စစ်မှန်တဲ့ ဖက်ဒရယ်ပြည်ထောင်စုအတွက် အစိုးရကို ၀ိုင်းဖိအားပေးဖို့ လိုတယ် - ရှေ့နေဦးအောင်ထူး

June 25, 2015

တိုင်းရင်းသားတွေရဲ့ အန်စီအေ ပြင်ဆင်ဖြည့်စွက်မှုတွေဟာ အတိတ်သင်ခန်းစာကို ထင်ဟပ်တယ်- ရှေ့နေ ဦးအောင်ထူး

ကရင်ပြည်နယ် လောခီးလာဒေသမှာ ဇွန်လ ၂ ရက်နေ့ကနေ ၉ ရက်နေ့ထိ ကျင်းပခဲ့တဲ့ တိုင်းရင်းသားလက်နက်ကိုင် အဖွဲ့အစည်းများရဲ့ ထိပ်သီးခေါင်းဆောင်များ အစည်းအဝေးကနေ တနိုင်ငံလုံး ပစ်ခတ်တိုက်ခိုက်မှုရပ်စဲရေး သဘောစာချုပ် မူကြမ်းကို ပြင်ဆင်ဖြည့်စွက်ချက်တွေနဲ့ အတည်ပြုခဲ့ပါတယ်။ ဒီပြင်ဆင်ဖြည့်စွက်ချက် ၁၅ ချက်ကို အစိုးရနဲ့ ဆွေးနွေးဖို့လည်း ၁၅ ဦးပါ အဆင့်မြင့် ကိုယ်စားလှယ်အဖွဲ့လည်း ဖွဲ့စည်းတာဝန်ပေးခဲ့ပါတယ်။ ဆွေးနွေးညိနှိုင်းပွဲတွေ စတင်နိုင်ဖို့ ရန်ကုန်မြို့ကို ကိုယ်စားလှယ်အဖွဲ့ငယ်တခု စေလွှတ်ညှိနှိုင်းနေပါတယ်။ ဒီစာချုပ်ရဲ့ ပြင်ဆင်ဖြည့်စွက်ချက်တွေထဲမှာ ပါရှိတဲ့ အချက်တွေနဲ့ အရေးပါမှု၊ သက်ရောက်မှုတွေကို ကချင်ပြည်နယ် မိုင်ဂျာယန်မြို့အခြေပြု ဖက်ဒရယ်ဥပဒေ အကယ်ဒမီရဲ့ ကျောင်းအုပ်ကြီး၊ ရှေ့နေ ဦးအောင်ထူးကို ဆက်သွယ်မေးမြန်းထားပါတယ်။ လောခီးလာ ထိပ်သီးဆွေးနွေးပွဲမှာ အစိုးရဘက်နဲ့ တိုင်းရင်းသားဘက်က အလုပ်အဖွဲ့ ၂ ခုအကြား မတ်လကုန်က သဘောတူရရှိထားတဲ့ တပြည်လုံးအပစ်ရပ်စာချုပ် မူကြမ်း Single text ကို ပြင်ဆင်ဖြည့်စွက်ချက်တွေနဲ့ အတည်ပြုခဲ့ကြတယ်။ အစိုးရနဲ့ ဆွေးနွေးဖို့လည်း ၁၅ ဦးပါ အဆင့်မြင့်ကိုယ်စားလှယ်အဖွဲ့လည်း ဖွဲ့ခဲ့တယ်။ တိုင်းရင်းသားအဖွဲ့တွေရဲ့ ဒီနိုင်ငံရေးခြေလှမ်းအပေါ် ဘယ်လိုသုံးသပ်မိလဲ။ “ကျနော်မြင်တာကတော့ မြန်မာနိုင်ငံ ငြိမ်းချမ်းရေးအတွက် အကောင်းဆုံး ခြေလှမ်းတရပ်လို့ ယူဆတယ်လေ။ ဘာကြောင့်လဲဆိုတော့ ပထမ တချက်က အန်စီစီတီကနေပြီးတော့ မတ်လ ၃၁ ရက်နေ့မှာ သဘောတူထားတဲ့ သဘောတူညီချက်မူကြမ်းကို သူတို့က ဖျက်ပစ်တာမဟုတ်ဘူး။ နောက်တခုက အစိုးရနဲ့ ဆွေးနွေးပွဲကို ရပ်ပစ်တာလည်း မဟုတ်ဘူး။ အဲဒီတော့ မတ်လ ၃၁ ရက်နေ့က အတည်ပြုမူကြမ်းကို လိုအပ်တဲ့ ပြင်ဆင်ဖြည့်စွက်ချက်တချို့ လုပ်လိုက်ပြီးတော့မှ အစိုးရနဲ့ အပြုသဘောအခြေခံက နိုင်ငံရေးအရ ဆက်လက်ဆွေးနွေးသွားပြီးတော့မှ ငြိမ်းချမ်းရေးပြဿနာကို ငြိမ်းချမ်းစွာဖြေရှင်းမယ်လို့ အကျိုးသင့်အကြောင်းသင့်နဲ့ တောင်းဆိုလိုက်တဲ့ ခြေလှမ်းဖြစ်တဲ့အတွက် ဒါက ကောင်းမွန်တဲ့ခြေလှမ်းဖြစ်တယ်လို့ သုံးသပ်တယ်။ “နောက် တချိန်တည်းမှာ ထူးခြားချက်ကတော့ တိုင်းရင်းသား လက်နက်ကိုင်တော်လှန်ရေး အဖွဲ့အစည်း ၁၆ ဖွဲ့လုံးက တညီတညွတ်တည်းနဲ့ ဆုံးဖြတ်ချက်တွေ ချနိုင်ပြီးတော့မှ ၁၆ ဖွဲ့လုံး လက်မှတ်ထိုးမယ်၊ ဒီအချက်တွေကိုတော့ဖြင့်၊ အခုပြင်ဆင်ဖြည့်စွက်ချက်တွေကိုတော့ဖြင့် ဒီ ၁၆ ဖွဲ့လုံးက သဘောတူ တောင်းဆိုတာ ဖြစ်တယ်ဆိုတဲ့ ခြေလှမ်းဟာ တိုင်းရင်းသားတော်လှန်ရေး အဖွဲ့အစည်းသမိုင်းမှာ တစုံတရာ ရှားပါးပြီးတော့ တစုံတရာ စည်းလုံးညီညွတ်စွာနဲ့ လှမ်းလိုက်တဲ့ခြေလှမ်းလို့ ကျနော်တို့ မှတ်ယူလို့ရပါတယ်။” အဲဒီ ပြင်ဆင်ဖြည့်စွက်ချက် ၁၅ ချက်ကို ဆရာများသိမယ်ဆိုရင် အရေးအကြီးဆုံး ပြင်ဆင်ချက်တွေက ဘယ်အချက်တွေဖြစ်မလဲ ရှင်းပြပါလား။ “ဒီလိုဗျ။ ပထမဦးဆုံး အရေးကြီးဆုံး ပြင်ဆင်ချက်က ဘာလဲဆိုတော့ ပြည်ထောင်စုလွှတ်တော်မှာ တင်သွင်းပြီးတော့ အတည်ပြုချက် ယူတယ်ဆိုတဲ့ ကိစ္စပေါ့ဗျာ။ ဒါတချက်ပေါ့။ ဆိုလိုတာကတော့ ပြည်ထောင်စုလွှတ်တော်မှာ တင်သွင်းအတည်ပြုချက်ယူတယ် ဆိုတာက ဒီသဘောတူညီချက်ကို လွှတ်တော်ကို တင်ရမယ်။ လွှတ်တော်တင်ရမယ်ဆိုတဲ့ အခါကျတော့ ဆွေးနွေးတဲ့အခါမှာလည်း တဘက်က စစ်တပ်ကိုယ်စားလှယ်တွေပါတယ်။ နောက်တခါ စစ်တပ်က ကိုယ်စားလှယ်တွေပဲ ထပ်ပါမယ့် လွှတ်တော်အတည်ပြုချက် ယူရဦးမယ် ဆိုတဲ့အခါကျတော့ တိုင်းရင်းသားခေါင်းဆောင်တွေ၊ အဖွဲ့အစည်းတွေဘက်က နစ်နာသွားတယ်လေဗျာ။ အဲဒီတော့ နောက်တခုက တကယ်လို့ အတည်ပြုချက်ယူတဲ့အခါမှာ ‘လွှတ်တေ်ာကို တင်လိုက်တယ်၊ အတည်မပြုရင် ဘာလုပ်မလဲ’ ဆိုတာလည်း မပါဘူးဖြစ်တယ်။ အဲဒီလိုဆိုတော့ စာချုပ်က စာချုပ်ရဲ့အင်္ဂါရပ်နဲ့ မညီတော့ဘူး၊ မရေရာတော့ဘူး၊ မတိကျတော့ဘူး၊ ပြဿနာပေါ်နိုင်တဲ့ စာချုပ်ဖြစ်တယ်။ ဒါကြောင့် လောခီးလာညီလာခံမှာ ဘာကို ဖြည့်စွက်လိုက်လဲဆိုတော့ ‘ပြည်ထောင်စုသဘောတူစာချုပ်ကို ပြည်ထောင်စုလွှတ်တော်၌ အတည်ပြုပြဋ္ဌာန်းရာတွင် မည်သည့်အကြောင်းတရားကြောင့်မျှ ငြင်းပယ်ခြင်း၊ ကန့်ကွက်ခြင်း၊ အတည်ပြုရန် အချိန်ဆွဲခြင်း လုံးဝမပြုလုပ်ခြင်းကို ဆိုလိုကြောင်းဆုံးဖြတ်သည်’ လို့ ပြင်လိုက်တယ်။ ဒါက တခုပေါ့ဗျာ။ “နောက်တခုက ဘာလဲဆိုတော့ လုံခြုံရေးဆိုင်ရာ ကိစ္စရပ်တွေ။ ‘လုံခြုံရေးအရ ပြန်လည်ပေါင်းစည်းခြင်း’ ဆိုတဲ့ဟာကို အဲဒီမှာ ‘ပေါင်းစည်းခြင်း’ကို ဖြုတ်လိုက်တယ်။ ဘာကြောင့် ပေါင်းစည်းခြင်းကို ဖြုတ်လဲဆိုတော့ ပေါင်းစည်းတယ်ဆိုတာ အဓိပ္ပာယ် ၂ မျိုး ဖြစ်သွားနိုင်တယ်။ တမျိုးက ဘာလဲဆိုတော့ လက်နက်ချပြီး ပေါင်းစည်းတာလည်း ဖြစ်နိုင်တယ်၊ နောက်တမျိုးက တိုင်းရင်းသား တော်လှန်ရေးတပ်တွေဟာ ပြည်ထောင်စုတပ်မတော်ရဲ့ အစိတ်အပိုင်းတရပ် အဖြစ်နဲ့ တရားဝင်ရပ်တည်ခွင့် အခြေခံက ပေါင်းစည်းတာလည်း ဖြစ်နိုင်တယ်။ နှစ်ခုလုံး ဖြစ်နိုင်တဲ့အခါကျတော့ စာချုပ်လက်မှတ်ထိုးပြီးတော့မှ ပေါင်းစည်းတာကို အဓိပ္ပာယ်ဖွင့်ရင် အငြင်းပွားနိုင်တယ်။ တိုင်းရင်းသားတွေလိုလားတာနဲ့ အစိုးရလိုလားတာနဲ့ ပြောင်းပြန်ဖြစ်သွားနိုင်တယ်။ နှစ်ဘက် အငြင်းပွားစရာ ဖြစ်သွားနိုင်တယ်။ ဒါကြောင့် ပေါင်းစည်းခြင်းဆိုတာကို ဖျက်ပြီးတော့မှ လုံခြုံရေးဆိုင်ရာ ကိစ္စရပ်များဆိုတာကို ထည့်လိုက်တယ်။  ဒါက တချက်ဖြစ်တယ်။” “နောက်တချက်က နှစ်ဘက်ညှိနှိုင်းဆောင်ရွက်ရမယ့် ကိစ္စတွေရှိတယ်။ ကြားကာလ အတောအတွင်းမှာ နှစ်ဘက်ညှိနှိုင်း ဆောင်ရွက်ရမယ့် ကိစ္စတွေရှိတယ်။ အဲဒီတော့ ကြားကာလဆိုတာကို လက်ခံထားလိုက်ပြီ။ အဲဒါဘာလဲဆိုတော့ စာချုပ်ကို အတည်ပြု လက်မှတ်ရေးထိုးတဲ့နေ့ကနေ စပြီးတော့မှ နောက်ထပ် တိုင်းပြည်ရဲ့ ငြိမ်းချမ်းရေး ပြဿနာကို ဖြေရှင်းပြီးတော့ လက်ရှိရှိတဲ့ဖွဲ့စည်းပုံ၊ ၂၀၀၈ ဖွဲ့စည်းပုံအခြေခံဥပဒေ ဖျက်သိမ်းမလား၊ ရုပ်သိမ်းမလား၊ ဖွဲ့စည်းပုံအခြေခံဥပဒေ အသစ်တခု ပေါ်လာမလား၊ နောက်ထပ် နိုင်ငံရေးအခြေအနေတခုလုံး ပြောင်းသွားတဲ့အချိန်အထိ ကြားကာလ အတောအတွင်းမှာ နှစ်ဘက်ညှိနှိုင်းဆောင်ရွက်ရမယ့် ကိစ္စတွေရှိတယ်။ အဲဒီထဲမှာ ဘာကို ထပ်တိုးလိုက်လဲဆိုတော့ မြေယာနဲ့ သဘာဝသယံဇာတ စီမံခန့်ခွဲရေးဆိုင်ရာ ကိစ္စရပ်တွေဖြစ်တယ်။ ဆိုတော့ အရင်တုန်းက မပါဘူး၊ အခုထည့်လိုက်တဲ့အခါကျတော့ ဒီကိစ္စက ဘာလဲဆိုတော့ လက်ရှိတက်နေတဲ့ ဦးသိန်းစိန် အစိုးရနဲ့ မြန်မာစစ်တပ်အတွက်က အသည်းနှလုံးကို ရိုက်ချိုးလိုက်သလိုဖြစ်သွားတယ်။ ဘာကြောင့်လဲဆိုတော့ ဒီစာချုပ်ကို လက်မှတ်ထိုးလိုက်မယ်ဆိုရင် အခုလုပ်နေတဲ့ ဦးသိန်းစိန်နဲ့ မြန်မာစစ်တပ်က လုပ်နေတဲ့ မြေယာနဲ့ပတ်သက်ပြီး ထင်သလို စီမံခန့်ခွဲတာတွေ၊ မြေတွေ သိမ်းတာတွေ၊ နိုင်ငံခြားကုမ္ပဏီကို ရောင်းချပစ်တာတွေ၊ ကုမ္ပဏီတွေကို လုပ်ပိုင်ခွင့်ပေးတာတွေ၊ လယ်သမားတွေဆီက မြေအတင်းသိမ်းတာတွေကို လုပ်ခွင့်မရတော့ဘဲနဲ့ မြေယာကိစ္စတွေမှာလည်းပဲ တိုင်းရင်းသား တော်လှန်ရေးအဖွဲ့တွေနဲ့ ညှိနှိုင်းလုပ်ရတော့မယ်။ သဘာဝသယံဇာတ စီမံခန့်ခွဲတဲ့ ကိစ္စရပ်တွေမှာလည်း ရွှေတွင်းတူးတာလား၊ သတ္တုတူးတာလား၊ သဘာဝဓာတ်ငွေ့ရောင်းတာလား၊ ကျောက်စိမ်းတူးတာလား အကုန်လုံးမှာ ညှိနှိုင်းလုပ်ရတော့မယ့်ဟာ ဖြစ်သွားပြီ။ ဒါက အချက်တခုဖြစ်တယ်။” စာချုပ်လက်မှတ်ထိုးကြတဲ့အခါမှာ သက်သေအဖြစ် ကုလသမဂ္ဂ၊ အီးယူ၊ အာဆီယံ၊ နော်ဝေ၊ ဂျပန်၊ တရုတ် စတဲ့ ၇ နိုင်ငံက ကိုယ်စားလှယ်တွေ ရှေ့မှောက်မှာ လက်မှတ်ထိုးဖို့ ပြင်ဆင်တယ်လို့ ကြားသိရလို့၊ နိုင်ငံအများအပြား ထည့်သွင်းလာတာ ဘာကြောင့်ပါလဲ။ “ဒီလိုဗျ၊ တကယ်တော့ ဖြစ်သင့်တာက နောက်ထပ် ပစ်ခတ်တိုက်ခိုက်မှုတွေ မဖြစ်ပွားအောင် ကြီးကြပ်တဲ့ဟာက အဓိက မတ်လ ၃၁ ရက်နေ့က အတည်ပြုမူကြမ်းမှာ ပူးတွဲကော်မတီက အဓိက။ ပူးတွဲဆိုတာ တဘက်က အစိုးရနဲ့ မြန်မာစစ်တပ်ရှိမယ်။ တခြားတဘက်က တိုင်းရင်းသား တော်လှန်ရေးအဖွဲ့အစည်းတွေရှိမယ်။ သူတို့နှစ်ဖွဲ့က ပြည်နယ်အလိုက် ပူးတွဲဖွဲ့ထားမယ်ပေါ့။ တကယ်က ပူးတွဲက အလုပ်မဖြစ်ဘူးဗျ။ ပူးတွဲတွေ ဖွဲ့တာ ကြာပြီ။ ၁၉၉၄ ကေအိုင်အိုနဲ့ အစိုးရနဲ့ စာချုပ်ချုပ်ကတည်းက ပူးတွဲလုပ်ခဲ့ကြတာပဲ။ ဒါပေမယ့် အလုပ်မဖြစ်ဘူးဗျ။ တိုက်ပွဲက ပြန်ဖြစ်တာပဲ။ အဲဒီတော့ အခုတခါ ၂၀၁၁ ဒီဘက်နှစ်မှာ ဒီကိစ္စတွေ ပြန်ပေါ်လာပြီးတော့လည်း ပူးတွဲဆောင်ရွက်မှုတွေ ရှိတာပဲ။ ဒါပေမယ့် တိုက်ပွဲတွေ ပြန်ဖြစ်တာပဲ။ ရှမ်းမှာလည်း ဖြစ်တာပဲ။ တအာင်းဒေသမှာလည်း ဖြစ်တာပဲ၊ ကချင်မှာလည်း ဖြစ်တာပဲ။ ပူးတွဲသက်သက်က အလုပ်မဖြစ်တော့ဘူး။ တကယ်ဖြစ်သ့င်တာက ဘာလဲဆိုတော့ အင်ဒိုနီးရှားနိုင်ငံ အာချေးမှာ လုပ်ခဲ့သလိုမျိုးပဲ နိုင်ငံတကာက တိုက်ရိုက်ကြီးကြပ်ပြီးတော့ အခွင့်အာဏာရှိတဲ့ နိုင်ငံတကာအဖွဲ့အစည်းက တိုက်ရိုက်ကြီးကြပ်သွားတာမျိုးကသာလျှင် ဖြစ်သင့်တာ။ ဆိုတော့ အဲဒီလောက်ထိအောင် မတောင်းဆိုသေးဘဲနဲ့ တိုင်းရင်းသားတော်လှန်ရေးအဖွဲ့တွေက ‘ကဲ ဒီစာချုပ်ကို လက်မှတ်ထိုးတဲ့အချိန်မှာတော့ဖြင့်ရင် အစိုးရဘက်က သမ္မတ၊ ဒု-သမ္မတတွေ ပါရမယ်၊ လွှတ်တော်ဥက္ကဋ္ဌကြီး ပါရမယ်၊ ကာကွယ်ရေးဦးစီးချုပ်ပါရမယ်၊ ရှေ့နေချုပ်ရုံးက ပါရမယ်၊ ငြိမ်းချမ်းရေးကော်မတီ ဒု-ဥက္ကဋ္ဌတွေ ပါမယ်၊ အစိုးရဘက်က ပါမယ်။ တိုင်းရင်းသားလက်နက်ကိုင်အဖွဲ့ဘက်က ထိပ်သီးတွေချည်းပဲ ပါမယ်။ ပြီးတော့မှ တချိန်တည်းမှာ စာချုပ်လက်မှတ်ထိုးတဲ့အခါမှာ အပြည်ပြည်ဆိုင်ရာ အဖွဲ့အစည်း ကိုယ်စားလှယ်တွေ ပါရမယ်၊ ကုလသမဂ္ဂ အထွေထွေအတွင်းရေးမှူးချုပ် ပါရမယ်၊ အာဆီယံ အထွေထွေအတွင်းရေးမှူးချုပ်ပါရမယ်၊ စသဖြင့်ပေါ့ဗျာ နိုင်ငံတကာက ကိုယ်စားလှယ်တွေ ပါရမယ်ဆိုတဲ့ဟာကို တောင်းဆိုလိုက်တာပဲ။” ထိပ်သီးဆွေးနွေးပွဲမှာ ပြင်ဆင်ဖြည့်စွက်ချက်တွေက တကယ့်လက်ရှိ ပကတိအခြေအနေနဲ့ တကယ့်လိုလားချက်၊ လိုအပ်ချက်တွေကို ထင်ဟပ်သလား။ ဒါမှမဟုတ် ဆယ်စုနှစ်ပေါင်းများစွာ အုပ်ချုပ်ခဲ့တဲ့ အစိုးရတွေပေါ်မှာ မသင်္ကာမှုတွေ၊ စိုးရိမ်ကြီးလွန်းတာလား ဆရာ ဘယ်လိုသုံးသပ်သလဲ။ “ကျနော် မြင်တာကတော့ နှစ်ခုလုံး ဖြစ်တယ်ဗျ။ ဘာဖြစ်လို့လဲဆိုတော့ ပြီးခဲ့တဲ့ ၁၉၈၉ ခုနှစ်ကစခဲ့တဲ့ အပစ်အခတ်ရပ်စဲရေး အတောအတွင်းမှာ အပစ်အခတ်ရပ်စဲထားတယ် ဆိုသော်ငြားလည်းပဲ နှစ်ပေါင်း ၂၅ နှစ်၊ ၂၆ နှစ်ကြာလာတဲ့အထိ ဘာမှတိုးတက်မှုမရှိဘူး၊ အခွင့်အရေးမရဘူး။ နိုင်ငံရေးအရ ဘာတိုးတက်မှုမှ မရှိဘူး။ ဒါကြောင့် အစိုးရိမ်ကြီးတာပဲ။ ဒါက လက်တွေ့အရ သူတို့ကိုပေးလိုက်တဲ့ သင်ခန်းစာပဲ။ ဘ၀ကရတဲ့သင်ခန်းစာ။ ရာစုနှစ်တခုရဲ့ လေးပုံတပုံအတွင်း ရခဲ့တဲ့သင်ခန်းစာဖြစ်တယ်။ ဒါ တခုဖြစ်တယ်။ ပကတိလိုအပ်ချက်အရ တောင်းလားဆိုတော့ ပကတိလိုအပ်ချက်အရလည်း ဖြစ်တယ်။ ဥပမာဆိုကြပါစို့ဗျာ၊ ကနေ့ လက်မှတ်ထိုးလိုက်တယ်။ တနိုင်ငံလုံး ပစ်ခတ်တိုက်ခိုက်မှုရပ်စဲရေး စာချုပ်ဆိုပြီး လက်မှတ်ထိုးလိုက်တယ်။ ဒီနေ့လက်မှတ်ထိုးတယ်၊ ကဲ  မနက်ဖြန်ကစပြီးတော့ တိုင်းရင်းသားဒေသတွေမှာရှိတဲ့ သဘာဝသယံဇာတွေ ဘယ်လိုစီမံခန့်ခွဲသွားမလဲ၊ မြေယာတွေ ဘယ်လိုစီမံခန့်ခွဲမလဲ။ ဥပမာတခု ကျနော်ပြောမယ်ဗျာ၊ ၂၀၁၁ ခုနှစ်ကနေပြီးတော့ မြန်မာနိုင်ငံ အထူးစီးပွားရေးဇုန်ဥပဒေကို ပြဋ္ဌာန်းထားတယ်။ ၂၀၁၄ မှာလည်း ပြင်ဆင်ပြဋ္ဌာန်းတယ်။ အဲဒီတော့ မြန်မာနိုင်ငံ အထူးစီးပွားရေးဇုန် ဥပဒအရဆိုရင် ဗဟိုအစိုးရဟာ တိုင်းရင်းသားပြည်နယ်တွေမှာ ကြိုက်တဲ့ဧရိယာမှာ၊ ကြိုက်တဲ့ဒေသမှာ အထူးစီးပွားရေးဇုန် သတ်မှတ်လို့ရတယ်။ သတ်မှတ်ပြီးတော့ အဲဒီမြေယာတွေမှာ သူတို့ထင်သလို အုပ်ချုပ်လို့ရတယ်၊ စီမံခန့်ခွဲလို့ရတယ်၊ လုပ်ငန်းရှင်တွေကို ချထားပေးလို့ရတယ်၊ လုပ်ပိုင်ခွင့်ပေးလို့ရတယ်၊ နိုင်ငံခြားကုမ္ပဏီတွေကို လာရင်းနှီးမြှုပ်နှံခိုင်းလို့ရတယ်ဗျ။ အကုန်လုံးလောက်ကို အစိုးရဆီမှာ ရှိသွားတယ်။ ဥပမာဗျာ အခု အစည်းအဝေးလုပ်တဲ့ လောခီးလာဆိုကြပါစို့၊ ဒါက ကေအန်ယူက ထိန်းချုပ်ထားတဲ့ ဧရိယာ။ သူတို့က လိုချင်ရင် လက်ရှိ ဦးသိန်းစိန်ရဲ့ စစ်အစိုးရ လိုချင်ရင် ၂၀၁၁၊ ၂၀၁၄ မြန်မာနိုင်ငံ အထူးစီးပွားရေးဇုန် ဥပဒေအရကိုပဲ အဲဒီဒေသတွေဟာ  အထူးစီးပွားရေးဇုန်လို့ သတ်မှတ်လို့ရတယ်။ ကဲ အခု ကျောက်စိမ်းတွေ ထွက်နေတဲ့ဧရိယာဗျာ ကချင်ပြည်နယ်မှာ၊ ကြိုက်တဲ့နေရာကိုသွားပြီး ဒါကျုပ်တို့ အထူးစီးပွားရေးဇုန်ဆိုပြီး သတ်မှတ်လို့တယ်။ အဲလိုဆိုရင် ပြဿနာတက်ပြီပေါ့။ လက်မှတ်ထိုးတာက တပိုင်းထား၊ လက်တွေ့မှာက သူတို့လက်ရှိတည်ဆဲဥပဒေကို ကိုင်ပြီးတော့ လုပ်ချင်တာလုပ်ခွင့် ပိုပြီးတော့ ရသွားတဲ့အတွက်ကို လက်ရှိ ရှိနေတဲ့အစိုးရက အခွင့်အရေးတွေ ရာနှုန်းပြည့် ရသွားပြီးတော့ တိုင်းရင်းသားလူထုနဲ့ ကိုယ့်ပြည်နယ်ကို ကာကွယ်ပေးတဲ့ တော်လှန်ရေးအဖွဲ့အစည်းတွေ ရာနှုန်းပြည့် ဆုံးရှုံးမှာ ဖြစ်တဲ့အတွက် ပြဿနာက တက်မှာပဲ။” တိုင်းရင်းသားအဖွဲ့အစည်းတွေက အခုလို ရပ်တည်လိုက်တဲ့အတွက် အစိုးရဘက်က ဒီရပ်တည်ချက်ကို လက်ခံနိုင်လား၊ ဘာတွေ ဖြစ်လာနိုင်လဲ။ ဆွေးနွေးပွဲတွေ ဆက်လုပ်မယ့်အစား အများပြည်သူ ဒုက္ခရောက်စေမယ့် တိုက်ပွဲတွေများ ပြန်ဖြစ်နိုင်မလား။ ဘယ်လို တွေးဆမိလဲ။ “ကျနော်ထင်တာကတော့ ဒီလိုဗျ၊ ရာနှုန်းပြည့်ကတော့ အစိုးရဘက်က မကြိုက်ဘူး။ ဒီဥစ္စာကို ကျနော် တွက်ကြည့်တာလေ။ ဘာကြောင့်လဲဆို ခုနပြောတဲ့ အခြေခံအချက်အလက်တွေအရ။ အဲဒီတော့ သူတို့ထင်သလို ဒီစာချုပ်ကို ကိုင်ပြီးတော့ တိုင်းရင်းသားလက်နက်ကိုင် အဖွဲ့အစည်းတွေကို ချုပ်ကိုင်ခြယ်လှယ် ဖန်တီးပြီးတော့မှ နောက်ဆုံး လက်နက်ချခိုင်းတဲ့အထိ ဦးတည်စေပြီးတော့မှ သူတို့ပြည်နယ်တွေရဲ့ သဘာဝသယံဇာတတွေကို လက်ဝါးကြီးအုပ်နိုင်တဲ့ အခြေအနေက တော်တော့ နည်းသွားပြီ။ ဒါကြောင့် ရာနှုန်းပြည့်မကြိုက်ဘူး။ ဒါပေမယ့် ‘ကဲ မင်းတို့လုပ်တဲ့ဟာကြီးကို ငါတို့ လုံးဝမကြိုက်ဘူးကွ၊ မတ်လ ၃၁ ရက်နေ့က အတည်ပြုမူကြမ်းအတိုင်း လက်မှတ်ထိုးရင်ထိုး၊ မထိုးတဲ့အဖွဲ့တွေ ငါတို့ အကုန်တိုက်မယ်လို့လည်း အစိုးရဘက်က ရာနှုန်းပြည့် ခပ်တင်းတင်း ခပ်မာမာနဲ့ ကြေညာရဲတဲ့အဆင့် မရှိဘူးလို့ ကျနော်က သုံးသပ်တယ်။ အခြေအနေ အကြောင်းကြောင်းကြောင့်ပဲ၊ ခြုံပြောမယ်ဆိုရင်တော့ လက်ရှိတက်နေတဲ့ ဦးသိန်းစိန်အစိုးရ ကိုယ်တိုင်က စီးပွားရေးအရ သူ့ခြေထောက်ပေါ် သူရပ်တည်နိုင်စွမ်း မရှိတော့ဘူး။ အုပ်ချုပ်ရေးစရိတ်က တအားကြီးလာတယ်၊ ပို့ကုန်တွေက မရှိဘူး၊ နိုင်ငံခြားဝင်ငွေ ကျဆင်းနေတယ်၊ သွင်းကုန်ဈေးနှုန်း အကြီးအကျယ် တက်နေတယ်၊ ငွေကြေးအရ ဖောင်းပွတော့မယ်၊ အထွေထွေကုန်ဈေးနှုန်း ကြီးမြင့်ရေးကို ဦးတည်နေတယ်၊ စစ်စရိတ်ကို အကြီးအကျယ်သုံးနိုင်တဲ့ အခြေအနေမရှိဘူး၊ စစ်တပ်အင်အားလည်း ကျဆင်းနေတယ်။ ခု တပ်ရင်းတရင်းမှာ ရာဂဏန်းတောင် မရှိတော့ဘူး။ ကိုးကန့်ကို ၁ ထောင်ကျော်ရှိတဲ့အဖွဲ့ကို တိုက်တာတောင် အဲဒီလောက် အကြီးအကျယ် စုတ်ပြတ်နေတယ်ဆိုတဲ့အခါကျတော့ ဘယ်လောက်ပဲ စိတ်ထဲက မနှစ်သက်သည်ဖြစ်စေ အပြတ်ဟုတ်လား လောခီးလာညီလာခံ ဆုံးဖြတ်ချက်တွေကို လုံးဝဆန့်ကျင်ပြီးတော့ ‘မင်းတို့ အရင်အဟောင်းနဲ့ လက်မှတ်ထိုးရင်ထိုး၊ မထိုးရင် ငါတို့ဘက်က တိုက်မယ်ကွ’ ဆိုတဲ့ဟာမျိုး သွားဖို့တော့ အစိုးရဘက်က မလွယ်ဘူးလို့ ကျနော် သုံးသပ်တယ်လေ။” ထိပ်သီးအစည်းအဝေးကနေ ကေအန်ယူဒု-ဥက္ကဋ္ဌ နော်စီဖိုးရာစိန် ခေါင်းဆောင်တဲ့ အဆင့်မြင့်ကိုယ်စားလှယ် ၁၅ ဦးကို တာဝန်ပေးတယ်ပေါ့။ အန်စီစီတီ ခေါင်းဆောင်တွေလည်း ပြန်ပါလာတာ တွေ့ပါတယ်။ ဒီအဖွဲ့ကို အစိုးရဘက်က အသိအမှတ်ပြုရေးနဲ့ ပတ်သက်လို့ မေးခွန်းထုတ်တာတွေ ကြားရပါတယ်။ ဒီအပေါ်ဘယ်လိုမြင်လဲ။ “တိုင်းရင်းသားအဖွဲ့တွေကတော့ သူတို့ရဲ့ညီလာခံကို စနစ်တကျ ကျင်းပပြီးတော့ စနစ်တကျပဲ ရွေးချယ်တင်မြှောက်ပြီးတော့ ဒီအဆင့်မြင့်ကိုယ်စားလှယ်အဖွဲ့ကို ဖွဲ့စည်းပေးလိုက်တာပဲ။ သူတို့ဘက်ကတော့ လောခီးလာညီလာခံ ဆုံးဖြတ်ချက်ကနေ နောက်ဆုတ်စရာအကြောင်း မရှိဘူးလို့ ကျနော်ယူဆတယ်။ အဲဒီအဖွဲ့ကို လက်တွေ့အရ အသိအမှတ်ပြုလား၊ မပြုဘူးလား ဆိုတာကတော့ လက်ရှိတက်နေတဲ့ ဦးသိန်းစိန် ဦးဆောင်တဲ့ စစ်အစိုးရနဲ့ မြန်မာစစ်တပ်က ဘယ်လောက်ထိအောင် တကယ်စစ်မှန်စွာ ငြိမ်းချမ်းရေးကို လိုလားသလဲ၊ လူထုအကျိုးစီးပွားကို လိုလားသလဲ၊ ဖက်ဒရယ်ပြည်ထောင်စု တည်ဆောက်ရေးကို တကယ်လိုလားသလဲ၊ ဒါ သူတို့ပေါ်မှာပဲ မူတည်တယ်။ သူတို့ လိုလားရင်တော့ ဒီဘက်ကတောင်းတဲ့ အချက်တွေက သဘာဝကျတဲ့ အချက်တွေပဲ။ ကနေ့ အခု သူတို့ လောခီးလာညီလာခံ ဆုံးဖြတ်ချက်ကို စစ်အစိုးရကိုယ်တိုင် ဦးဆောင်ပြီးတော့ တပြည်လုံး၊ တကမ္ဘာလုံးကို ချပြစမ်းပါ။ မတ်လ ၃၁ ရက်နေ့က အတည်ပြုမူကြမ်းနဲ့ ယှဉ်ပြီးတော့ လူထုလေ့လာခွင့် ပေးကြည့်လိုက်စမ်းပါ။ လူထုသဘောထားတွေ ကောက်ကြည့်စမ်းပါ။ အဲလိုဆိုရင် အဖြေတမျိုးထွက်လာမယ်။ အခုဟာ လျှို့ဝှက်ချက်ကြီးလို လုပ်ထားပြီး၊ ဒါကြီးကို ဖုံးထား၊ ဖိထားပြီးတော့မှ ဦးအောင်မင်း ပြောချင်သလို ပြောတာကို လူထုက လိုက်စဉ်းစားနေတဲ့ ဘ၀မျိုးနဲ့ ဆိုရင်တော့ လူထုက မသိဘူးပေါ့ဗျာ။ အဲလိုဆိုတဲ့အခါကျတော့ အမှန်တရားက ပေါ်မလာဘူးပေါ့။ လောခီးလာညီလာခံမှာတော့ဖြင့်ရင် အခု သဘောတူညီချက်တွေကို ပွင့်လင်းမြင်သာစွာ လူထုကို ချပြသွားမယ်ဆိုတဲ့ ဆုံးဖြတ်ချက်ကြီးပေါ်လာတာ အများကြီးကောင်းတယ်။ ဒါကြောင့် တိုင်းရင်းသားခေါင်းဆောင်တွေကလည်း ဘက်ပေါင်းစုံက ချပြဖို့ လိုအပ်သလို အစိုးရကိုယ်တိုင်လည်း ချပြပြီးတော့ လူထုသဘောထားတွေ တောင်းမယ်ဆိုရင်တော့ တကယ်စစ်မှန်တဲ့ ငြိမ်းချမ်းရေးလမ်းကြောင်းကို ရောက်သွားနိုင်တာပဲ။” မြန်မာနိုင်ငံ ငြိမ်းချမ်းရေးဖြစ်စဉ်မှာ အများပြည်သူ ပါဝင်မှုပေါ့နော်၊ အရပ်ဘက်အဖွဲ့အစည်းတွေ၊ အမျိုးသမီးတွေ ပါဝင်မှုက လက်ရှိရထားပြီးသား အခြေအနေပေါ်မှာ အားရကျေနပ်မှုရှိပြီလား။ သူတို့ရဲ့ အားတွေ မလိုဘူးလား။ “ဟာ သိပ်လိုတာပေါ့ဗျာ၊ သိပ်ကောင်းတဲ့မေးခွန်းပဲ။ ရာနှုန်းပြည့်လိုတယ်။ ဒါပေမယ့် အခု ရထားတဲ့ အခြေအနေကျတော့ မပြောပလောက်အောင်၊ မဖြစ်လောက်အောင်ကို ရထားတယ်။ တကယ်တော့ အပြည့်ရသင့်တယ်။ ဆွေးနွေးမှုတွေ မှန်သမျှကို မဆွေးနွေးခင်မှာ လူထုအသင်းအဖွဲ့တွေ၊ လူထုခေါင်းဆောင်တွေနဲ့ ညှိနှိုင်းတိုင်ပင်သင့်တယ်။ ဆွေးနွေးပြီးတဲ့ အခါမှာလည်း ဘာတွေ ဆွေးနွေးပြီးတယ် ဆိုတာကို လူထုကို နှစ်ဘက်စလုံးက ပြန်ချပြသင့်တယ်၊ အကြံပေးချက်တွေ ယူသင့်တယ်။ အဲဒီအပေါ်မှာ အခြေခံပြီးတော့ အဲဒီ လူထုအသင်းအဖွဲ့တွေက လူထုတွေအကြားမှာ ပြန်လည်ဆွေးနွေးတာတွေ၊ သဘောထားယူတာတွေ၊ လိုအပ်တဲ့အပိုင်းတွေမှာ သင်တန်းပို့ချတာတွေ လုပ်သွားမယ်ဆိုရင်တော့ လူထုလှုပ်ရှားမှုကြီး ဖြစ်လာပြီးတော့ ငြိမ်းချမ်းရေးက တကယ်ကို ရသွားမှာပါလို့ ကျနော် ယုံကြည်ပါတယ်။” လောခီးလာ ထိပ်သီးအစည်းအဝေးက တပြည်လုံးအပစ်ရပ်စာချုပ်မူကြမ်းကို  ပြင်ဆင်ဖြည့်စွက်ချက်တွေနဲ့ အတည်ပြုဆုံးဖြတ်ချက်နဲ့ ပတ်သက်လို့ အထူးတလည် ပြောစရာ ကျန်ရှိရင် ပြောပြပါ။ “ဒီလိုဗျ ငြိမ်းချမ်းရေးဟာ လူထုလက်ထဲမှာရှိတယ်။ ငြိမ်းချမ်းရေးဟာ ဘက်နှစ်ဘက် ဆွေးနွေးပွဲ တခုတည်းနဲ့တော့ မပြီးနိုင်ဘူး။ ဘက်နှစ်ဘက် ဆွေးနွေးပွဲက အရေးကြီးတယ်၊ ခေါင်းဆောင်တွေကို တန်ဖိုးထားတယ်။ ဒါပေမယ့် ဘက် ၂ ဘက် ဆွေးနွေးပွဲ တခုတည်းနဲ့ ငြိမ်းချမ်းရေး ဘယ်တော့မှ မရနိုင်ဘူး။ အဲဒီတော့ လူထုလှုပ်ရှားမှုကြီးတရပ် ဖြစ်လာပြီးတော့ လူထုကိုယ်တိုင် ပါဝင်ပတ်သက်၊ သဘောထားဆန္ဒပေးခွင့်ပြု၊ လူထုကိုယ်တိုင် ခြယ်လှယ်ခွင့်ရတဲ့ အခြေအနေ၊ လွှမ်းမိုးခွင့်ရတဲ့ အခြေအနေ၊ ဆုံးဖြတ်ချက်ချရာမှာ ပါဝင်ခွင့်ရတဲ့ အခြေအနေ ဖြစ်လာအောင် လုပ်ပြီးတဲ့အချိန်ကျရင် လူထုဟာ ငြိမ်းချမ်းရေးကို ဖော်ဆောင်နိုင်တယ်။ ဖော်ဆောင်ဖို့တာဝန်လည်းရှိတယ်။ ဖော်ဆောင်လို့ရလိမ့်မယ်လို့လည်း ကျနော် ယုံကြည်တယ်လို့ပြောရင်းနဲ့ ကျနော် နိဂုံးချုပ်ပါတယ်။”
7 years Ago

May 24, 2015

စစ်မှန်တဲ့ ဖက်ဒရယ်ပြည်ထောင်စုအတွက် အစိုးရကို ၀ိုင်းဖိအားပေးဖို့ လိုတယ် - ရှေ့နေဦးအောင်ထူး

ကချင်ပြည်နယ် မိုင်ဂျာယန်ခရိုင် မိုင်ဂျာယန်မြို့မှာ တည်ထောင်ဖွင့်လှစ်ထားတဲ့ ဖက်ဒရယ်ဥပဒေ အကယ်ဒမီက တိုင်းရင်းသားလူငယ်တွေကို သင်တန်းသားသစ်တွေ ခေါ်ယူ နေပါတယ်။ တိုင်းရင်းသားလူငယ်တွေဟာ အနာဂတ်မှာ ဖွဲ့စည်းပုံအခြေခံဥပဒေနဲ့ အခြားဥပဒေများ ရေးဆွဲတဲ့ဖြစ်စဉ်ထဲမှာ လူထုရဲ့ကိုယ်စား၊ တိုင်းရင်းသားတွေ ကိုယ်စားအနေနဲ့ တိုက်ရိုက် ပါဝင်ပတ်သက်နိုင်တဲ့အရည်အချင်းရှိအောင် ပြုစုပျိုးထောင်နေတာ ဖြစ်တယ်လို့   ဖက်ဒရယ်ဥပဒေ အကယ်ဒမီရဲ့ ကျောင်းအုပ်ကြီး လူ့အခွင့်အရေးရှေ့နေ ဦးအောင်ထူးက ပြောပါတယ်။ လက်ရှိ အစိုးရ သွားနေတဲ့ လမ်းကြောင်းဟာ ဖက်ဒရယ်လို့ ဝေါဟာရ အရ လက်ခံလာပေမယ့်  အနှစ်သာရအရတော့ ၂၀၀၈ ဖွဲ့စည်းပုံအခြေခံဥပဒေအောက်ကနေ ပြီးတော့ အင်မတန်မှ တင်းကျပ်တဲ့ဗဟိုချုပ်ကိုင်မှုကို