယ်လို့ ဆိုပါတယ်။ ဒဂုံဆိပ်ကမ်းမြို့နယ်ရှိ မြန်မာ့သားကောင်းစစ်မှုထမ်းဟောင်း အိမ်ရာမှာ ၂၀၁၇ ခုနှစ်က အခြားအဆင့်နေအိမ် ၂ ခန်းတွဲ ၆ ထပ် ၇ လုံး ဆောက်လုပ်နေရာမှာ တဝက်လောက် ပြီးစီးနေပြီး ၂၀၁၈ ခုနှစ်မှာ အရာရှိငယ်နေအိမ် ၂ ခန်းတွဲ ၆ ထပ် ၄ လုံးနဲ့ အခြားအဆင့် နေအိမ် ၂ ခန်းတွဲ ၆ ထပ် ၉ လုံးတို့အား ပိုင်ရိုက်တဲ့ လုပ်ငန်း စတင်ဆောင်ရွက်နေပြီလို့ သိရပါတယ်။ ဓာတ်ပုံ- တပ်မတော်
3 years Ago
Up