စစ်ကိုင်း

May 21, 2019

စစ်ကိုင်းမြို့ ဗလီတွင် ငြိမ်းချမ်းရေးလိုလားသူများ နှင်းဆီဖြူ သွားရောက်ပေးအပ်

အစ္စလာမ်ဘာသာဝင်တွေအပေါ် မေတ္တာထားတယ်ဆိုတာ ပြသတဲ့အနေနဲ့ နှင်းဆီဖြူ ပေးအပ်တဲ့ လှုပ်ရှားမှုတခုကို မေလ ၂၀ ရက် ညနေပိုင်းက စစ်ကိုင်းမြို့ရှိ မြို့မဗလီမှာ ပြုလုပ်ခဲ့ပါတယ်။ ဒီနှင်းဆီဖြူကမ်ပိန်းဟာ ရန်ကုန် ဒဂုံမြို့သစ်တောင်ပိုင်းမှာ ပြီးခဲ့တဲ့သီတင်းပတ်က ဖြစ်ပွားခဲ့တဲ့ အစ္စလာမ်ဘာသာဝင်တွေရဲ့ ယာယီဝတ်ပြုဆောင်ကို လူတစုက လာရောက် တားဆီးပိတ်ပင်ခဲ့တာနဲ့ ပတ်သက်လို့ ဗုဒ္ဓဘာသာဝင်တွေနဲ့ ငြိမ်းချမ်းရေးလိုလားသူတွေ စတင်လုပ်ခဲ့တာပါ။ အစ္စလာမ်ဘာသာဝင်တွေရဲ့ ဥပုသ်လမှာ မေတ္တာပြတဲ့အနေနဲ့ ဒီကမ်ပိန်းကို လုပ်ရတာလို့ ဦးဆောင်သူတဦးဖြစ်တဲ့ မစုချစ်က ပြောပါတယ်။ ဒီနှင်းဆီဖြူကမ်ပိန်းမှာ လူငယ်အယောက် ၃၀ လောက် ပါဝင်ခဲ့ပြီး အစ္စလာမ်ဘာသာဝင်တွေ ဗလီကအထွက်မှာ နှင်းဆီပန်းဖြူတွေကို ကမ်းပေးတာ ဖြစ်ပါတယ်။ လူသားအချင်းချင်း မေတ္တာထားတတ်ဖို့ ဒီပန်းလေးက သင်ခန်းစာပေးတယ်ဆိုပြီး ခံယူတယ်လို့ အစ္စလာမ်ဓမ္မဗိမာန်မှ ဒေါက်တာဆောင်းလွင်အောင်က ပြောပါတယ်။ သတင်း - နိုင်လင်းဦး
2 years Ago

May 17, 2019

မင်းကင်းတွင် အမြန်ရေယာဉ်တစီးပေါ်မှ ခရီးသည်နှစ်ဦး မြစ်ထဲပြုတ်ကျ ပျောက်ဆုံး

စစ်ကိုင်းတိုင်း၊ မင်းကင်းမြို့နယ်၊ လောင်းပြည့်ကျေးရွာအနီးမှာ မေ ၁၆ ရက် မနက် ၆ နာရီက အမြန်ရေယာဉ်တစီးပေါ်ကနေ ခရီးသည်နှစ်ဦး ချင်းတွင်းမြစ်ထဲ ပြုတ်ကျ ပျောက်ဆုံးနေပါတယ်။ ခရီးသည်အမျိုးသမီးတဦးဟာ စက်လှေအနောက်ဘက် အိမ်သာသွားရင်း စက်လှေကုန်းပတ် လျှောက်လမ်းကနေ ဟန်ချက်ပျက် ပြုတ်ကျခဲ့တာဖြစ်ပြီး တခြားခရီးသည် အမျိုးသားတဦးက ဆင်းဆယ်ခဲ့ရာကနေ နှစ်ဦးလုံး ရေနစ်မြုပ်သွားခဲ့တာပါ။ ခရီးသည်ပြုတ်ကျခဲ့တဲ့ ရေယာဉ်ကတော့ မင်းသီဟကျော် အမြန်ရေယာဉ်ဖြစ်ပြီး ဟုမ္မလင်းကနေ ထွက်ခဲ့ကာ မင်းကင်းမြို့မှာ ညအိပ်နားခဲ့တယ်လို့ သိရပါတယ်။ အဲ့ဒီကမှတဆင့် မင်းကင်းမြို့ကနေ မေ ၁၆ ရက် မနက် ၅ နာရီအချိန်က ထွက်ခွာခဲ့ပြီးနောက် မနက် ၆ နာရီလောက်မှာ ခရီးသည် ၂ ဦး ရေထဲပြုတ်ကျခဲ့တာပါ။ အမြန်ရေယာဉ်ပေါ်ကနေ ချင်းတွင်းမြစ်ထဲ ပြုတ်ကျခဲ့တဲ့ ခရီးသည်နှစ်ဦးဟာ လေရှီးမြို့ ရေတောင်ရပ်နေ မလောယဲ့မိုင်းနဲ့ ချစ်​မျိုး နေရပ်စုံစမ်းဆဲတို့ ဖြစ်ပါတယ်။ ရေနစ်မြုပ်ခဲ့သူ နှစ်ဦးကိုတော့ မင်းကင်းမြို့ ပုဂ္ဂလိကရေယာဉ်များ စည်းကမ်းထိန်းသိမ်းရေးနှင့် ကြီးကြပ်ရေးအဖွဲ့၊ ရဲတပ်ဖွဲ့ဝင်တွေက ရှာဖွေကယ်ဆယ်နေပါတယ်။ သတင်း - မင်းရဲစစ်နိုင်
2 years Ago
More News
Up