တောက်လျောက်ကျင့်သုံးသွားမယ့် တပြည်ထောင်စနစ်ကိုသာ သွားမယ့်လမ်းကြောင်း ဖြစ်နေတယ်လို့ သူက ဝေဖန်ပါတယ်။ ဖက်ဒရယ်ဥပဒေအကယ်ဒမီရဲ့ ကျောင်းအုပ်ကြီးဖြစ်တဲ့ ရှေ့နေကြီး ဦးအောင်ထူးကို ဒီဗွီဘီက ဆက်သွယ်မေးမြန်းထားပါတယ်။ ဖက်ဒရယ်ဥပဒေအကယ်ဒမီ ပေါ်ပေါက်လာပုံကို ပြောပြပါ။ ဘယ်သူတွေက ထူထောင်တာလဲ ရှင်းပြပေးပါ။ “အဓိကအားဖြင့်တော့ မြန်မာနိုင်ငံမှာ ငြိမ်းချမ်းစွာ  အသွင်ကူးပြောင်းတဲ့အခါကျတော့ အဓိကပြသနာက တိုင်းရင်းသားတွေရဲ့ ဖက်ဒရယ်နဲ့ ပတ်သက်တဲ့အခွင့်အရေး၊ ကိုယ်ပိုင်ပြဌာန်းခွင့်နဲ့ ပတ်သက်တဲ့အခွင့်အရေး၊ တန်းတူရေးအခွင့်အရေး ဆုံးရှုံးတာက အခြေခံပြသနာလို ဖြစ်တယ်။ တချိန်တည်းမှာ ၁၉၄၈ ခုနှစ် ပြည်တွင်းစစ် စဖြစ်ကတည်းက စပြီးတော့ ဥပဒေရေးရာနဲ့ ပတ်သက်လာရင် မြန်မာအမျိုးသားတွေကပဲ ဖွဲ့စည်းပုံအခြေခံဥပဒေ ရေးဆွဲတဲ့ကိစ္စက စပြီးတော့ တောက်လျောက် လက်ဝါးကြီးအုပ်လွှမ်းမိုးလာတယ်လို့ ယူဆချက်တွေ ရှိတယ်။ တိုင်းရင်းသားခေါင်းဆောင်တွေရဲ့ မကျေနပ်ချက်တွေ ရှိတယ်။ “ဒါကြောင့် ဥပဒေကြောင်းအရနဲ့ ကြည့်တော့ တိုင်းရင်သားတွေရဲ့ ရသင့်ရထိုက်တဲ့ တန်းတူရေးနဲ့ ကိုယ်ပိုင်ပြဌာန်းခွင့်အခြေခံကို ဖက်ဒရယ်ပြည်ထောင်စု တည်ဆောက်နိုင်တဲ့ အထိ တိုင်းရင်းသားတွေကိုယ်တိုင်က ဦးဆောင်ပြီးတော့ ငြိမ်းချမ်းတဲ့ ဒီမိုကရက်တစ် ဖက်ဒရယ်ပြည်ထောင်စုကို တည်ဆောက်သွားနိုင်ရေးဟာ လက်ရှိ မြန်မာနိုင်ငံရဲ့ လိုအပ်ချက်လို ဖြစ်လာတယ်။ တချိန်တည်းမှာ ပြန်ကြည့်တော့ ဥပဒေပညာရပ်တွေကို အဓိက သင်ကြားခွင့်ရတာက မြေပြန့်ဒေသမှာ ဖြစ်ပြီးတော့ မြန်မာလူမျိုးအများစုက ဖြစ်နေတယ်။ ဒါတပိုင်းဖြစ်တယ်။ နောက်တခါ ဒီဘက် ၁၉၆၂ ခုနှစ်က စပြီးတော့ ၈၈ ဒီဘက်ပိုင်းမှာ ပိုဆိုးလာတာက ဘာလဲဆိုတော့ ဥပဒေပညာသင်ကြားရေးကို ရည်ရွယ်ချက်ရှိရှိ အစီအစဉ်ရှိရှိနဲ့ နှိမ့်ချပစ်တယ်။ “ဒီကနေ့ဆိုရင် ဥပဒေပညာသင်ကြားရေးဟာ တော်တော့်ကို အခြေအနေ ဆိုးဝါးသွားပြီ။ အဲဒီတော့ ဒါကို ပြောင်းပြန်လှန်ပြီးတော့မှ လူ့အခွင့်အရေးအခြေခံနဲ့ ဥပဒေစိုးမိုးရေး အခြေခံကနေ ငြိမ်းချမ်းလွတ်လပ်တဲ့ ဒီမိုကရက်တစ်ဖက်ဒရယ်ပြည်ထောင်စု တည်ဆောက် နိုင်ဖို့ရန်အတွက် ရည်ရွယ်ချက်နဲ့ တိုင်းရင်းသားလူငယ်တွေကို ဒီဥပဒေပညာ သင်ကြားခွင့် ရစေဖို့ ဖန်တီးနိုင်ဖို့ ရည်ရွယ်ချက်နဲ့ ဖက်ဒရယ်ဥပဒေအကယ်ဒမီကို တည်ထောင်လိုက်တာ ဖြစ်ပါတယ်။” စတင်ထူထောင်သူတွေက ဦးအောင်ထူးအပါအ၀င် ဘယ်သူတွေလဲ။ “အဓိကကတော့ ကျနော်က ဦးဆောင်ပြီးတော့ Academic Board ဖွဲ့စည်းထားတယ်။ Academic Board မှာပါတဲ့ ပညာရှင်တွေကတော့ Dr. David Fisher၊ Stockholm University, ဆွီဒင်က နိုင်ငံတကာဥပဒေ ပါမောက္ခ ဖြစ်တယ်။   နောက်တယောက်ကတော့ Dr. Venkat Iyer ၊ အင်္ဂလန်က Law Commissioner and Barrister  ဖြစ်တယ်။ နောက်တယောက်က ပရော်ဖက်ဆာ Dr. Suzannah Linton  နိုင်ငံတကာ ဥပဒေပညာရှင် ဖြစ်တယ်။ Bangor University၊ ယူကေက ဖြစ်တယ်။ နောက်တယောက်ကတော့ the University of Hong Kong မှာ ဥပဒေဌာနပါမောက္ခအဖြစ် တာဝန်ယူခဲ့တဲ့ ပါမောက္ခ Simon Young ဖြစ်တယ်။ သူတို့နဲ့ ကျနော်နဲ့ ပေါင်းပြီးတော့မှ Academic Board ဖွဲ့စည်းထားတယ်။” ကျောင်းတည်ရှိရာနေရာ မိုင်ဂျားယန်က ဘယ်နေရာမှာ တည်ရှိလဲ။ အစိုးရဘက်က ထိန်းချုပ်လား၊ ကေအိုင်အိုဧရိယာလား။ “ကေအိုင်အိုက လွှမ်းမိုးအုပ်ချုပ်ထားတဲ့နေရာ ဖြစ်ပါတယ်။” အကယ်ဒမီမှာ ဘာသင်ရိုးတွေကို အဓိက ဦးစားပေးပြဋ္ဌာန်း  သင်ကြားပို့ ချပါသလဲ။ “အဓိကကတော့ နိုင်ငံတကာဥပဒေနဲ့ ပတ်သက်လာလို့ရှိရင်တော့ နိုင်ငံတကာ ဥပဒေ အခြေခံပါတယ်။ နိုင်ငံတကာလူ့အခွင့်အရေးဥပဒေ ပါတယ်။ နိုင်ငံတကာ လူသားချင်း စာနာထောက်ထားတဲ့ဥပဒေ ပါတယ်။ ဥပဒေစိုးမိုးရေးပါတယ်။ ဥပဒေသိပ္ပံပညာပါတယ်။ ဒါတွေက နိုင်ငံတကာနဲ့ ပတ်သက်တဲ့အပိုင်းတွေ ဖြစ်တယ်။ တချိန်တည်းမှာ မြန်မာနိုင်ငံနဲ့ ပတ်သက်တဲ့ ဥပဒေပိုင်းတွေမှာ လူ့အဖွဲ့အစည်းတခုလုံးရဲ့အပြောင်းအလဲကို ဦးတည်တဲ့ ဥပမာ ဖွဲ့စည်းပုံအခြေခံဥပဒေ၊ ဖက်ဒရယ်စနစ်နဲ့ ဖက်ဒရယ်ဥပဒေတွေ၊ Civil Society လို့ခေါ်တဲ့ လူထုအဓိက လူ့အဖွဲ့အစည်း တည်ဆောက်နိုင်ရေးကို ပံ့ပိုးတဲ့ဥပဒေတွေ၊ နောက်တခါ State Law လို့ခေါ်တဲ့ ဖက်ဒရယ်နိုင်ငံ တည်ဆောက်မယ်ဆိုရင် သက်ဆိုင်ရာပြည်နယ်တွေမှာ ပြည်နယ်လွှတ်တော်တွေရှိတဲ့အပြင် ပြည်နယ်ဥပဒေတွေလည်း ရှိရမယ်။ အဲဒီ ပြည်နယ်ဥပဒေကို သီးခြားလေ့လာတဲ့ ဥပဒေ ရှိတယ်။ နောက်တခါ မြေယာဥပဒေ၊ မြန်မာနိုင်ငံမှာ အဓိက လူထုတရပ်လုံးကို ထိခိုက်ခံစားနေရတော့ မြေယာမူဝါဒနဲ့ မြေယာဥပဒေတွေ ဖြစ်တယ်။ ဒီဥပဒေတွေကို သုံးသပ်တဲ့၊ လေ့လာတဲ့သင်ခန်းစာပါတယ်။ နောက်တခုက လူထုရဲ့ အခြေခံအခွင့်အရေးတွေ။ ဥပမာ free expression၊ freedom of association နဲ့ assembly ပေါ့လေ။ လွတ်လပ်စွာ ထုတ်ဖော်ပြောဆိုခွင့်စုဝေးခွင့်ကို ပံ့ပိုးတဲ့၊ တနည်းအားဖြင့် ဟန့်တားတဲ့ ဥပဒေတွေ ဒါတွေကို တောက်လျောက် ပို့ချနေတာ ဖြစ်ပါတယ်။ အကယ်ဒမီမှာ ပို့ချကြတဲ့ဆရာတွေက ပြည်တွင်းကလား၊ ပြည်ပကလား ပညာရှင်တွေက။ “ပြည်ပက ပုဂ္ဂိုလ်တွေကတော့ ရံဖန်ရံခါ ဖိတ်ကြားပြီးတော့ Guest Speaker အဖြစ်နဲ့ လာတာ ရှိပါတယ်။ အဓိကကတော့ ပြည်တွင်းက ပုဂ္ဂိုလ်တွေ ပို့ချနေတာ ဖြစ်ပါတယ်။” သင်တန်းသားတွေက ဘယ်ကလဲ ပြည်တွင်းကလာကြလား။ နယ်စပ်ကလား။ “လောလောဆယ် မနှစ်က စတင်လက်ခံတဲ့ အချိန်မှာတော့ဖြင့် ကချင်တိုင်းရင်းသားတွေက အများစု ဖြစ်တယ်။ တအာင်းပလောင်တိုင်းရင်းသားတွေက ၃ ယောက် ပါတယ်။ လာမယ့်နှစ်မှာတော့ လာမယ့် ဇွန် ၂၆ ရက်နေ့မှာ ထပ်ဖွင့်မယ့် အသုတ်မှာတော့ဖြင့် တခြားတိုင်းရင်းသားတွေပါ ပါလာကြပါလိမ့်မယ်။” ပြည်တွင်းက လာတက်လို့ကော ရလား။ “ပြည်တွင်းက လာတက်လည်း ရပါတယ်။ ကျနော်တို့ ဖေ့စ်ဘုတ်မှာရော ကြေငြာ နေပါတယ်။ အဓိကကတော့ ပြည်တွင်းက လာတက်မယ့်လူငယ်တွေမှာ စိုးရိမ်ချက် ရှိတာပေါ့လေ။ သွားရေးလာရေး။ ကျနော်တို့ ဆက်သွယ်ဖို့ လိပ်စာပေးထားတယ်၊ အဓိကအားဖြင့် [email protected] ကို ဆက်သွယ်ပြီးတော့ အသေးစိတ် မေးလို့ ရပါတယ်။” ကျောင်းသားလျောက်လိုသူတွေလည်း သိချင်မယ်။ အဲဒီမှာ နေထိုင်သွားလာ စားသောက်တာတွေကရော ကိုယ့်အစီအစဉ်နဲ့ကိုယ်လား။ “ကျနော်တို့ အဲဒီမှာ ကျောင်းသားတွေအတွက် ၁ နှစ်ကို တရုတ်ယွမ်ငွေ ၂၀၀၀ ယူတယ်။ အဲဒါက သူတို့ရဲ့ စားသောက်ရေးပါ။ အဲဒီ စားသောက်ရေးတောင်မှ မလောက်ပါဘူး။ ကျောင်းကော်မတီက ရန်ပုံငွေရှာပြီးတော့ ဖြည့်ဆည်းရတာ ရှိပါတယ်။ ကျန်တဲ့နေထိုင်ရေးကတော့ အဆောင် အခမဲ့ပေးထားတယ်၊  ရေမီးအစုံအလင် ပေးထားတယ်။ လိုအပ်တဲ့ စာသင်ပစ္စည်းကိရိယာအကုန်လုံးလည်း ကျနော်တို့ကပဲ ထုတ်ပေးတာ ဖြစ်ပါတယ်။” မနှစ်ကစဖွင့်လှစ်ခဲ့တဲ့ ဖက်ဒရယ်ဥပဒေအကယ်ဒမီကို ဘယ်လောက်ထိအောင် မျှော်လင့်လဲ။ ဒီအကယ်ဒမီက ဘယ်လောက်ထိအောင် အကျိုးရှိမယ်လို့ တွက်ဆထားလဲ။ “ဒါ အင်မတန်ကောင်းတဲ့ မေးခွန်းပါ။ ပထမ တချက်ကတော့ ကျနော်တို့ တိုင်းရင်းသား လူငယ်တွေဟာ လာမယ့် မဝေးတော့တဲ့အနာဂတ်မှာ ဒီမိုကရက်တစ်ဖက်ဒရယ်ပြည်ထောင်စု ဖွဲ့စည်းပုံအခြေခံဥပဒေ ရေးဆွဲနိုင်တဲ့အနေအထား ရောက်လာပြီဆိုရင် ဖွဲ့စည်းပုံအခြေခံဥပဒေနဲ့ အခြားဥပဒေများ ရေးဆွဲတဲ့ဖြစ်စဉ်ထဲမှာ လူထုရဲ့ကိုယ်စား၊ တိုင်းရင်းသားတွေ ကိုယ်စားအနေနဲ့ တိုက်ရိုက် ပါဝင်ပတ်သက်နိုင်တဲ့အရည်အချင်း ရှိအောင် ကျနော်တို့က အခြေခံအားဖြင့် ပြုစုပျိုးထောင်နေတာ ဖြစ်တယ်။ ဒါက တခုဖြစ်တယ်။ နောက်တခုက လောလောဆယ်မှာ အဲဒီ အခွင့်အရေးမရသေးတောင်မှ ကျောင်းက ဆင်းသွားတဲ့လူငယ်တွေဟာ သက်ဆိုင်ရာ civil society organization လို့ ခေါ်တဲ့ လူထုအသင်းအဖွဲ့တွေမှာ အခြေခံအားဖြင့် တစုံတရာ အရည်အချင်းရှိစွာနဲ့ ၀င်ရောက်လုပ်ကိုင်ခွင့်ရအောင် ကျနော်တို့ ပံ့ပိုစီစဉ်ပေးနေတာ ဖြစ်တယ်။ နောက်ဆုံးတချက်ကတော့ တကယ်လို့များ တကယ်ပဲ ဒီမိုကရက်တစ် ဖက်ဒရယ် ပြည်ထောင်စုကြီး တည်ဆောက်နိုင်ပြီဆိုရင် တိုင်းရင်းသားပြည်နယ်အသီးသီးမှာ အဲဒီ တိုင်းရင်းသားလူငယ်တွေကိုယ်တိုင် ကိုယ့်ပြည်နယ်ကို ကိုယ် တကယ့် ကိုယ်ပိုင်ပြဌာန်းခွင့် အခြေခံကနေ ဥပဒေကြောင်းအရ အုပ်ချုပ်လည်ပတ်နိုင်စွမ်းရှိတဲ့ လူငယ်တွေ ဖြစ်လာလိမ့်မယ်လို့ ကျနော်တို့က လုံးဝ ယုံကြည်ပါတယ်။” အုပ်ချုပ်သူအစိုးရအဆက်ဆက်က ဖက်ဒရယ်ဟာ ခွဲထွက်ရေးအဖြစ် သုံးနှုန်းရာက နိုင်ငံတော်သမ္မတ ဦးသိန်းစိန်က ဒီနှစ်ပြည်ထောင်စုနေ့မှာ ‘ဖက်ဒရယ်စနစ်အခြေခံတဲ့ ပြည်ထောင်စုတည်ဆောက်ရေး တိုင်းရင်းသား အားလုံးစုပေါင်းကြိုးပမ်းကြဖို့  တိုက်တွန်းခဲ့ပါတယ်။  ဦးအောင်ထူးကိုယ်တိုင်လည်း တိုင်းရင်းသားလက်နက်ကိုင်အဖွဲ့အစည်း တွေနဲ့ ဆယ်စုနှစ်နဲ့ ချီပြီး ကျင်လည်ဖြတ်သန်းဖူးတော့  တိုင်းရင်းသားတွေ လိုလားတဲ့ ဖက်ဒရယ်နဲ့ အစိုးရပြောတဲ့ ဖက်ဒရယ် အတူတူပဲလား။ ကွာလား။ အကယ်ဒမီ ကျောင်းအုပ်ကြီးအနေနဲ့ သုံးသပ်ပြပါ။ “သိပ်ကောင်းတဲ့မေးခွန်းပဲ။ လက်ရှိ ဦးသိန်းစိန်အစိုးရက ဘက်တဘက်။ တိုင်းရင်းသား လက်နက်ကိုင်တော်လှန်ရေးခေါင်းဆောင်တွေက ဘက်တဘက် ဆွေးနွေးကြတဲ့ ဆွေးနွေးပွဲမှာကို ပြီးခဲ့တဲ့ မတ် ၃၁ ရက်နေ့က အတည်ပြုမူကြမ်း (တနိုင်ငံလုံးပစ်ခတ်တိုက်ခိုက်မှုရပ်စဲရေးသဘောညီချက်-မူကြမ်း) ထွက်ထားတာရှိတယ်။ အဲဒီမှာ ဖက်ဒရယ်နဲ့ ပတ်သက်ပြီးတော့ လက်ရှိအစိုးရကနေပြီးတော့ မလွဲသာ မရှောင်သာ ဝေါဟာရကိုပါ ထည့်ရေးပြီးတော့မှ ဒီအတိုင်း တည်ဆောက်သွားပါ့မယ်ဆိုပြီးတော့ သုံးထားတဲ့ အသုံးအနှုန်း ရှိပါတယ်။ အဲဒီအသုံးအနှုန်းအရကိုက ရာနှုန်းပြည့် လွဲနေတယ်လို့ ကျနော်က ပြောရဦးမယ်။ ဘာကြောင့်လည်းဆိုတော့ ဖက်ဒရယ်ကို တကယ်သွားချင်ရင် ၁၉၆၁ ခုနှစ် တောင်ကြီးညီလာခံမှာကတည်းက ရှမ်းအမျိုးသား နိုင်ငံရေးခေါင်းဆောင်တွေက ဦးဆောင်ပြီး တောင်းဆိုခဲ့ကြတဲ့၊ တခြားတိုင်းရင်းသားတွေလည်း ပါတဲ့ မူက ဘာလဲဆိုတော့ ဖက်ဒရယ်ပြည်ထောင်စုကို အမျိုးသားပြည်နယ်များဖြင့်သာ ဖွဲ့စည်းခြင်း ဖြစ်တယ်။ မြန်မာပြည်နယ် (တနည်းအားဖြင့် ) ဗမာပြည်နယ်ပေါ့ဗျာ အဲဒီပြည်နယ်အပါအ၀င် ကျန်တဲ့ ကချင်၊ ကရင်၊ မွန်၊ ရှမ်း၊ ချင်း၊ ရခိုင် စတဲ့ တိုင်းရင်းသားတွေ ပါဝင်တဲ့ အမျိုးသားပြည်နယ်များနဲ့သာ ပြည်ထောင်စုကို ဖွဲ့စည်းသွားရေး ဖြစ်တယ်။  အဲဒီတော့ အဲဒီအမျိုးသားပြည်နယ်များနဲ့သာဖွဲ့စည်းသွားရမယ်ဆိုတဲ့ အခြေခံအချက်ကို လုံးဝမပါဘဲနဲ့ အခု အတည်ပြုမူကြမ်းမှာ ဖက်ဒရယ်ဆိုတဲ့စကားလုံးကို အပေါ်ယံမျှပဲ ထည့်ပေးလိုက်တာ ဖြစ်တယ်။ ဒါကြောင့် အနှစ်သာရအရ ရာနှုန်းပြည့်လွဲနေတယ်။ ဆိုတော့ အဲလို အနှစ်သာရအရ လွဲနေတဲ့အချက်ကို လက်မခံဘဲနဲ့ အခု ဒီအတိုင်း ဆက်ပြီးတော့ အတည်ပြုမူကြမ်းအတိုင်း သွားမယ်ဆိုရင် ကျနော်တို့မြင်တာကတော့  ၂၀၀၈ ဖွဲ့စည်းပုံဟာလည်းပဲ အဲဒီစာချုပ်ထဲမှာ ပါသလို ဒီမိုကရေစီရေး၊  အမျိုးသားတန်းတူရေးနဲ့ ကိုယ်ပိုင်ပြဌာန်းခွင့်ကို အာမခံချက်ပေးတဲ့ ဖွဲ့စည်းပုံဖြစ်တယ်ဆိုတဲ့ ပုံစံမျိုးနဲ့ လက်ရှိတက်နေတဲ့အစိုးရက ဆွဲယူသွားမှာ သေချာတာ ဖြစ်တာကြောင့်မို့လို့ ဘယ်တော့မှ ဖက်ဒရယ်နိုင်ငံပေါ်လာစရာ အကြောင်းမရှိပါဘူး။” ဖက်ဒရယ်နဲ့ပတ်သက်လို့ စိတ်ဝင်စားကြသူတွေကို ဒီကနေတဆင့် ဘာပြောစရာရှိမလဲ။ “အဓိက ၂ ပိုင်းပေ့ါဗျာ။ တပိုင်းက ဘာလဲဆိုတော့ ဖက်ဒရယ်နဲ့ ပတ်သက်ပြီးတော့ ဘာကြောင့် တောင်းဆိုရတယ်။ ဖက်ဒရယ်ဟာ ဂလိုဘယ်လိုက်ဇေးရှင်းလို့ခေါ်တဲ့ ကမ္ဘာတခွင် ဆက်သွယ်ဆောင်ရွက်တဲ့ခေတ်ကြီးမှာ တဖက်က အင်မတန်မှ သေးငယ်တဲ့ အမျိုးသားရေးဝါဒကို မကျင့်သုံးဘဲနဲ့ အဲဒီခေတ်ကြီးနဲ့ လိုက်လျောညီထွေစွာ သွားနိုင်တဲ့၊ ကိုယ့်ဟာကို စုစည်းပြီး အားကောင်းတဲ့နိုင်ငံရေးစနစ်တခုဟာ ဖက်ဒရယ်ဖြစ်တယ်။ ဒါကြောင့် ဒါကို စနစ်တကျအဖြေရှာပြီးလေ့လာဖို့လိုတယ် ဒါ တပိုင်းပါ။ ဒုတိယတပိုင်း ပိုအရေးကြီးတာက ဘာလဲဆိုတော့ အခု လက်ရှိငြိမ်းချမ်းရေးလှုပ်ရှားတဲ့ဖြစ်စဉ်နဲ့  ဆက်စပ်ဖို့ပါပဲ။ အဲဒီတော့ လက်ရှိ ဦးသိန်းစိန်အစိုးရဦးဆောင်ပြီးတော့မှ သွားနေတဲ့ လမ်းကြောင်းဟာ ဖက်ဒရယ်လို့ ဝေါဟာရ အရလက်ခံလာသော်ငြားလည်းပဲ အနှစ်သာရအရတော့ ၂၀၀၈ ဖွဲ့စည်းပုံအခြေခံဥပဒေ အောက်ကနေပြီးတော့ တပြည်ထောင်စနစ်၊ အင်မတန်မှ တင်းကျပ်တဲ့ ဗဟိုချုပ်ကိုင်မှုပေါ့ဗျာ။ တောက်လျောက်ကျင့်သုံးသွားမယ့် တပြည်ထောင်စနစ်ကိုသာ သွားမယ့်လမ်းကြောင်း ဖြစ်နေပါတယ်။ ဒါကြောင့် လက်ရှိငြိမ်းချမ်းရေးဖြစ်စဉ်ကြီးမှာလည်း လူငယ်တွေ၊ လူထုအသင်းအဖွဲ့တွေ။ တိုင်းရင်းသားပေါင်းစုံ လူထုတရပ်လုံးအနေနဲ့ကတော့ စစ်မှန်တဲ့ဖက်ဒရယ်ပြည်ထောင်စုတည်ဆောက်နိုင်ရေးအတွက်ကို လက်ရှိ တက်နေတဲ့အစိုးရ အပေါ်မှာ ၀ိုင်းဝန်းဖိအားပေးကြဖို့ လိုလိမ့်မယ်လို့ ကျနော်က မေတ္တာရပ်ခံ တင်ပြပါတယ်။”
7 years Ago
Up